Dọdai he gando yede go awe wẹ mọ hẹndi to 1919: dopo gando “ohú húhú lẹ” go bọ awetọ gando ‘kunnudetọ awe lẹ’ go. Numimọ he gando “ohú húhú lẹ” go lọ dlẹnalọdo ojlẹ dindẹn tlala de (ehe dite na owhe kanweko susu) he wá vivọnu po hinhẹngọwa ogbẹ̀ pipli daho omẹ Jiwheyẹwhe tọn lẹ tọn de po. (Ezek. 37:2-4; Osọ. 11:1-3, 7-13) Dọdai he gando ‘kunnudetọ awe’ lẹ go lọ dlẹnalọdo ojlẹ gli de (he wá aimẹ sọn vivọnu 1914 tọn jẹ bẹjẹeji 1919 tọn) he wá vivọnu po hinhẹngọwa ogbẹ̀ pipli kleun devizọnwatọ Jiwheyẹwhe tọn lẹ tọn de po. Dọdai awe lọ lẹpo wẹ dọhodo fọnsọnku yẹhiadonu tọn de ji podọ awe lẹpo wẹ mọ hẹndi egbezangbe tọn de to 1919, whenue Jehovah hẹn devizọnwatọ yiamisisadode etọn lẹ nado “fọnṣite do afọ yetọn lẹ ji” bo tọ́n sọn kanlinmọgbenu Babilọni Daho lọ tọn bosọ yin bibẹpli do agun Klistiani tọn he yin hinhẹngọwa lọ mẹ.—Ezek. 37:10.

Amọ́, doayi e go dọ hẹndi dọdai awe ehelẹ tọn gbọnvona yede to aliho titengbe de mẹ. Dọdai he gando “ohú húhú lẹ” go lọ dlẹnalọdo hẹngọwa ogbẹ̀ hagbẹ pipotọ mẹyiamisisadode lẹ tọn lẹpo tọn. Ṣigba, dọdai he gando ‘kunnudetọ awe lẹ’ go lọ dlẹnalọdo hẹngọwa ogbẹ̀ pipotọ mẹyiamisisadode Jiwheyẹwhe tọn delẹ tọn—enẹ wẹ yé mẹhe to anadenanu to titobasinanu lọ mẹ bosọ yin dide taidi “afanumẹ nugbonọ podọ nuyọnẹntọ” lọ.—Mat. 24:45; Osọ. 11:6. *

1. TO 100 W.M. GODO

   Bẹsọn owhe kanweko awetọ W.M. sọyi, whenue agun Klistiani yiamisisadode lẹ tọn yin hùhù to yẹhiadonu-liho, “dankló lọ” gọ́ na “ohú” lẹ

2. BẸJẸEJI 1919 TỌN

   1919: “Ohú húhú lẹ” gọwá ogbẹ̀ to whenue Jehovah hẹn mẹyiamisisadode lẹpo nado tọ́n sọn Babilọni Daho lọ glọ bo yin bibẹpli do agun Klistiani tọn he yin hinhẹngọwa lọ mẹ

1. VIVỌNU 1914 TỌN

   yẹwhehodidọ “to odẹ́vọ̀ mẹ”

   1914: ‘Kunnudetọ awe lẹ’ dọyẹwheho “to odẹ́vọ̀ mẹ” na owhe atọ̀n daa. To vivọnu ojlẹ enẹ tọn, yé yin hùhù to yẹhiadonu-liho

2. okú yẹhiadonu tọn

3. BẸJẸEJI 1919 TỌN

   1919: ‘Kunnudetọ awe lẹ’ gọwá ogbẹ̀ to whenue pipli kleun mẹmẹsunnu yiamisisadode lẹ tọn de he to anadenanu to titobasinanu lọ mẹ yin dide taidi “afanumẹ nugbonọ podọ nuyọnẹntọ lọ”