NUPINPLỌN 102
Osọhia He Johanu Mọ
Whenue apọsteli Johanu tin to gànpamẹ to lopo Patmos tọn ji, Jesu hẹn ẹn nado mọ numimọ kavi yẹdide sọgodo tọn 16 debọdo-dego. Numimọ ehelẹ do lehe oyín Jehovah tọn na yin kinklandowiwe bọ Ahọluduta etọn na wá do hia, gọna lehe ojlo etọn na yin wiwà to aigba ji kẹdẹdi to olọn mẹ do.
To numimọ de mẹ, Johanu mọ Jehovah to ofìn gigonọ etọn ji to olọn mẹ bọ mẹho 24 he do avọ̀ wewe bo ṣinyọ́n jẹgbakun sika tọn lẹ lẹdo e pé. Abì sọ to gbigbò dlan bọ hẹviosò to núdọ sọn ofìn lọ kọ̀n. Mẹho 24 lọ lẹ dẹ́ do odò na Jehovah nado sẹ̀n ẹn. To numimọ devo mẹ, Johanu mọ gbẹtọ susugege de he to Jehovah sẹ̀n sọn akọta, gbẹtọ po ogbè lẹpo po mẹ. Lẹngbọvu lọ, yèdọ Jesu, to nukunpedo yé go bosọ plan yé yì osin ogbẹ̀ tọn kọ̀n. Enẹgodo, Johanu mọ numimọ devo he mẹ Jesu jẹ gandu ji te taidi Ahọlu to olọn mẹ to pọmẹ hẹ mẹho 24 lọ lẹ. To numimọ he bọdego mẹ, Johanu mọ bọ Jesu hoavùn hẹ dlagọni lọ, yèdọ Satani po aovi etọn lẹ po. Jesu dlan yé sọn olọn mẹ wá aigba ji.
Enẹgodo, Johanu mọ yẹdide whanpẹnọ de he bẹ Lẹngbọvu lọ po omẹ 144 000 delẹ po hẹn he ṣite to Osó Ziọni ji. E sọ mọ angẹli de he to zinzlọn to olọn ṣẹnṣẹn bo to didọna gbẹtọ lẹ nado nọ dibusi Jiwheyẹwhe bo nọ na Ẹn gigo.
To numimọ he bọdego mẹ, awhàn Amagẹdọni tọn yin fùnfùn. To awhàn enẹ whenu, Jesu po awhànpa etọn po gbawhàn aihọn ylankan Satani tọn. To numimọ godo tọn mẹ, Johanu mọ bọ nulẹpo to yìyì dile e jẹ do to olọn mẹ podọ to aigba ji. Satani po kúnkan etọn lẹ po yin vivasudo mlẹnmlẹn. Mẹhe to olọn mẹ podọ to aigba ji lẹpo sọ nọ na sisi oyín Jehovah tọn di onú wiwe bo nọ sẹ̀n ewọ kẹdẹ.
“Yẹn nasọ yí okẹ̀n do hiẹ po yọnnu lọ po ṣẹnṣẹn podọ do kúnkan towe po kúnkan etọn po ṣẹnṣẹn. Ewọ na só ota towe podọ hiẹ na hẹ̀nadu afọgbẹn etọn.”—Jenẹsisi 3:15
A Gán Sọ Pọ́n Hosọ Ehelẹ
JESU—ALIHO LỌ, NUGBO LỌ PO OGBẸ̀ PO
Jesu Na Hẹn Paladisi Wá bo Na Dotana Azọ́ndenamẹ Etọn
Nususu gbẹ́ pò he Jesu na wà whẹpo do ze ahọluduta lọ do alọmẹ na Otọ́ po Jiwheyẹwhe etọn po.
GBLỌNDO NA KANBIỌ SINAI DO BIBLU JI LẸ
Etẹwẹ Awhàn Amagẹdọni Tọn Zẹẹmẹdo?
Whladopo gee wẹ hogbe lọ “Amagẹdọni” yin mimọ to Biblu mẹ, amọ́ Owe-wiwe lẹ basi zẹẹmẹ awhàn wunmẹ he e nọtena tọn.
GBLỌNDO NA KANBIỌ SINAI DO BIBLU JI LẸ
Owe Osọhia Tọn—Etẹwẹ Yin Zẹẹmẹ Etọn?
Owe lọ lọsu dọ dọ mẹhe nọ hia bo nọ mọnukunnujẹemẹ bosọ nọ yí wẹndomẹ etọn lẹ do yizan mẹ lẹ na yin ayajẹnọ
