Bẹwlu Sinsẹ̀n Tọn
Be Jiwheyẹwhe dopolọ wẹ mẹhe to sinsẹ̀n voovo mẹ lẹpo nọ sẹ̀n ya?
Be sinsẹ̀n susu he tin bọ nuplọnmẹ yetọn lẹ nọ jẹagọdo ode awetọ tọn lẹpo wẹ nọ hẹn homẹhun Jehovah ya?
Mt 7:13, 14; Joh 17:3; Efe 4:4-6
-
Kandai Biblu tọn he gandego (lẹ):
-
Jọṣ 24:15—Jọṣua dọ to aliho he họnwun mẹ mẹhe mí dona de nado sẹ̀n to Jehovah po yẹwhe devo lẹ po ṣẹnṣẹn
-
1Ah 18:19-40—Jehovah yí yẹwhegán Elija zan nado dohia dọ sinsẹ̀n-basitọ Jiwheyẹwhe nugbo lọ tọn lẹ ma dona nọ sẹ̀n yẹwhe devo lẹ, taidi Baali
-
Numọtolanmẹ tẹwẹ Jehovah nọ tindo gando yẹwhe akọta lẹ tọn lẹ gọna sinsẹ̀n-bibasi hlan yé to aliho depope mẹ go?
Numọtolanmẹ tẹwẹ Jehovah nọ tindo eyin mẹlẹ dọ dọ emi to sinsẹ̀n-basi hlan ẹn bo ka nọ doalọ to aṣa he ewọ gbẹwanna lẹ mẹ to ojlẹ dopolọ mẹ?
Isa 1:13-15; 1Kọ 10:20-22; 2Kọ 6:14, 15, 17
-
Kandai Biblu tọn he gandego (lẹ):
-
Eks 32:1-10—Islaelivi he pò lẹ gbidikọna Aalọn nado basi boṣiọ oyìnvu sika tọn de bo yí i zan nado basi “hùnwhẹ de . . . hlan Jehovah,” ehe hẹn homẹgble Jehovah taun
-
1Ah 12:26-30—Nado glọnalina akọta lọ ma nado yì tẹmpli mẹ to Jelusalẹm, Ahọlu Jeloboami do boṣiọ delẹ ai bo dohia dọ e nọtena Jehovah, e gbọnmọ dali hẹn akọta lọ biọ ylanwiwa mẹ
-
Etẹwẹ Jehovah plọn Islaelivi lẹ gando gbẹdido hẹ mẹhe nọ sẹ̀n yẹwhe devo lẹ go?
Nawẹ Jehovah yinuwa gbọn to whenue omẹ etọn lẹ do mahẹ to aṣa sinsẹ̀n devo lẹ tọn mẹ?
Whẹ 10:6, 7; Slm 106:35-40; Jel 44:2, 3
-
Kandai Biblu tọn he gandego (lẹ):
-
1Ah 11:1-9—Asi jonọ Ahọlu Sọlomọni tọn lẹ hẹn ẹn nado nọgodona sinsẹ̀n-bibasi na yẹwhe devo lẹ bo gbọnmọ dali hẹn homẹgble Jiwheyẹwhe
-
Slm 78:40, 41, 55-62—Asafi dọ lehe atẹṣiṣi po boṣiọ-sinsẹ̀n Islaeli tọn po hẹn homẹgble Jehovah bo zọ́n bọ Ewọ gbẹ́ omẹ etọn lẹ dai do
-
Be Jesu nọgodona nuplọnmẹ sinsẹ̀n tọn he ma sọgbe hẹ Ohó Jiwheyẹwhe tọn lẹ wẹ ya?
-
Kandai Biblu tọn he gandego (lẹ):
-
Mt 16:6, 12—Jesu yí nuplọnmẹ Falesi lẹ po Sadusi lẹ po tọn jlẹdo otọ́n go, na nuplọnmẹ lalo lẹ nọ yawu gbayipe bo nọ hẹn nugbo wiwe-ṣeke he to Ohó Jiwheyẹwhe tọn mẹ lẹ flu
-
Mt 23:5-7, 23-33—Jesu gblewhẹdo wekantọ lẹ po Falesi lẹ po sinsinyẹn na yẹnuwiwa yetọn po nuplọnmẹ lalo yetọn lẹ po
-
Mk 7:5-9—Jesu de wekantọ lẹ po Falesi lẹ po gbà, dọ yé nọ ylọ aṣa gbẹtọ tọn lẹ dọ nujọnu hú nuplọnmẹ he to Ohó Jiwheyẹwhe tọn mẹ lẹ
-
Be Jesu na tuli hodotọ etọn lẹ nado do pipli sinsẹ̀n tọn voovo lẹ ai wẹ ya?
