Kandai Biblu tọn he gandego (lẹ):

• Jen 24:1-4, 7​—Ablaham he ko poyọnho dovivẹnu nado dín asi de na visunnu etọn Isaki sọn mẹhe nọ sẹ̀n Jehovah lẹ ṣẹnṣẹn bọ e ma yin sọn Kenaninu he nọ sẹ̀n yẹwhe devo lẹ ṣẹnṣẹn

• Jen 28:1-4​—Isaki na anademẹ visunnu etọn Jakọbu nado dín asi de sọn yisenọ hatọ lẹ ṣẹnṣẹn, e ma yin sọn Kenaninu lẹ ṣẹnṣẹn

Kandai Biblu tọn he gandego (lẹ):

• 1Ah 11:1-6, 9-11​—Jehovah gblehomẹ sinsinyẹn do Ahọlu Sọlomọni go, na e dovọ́na ayinamẹ he Jiwheyẹwhe na gando asi jonọ lẹ didà go bosọ dike yé hẹn ahun etọn flu wutu

• Nẹ 13:23-27​—Ayimatẹn-gán Nẹhemia gblehomẹ to aliho dodo tọn Jehovah tọn nkọ mẹ bo domẹplọnlọ omẹ akọta lọ tọn lẹ go bosọ wọhẹ yé, na yé gbọn tasinsinyẹn dali dà mayisenọ lẹ sọn otò voovo mẹ wutu

Kandai Biblu tọn he gandego (lẹ):

• 1Sa 25:2, 3, 14-17​—Nabali yin dawe adọkunnọ de, amọ́ e ma yin asu dagbe de na Abigaili, na e nọ yinuwa po kanyinylan po bosọ yin fifiẹtọ wutu

• Hwh 21:9​—Eyin mí de alọwlemẹ he ma jẹ na mí, enẹ gán zọ́n bọ mí ma na do ayajẹ po jijọho po

• Lo 7:2​—Apọsteli Paulu basi zẹẹmẹ dọ eyin yọnnu de wlealọ, asu etọn he yin gbẹtọvi mapenọ de nọ tindo aṣẹpipa do e ji jẹ obá de mẹ; enẹwutu, yọnnu nuyọnẹntọ de nọ yí sọwhiwhe do lẹnnupọndo mẹhe ewọ to alọkẹyi taidi asu etọn ji

Kandai Biblu tọn he gandego (lẹ):

• Hwh 24:27​—Whẹpo sunnu de nido wlealọ, vlavo bo jivi lẹ, e dona yin azọ́n sinsinyẹn-watọ, gbọnmọ dali e na wleawufo nado hẹn whẹndo de

 Kandai Biblu tọn he gandego (lẹ):

• Lut 2:4-7, 10-12​—Boazi dindonanu gando Luti go, gbọn ayidonugo nina aliho he mẹ e nọ wazọ́n te dali, bosọ lẹnnupọndo linlin he e sè sọn mẹhe do jide lẹ dè gando gbẹtọ-yinyin etọn, lehe e nọ yinuwa hẹ whẹndo etọn do po gbigbọnọ-yinyin etọn po go ji

• Lut 2:8, 9, 20​—Luti dindonanu gando Boazi go gbọn ayidido homẹdagbe, alọtútlú po owanyi etọn na Jehovah po go dali

Kandai Biblu tọn he gandego (lẹ):

• Hwh 5:18, 19​—Aliho numọtolanmẹ owanyi tọn mẹtọn didohia tọn delẹ tin bọ alọwlemẹ lẹ kẹdẹ wẹ tindo jlọjẹ na

• Oh 1:2; 2:6​—Whenue dẹpẹ lẹngbọhọtọ lọ po awhli Ṣulaminu lọ po to họntọn mẹ, yé do numọtolanmẹ owanyi tọn hia ode awetọ to aliho he wé mẹ, e ma yin to aliho mawé he na fọ́n ojlo zanhẹmẹ tọn dote mẹ

• Oh 4:12; 8:8-10​—Awhli Ṣulaminu lọ hẹn wiwejininọ etọn go bo dava numọtolanmẹ etọn; e taidi jipa he yin ginglọn de

Kandai Biblu tọn he gandego (lẹ):

• Jen 21:8-12​—Jehovah na anademẹ Ablaham nado dotoaina asi etọn, Sala, dile etlẹ yindọ ayinamẹ yọnnu lọ tọn ma jẹeji na Ablaham paali

• Hwh 31:10, 11, 16, 28​—Wefọ ehelẹ donù yọnnu nugopetọ de go, mẹhe asu etọn nọ gbọn nuyọnẹn dali ma nọ to ṣiṣọ́ ẹ kavi nọ to nuṣiwa mọ na ẹn mapote; kakatimọ e nọ dejido asi etọn go bosọ nọ pà ẹ

• Efe 5:33​—Hogbe gbọdo apọsteli Paulu tọn ehelẹ dohia dọ nuhe sin hudo asi de nọ do hugan wẹ nado mọdọ asu emitọn yiwanna emi

Kandai Biblu tọn he gandego (lẹ):

• Hwh 1:8; 1Kọ 7:4​—Jiwheyẹwhe na aṣẹpipa asi de podọ onọ̀ de jẹ obá de mẹ to alọwle mẹ podọ to whẹndo mẹ

• 1Kọ 11:3​—Apọsteli Paulu basi zẹẹmẹ dọ sọgbe hẹ tito Jehovah tọn, mẹlẹpo wẹ tindo tatọ́ de, adavo Jiwheyẹwhe Ganhunupotọ lọ he ma to mẹde glọ

• Heb 13:7, 17​—To agun mẹ, sunnu po yọnnu po wẹ dona nọ litai bosọ setonuna mẹhe yin dide nado deanananu lẹ

Kandai Biblu tọn he gandego (lẹ):

• Jen 18:12; 1Pi 3:5, 6​—Sala nọ na sisi sisosiso asu etọn, bo nọ mọ ẹn di “oklunọ” etọn kavi tatọ́ etọn to gbigbọ-liho, etlẹ yin to linlẹn etọn lẹ mẹ

Kandai Biblu tọn he gandego (lẹ):

• Jen 24:62-67​—Lebeka gọalọna asu etọn, Isaki nado mọ homẹmimiọn yí to okú onọ̀ etọn tọn godo

• 1Sa 25:14-24, 32-38​—Abigaili yí whiwhẹ do vẹvẹna Davidi bo gbọnmọ dali basi hihọ́na asu etọn nulunọ lọ bosọ whlẹn whédo yetọn

• Ẹst 4:6-17; 5:1-8; 7:1-6; 8:3-6​—Ahọsi Ẹsteli ze ogbẹ̀ etọn do owù mẹ whla awe matin oylọ-basinamẹ ahọlu lọ he yin asu etọn tọn nado vẹ̀ ẹ dọ ni basi-hihọ́na omẹ Jiwheyẹwhe tọn lẹ