Alọdlẹndonu Yẹdide lẹ Tọn
Sọgbe Hẹ Weda He Ji Yé Sọawuhia Te
Wepa lẹ Paulu, Tabita, Galio, Luku, nukunpedonugotọ tẹmpli mẹ tọn de po apọsteli lẹ po, Sadusi de, Paulu he yin pinplan jei Sesalea, podọ kunnudide to azán mítọn gbè gbọn mọto he tindo zomọ gbèzeyiaga tọn de gọna glamafonu de yiyizan dali.
Weda 1 Paulu he to gẹdẹ mẹ, gọna Luku to tọjihun he bẹ agbàn jei Lomu de mẹ.
Weda 2, 3 Mẹmẹsunnu J. E. Barr po T. Jaracz po, yèdọ awe to Hagbẹ Anademẹtọ lọ mẹ to kalti yẹdide aihọn tọn pọ́n.
Weda 11 Jesu deazọ́nna apọsteli nugbonọ 11 po hodotọ devo lẹ po to osó de ji to Galili.
Weda 14 Jesu hẹji jei olọn mẹ. Apọsteli lẹ to agahomẹ pọ́n dín in dile e to yìyì.
Weda 20 To Pẹntikọsti, devi lẹ jẹ hodọna jonọ lẹ ji to ogbè jonọ lọ lẹ tọn mẹ.
Weda 36 Apọsteli lẹ nọte to Kaifa he to adidu nukọn. Hagbẹ Whẹdatẹn Daho Ju lẹ tọn lẹ sọgan degbena nukunpedonugotọ tẹmpli mẹ tọn lẹ nado wle mẹdepope.
Weda 44 To odò: To Wẹkẹ-Whàn II godo, whẹdatẹn de to Whèzẹtẹn Allemagne tọn gblewhẹdo Kunnudetọ Jehovah tọn lẹ dọ yé yin amẹ́ Amelikanu lẹ tọn.—Linlinwe Neue Berliner Illustrierte, 3 octobre 1950 tọn.
Weda 46 Stefani he yè sawhẹdokọna lọ tin to Whẹdatẹn Daho Ju lẹ tọn nukọn. Sadusi adọkunnọ lẹ tin to amiyọn mẹ na Stefani, bọ Falesi hẹngogonọ lẹ tin to adusi etọn mẹ.
Weda 54 Pita ze alọ etọn do devi yọyọ de ji; Simọni hẹn akuẹ-pò to alọmẹ.
Weda 75 Pita po gbẹdohẹmẹtọ etọn lẹ po biọ owhé Kọneliọsi tọn gbè. Kọneliọsi ze avọ̀ vẹẹ de do abọ́ ji po ohia de po nado do ogántẹn etọn, taidi mẹkanwekowhàngán hia.
Weda 83 Angẹli de deanana Pita; e yọnbasi dọ Atọ̀họ̀ Antonia tọn mẹ wẹ Pita yin súsú do.
Weda 84 To odò: Gbẹtọgun danuwatọ de, sẹpọ tòdaho Montréal tọn to Québec, to 1945.—Linlinwe Weekend Magazine, juillet 1956 tọn.
Weda 91 Paulu po Balnaba po yin yinyan sọn Antioku Pisidia tọn. Aná yọyọ he mẹ osin nọ gbọn biọ tòdaho lọ mẹ, he sọgan ko yin bibasi to bẹjẹeji owhe kanweko tintan W.M. tọn tin to aga yẹdide lọ tọn.
Weda 94 Paulu po Balnaba po gbẹ́ nado yin sinsẹ̀n-basina to Listla. Aglinjijẹ, awhágbe po nuhiho voovo lẹ po nọ saba tin to avọ́sinsan lẹ whenu.
Weda 100 To aga: Sila po Juda po to tulina agun he tin to Antioku Silia tọn. (Owalọ 15:30-32) To odò: Nugopọntọ lẹdo tọn de to hodọ to agun Ouganda tọn de mẹ.
Weda 107 Agun he tin to Jelusalẹm nọ pli to owhé Klistiani de tọn gbè.
Weda 124 Yẹdide lọ do Paulu po Timoti po hia to whenue yé do tọjihun Lomunu lẹ tọn he nọ bẹ ajọwatọ lẹ. Miyọ́nhọ̀ he nọ do ali hia tọjihun lẹ sọgan yin mimọ hlan olá.
Weda 139 Yẹdide he do Paulu po Sila po hia to awánu he họngbo etọn to súsú de mẹ dile yé to hinhọ̀n na gbẹtọgun danuwatọ de.
Weda 155 Galio gbà whẹsadokọnamẹtọ Paulu tọn lẹ do. Nusisọ́ etọn do ogántẹn etọn hia: e do avọ̀ wewe de he aṣẹpatọ lẹ nọ do, ehe avọ̀ sopẹ́-sinmẹnọ de tin to tonú etọn gọna calcei, yèdọ afọpa wunmẹ de.
Weda 158 Demetliu to hodọna ayatọ fataka tọn lẹ to Efesu. Vodun-họ̀ Altemis tọn kleunkleun he yè yí fataka do basi lẹ he gbẹtọ lẹ nọ họ̀ nado flin yẹwhe lọ.
Weda 171 Paulu po gbẹdohẹmẹtọ etọn lẹ po to tọjihun de mẹ biọ. Zannu oflin tọn daho tọjihun-glintẹn lọ tọn he yin didoai to owhe kanweko tintan J.W.M., yin mimọ hlan olá to yẹdide lọ mẹ.
Weda 180 To odò: Jọja Kunnudetọ de to owe lẹ má to nuglọ whenue owe mítọn lẹ yin alọhẹndotena to Canada to owhe 1940 lẹ gblamẹ. (Yẹdide numimọ vivọ́ basi tọn.)
Weda 182 Paulu yigbena nuhe mẹho lẹ dọ. Luku po Timoti po sinai do godo etọn, bọ nunina he Paulu na yí do dowẹn lẹ tin to alọ yetọn mẹ.
Weda 190 Ylọnẹn-ylọvi Paulu tọn to hodọna Klaudiu Lisia to Atọ̀họ̀ Antonia tọn mẹ, fihe Paulu sọgan ko yin wiwle do. Tẹmpli Hẹlọdi tọn sọgan yin mimọ gbọn fleṣe-nu.
Weda 206 Paulu hodẹ̀ na húndotọ he agbọ́ ko pé taun lẹ to tọjihun he nọ bẹ agbàn de mẹ.
Weda 222 Yè do gẹdẹ Paulu dopọ hẹ awhànfuntọ Lomu tọn de, bọ yé to apadewhe tòdaho Lomu tọn pọnhlan.