-
Kandai Biblu tọn he gandego (lẹ):
-
Joh 15:4, 5—Jesu yí apajlẹ vẹntin de tọn zan nado dohia dọ hodotọ etọn lẹ dona tin to kọndopọ mẹ hẹ ewọ podọ hẹ Klistiani hatọ lẹ
-
Joh 17:1, 6, 11, 20-23—To ozán godo tọn he mẹ Jesu nọpọ́ hẹ apọsteli etọn lẹ te jẹnukọnna okú etọn, e hodẹ̀ dọ pọninọ ni tin to hodotọ nugbo etọn lẹpo ṣẹnṣẹn
-
Be agun Klistiani tọn susu he tin to owhe kanweko tintan whenu lẹ kẹalọyi nuyise dopolọ lẹ bosọ nọ sẹ̀n Jehovah to aliho dopolọ mẹ ya?
-
Kandai Biblu tọn he gandego (lẹ):
-
Ow 11:20-23, 25, 26—Agun he to Antioku po Jelusalẹm po lẹ yinuwa to pọninọ po gbekọndopọ po mẹ
-
Lo 15:25, 26; 2Kọ 8:1-7—Agun susu he tin to owhe kanweko tintan whenu lẹ yí alọtútlú do basi nunina kọgbọ tọn lẹ, bo gbọnmọ dali dohia dọ owanyi po pọninọ po tin to agun lọ lẹ ṣẹnṣẹn
-
Eyin mẹhe to sinsẹ̀n de mẹ lẹ yigbe dọ yé tindo yise to Klisti mẹ, be enẹ kẹdẹ ko pé nado dọ dọ Jiwheyẹwhe kẹalọyi sinsẹ̀n yetọn ya?
Eyin nuplọnmẹ sinsẹ̀n de tọn lẹ zẹ̀ sọn nuplọnmẹ Klisti po apọsteli lẹ po tọn go, be sinsẹ̀n-bibasi yetọn na yin alọkẹyi ya?
-
Kandai Biblu tọn he gandego (lẹ):
-
Mt 13:24-30, 36-43—Jesu na apajlẹ de nado dohia dọ kẹdẹdi ogbé ylankan he nọ wú do ogle de mẹ lẹ, Klistiani lalo susu na sọawuhia bo na lìn biọ agun lọ mẹ
-
1Jo 2:18, 19—Apọsteli Johanu mẹhomẹ lọ dohia dọ agọjẹdoklistitọ susu ko sọawuhia jei vivọnu owhe kanweko tintan tọn
-
Etẹwẹ na jọ eyin nuyise lalo lẹ po walọyizan he ma jẹ na Klistiani lẹ po yin alọkẹyi to agun mẹ?
Etẹwẹ Klistiani lẹ dona wà nado gbọṣi kọndopọ mẹ?
Naegbọn Klistiani lẹ ma dona do mahẹ to sinsẹ̀n-bibasi lalo mẹ?
Naegbọn e do sọgbe bosọ yin alenu nado de sinsẹ̀n-nuplọnmẹ lalo lẹ gbà?
Naegbọn e ma dona paṣa mí eyin sinsẹ̀nnọ he jẹagọdo sinsẹ̀n-bibasi wiwe-ṣeke lẹ nọ dohomẹkẹn mí bosọ nọ wadanu do mí?
A Gán Sọ Pọ́n Hosọ Ehelẹ
ATỌ̀HỌ̀-NUHIHỌ́ LỌ TỌN
Kọndopọ Sinsẹ̀n lẹ Tọn—Be E Sọgbe Ya?
Be yè dona gbẹkọ nujinọtedo Jiwheyẹwhe tọn lẹ go kiki nado dín pọninọ ya? Gblọndo Biblu tọn sọgan paṣa we.
GBLỌNDO NA KANBIỌ SINAI DO BIBLU JI LẸ
Be Sinsẹ̀n Lẹpo Wẹ Nudopolọ Ya? Be Yemẹpo Wẹ Nọ Planmẹ Yì Jiwheyẹwhe dè Ya?
Onú awe delẹ he yin nùzindeji to Biblu mẹ na gblọndo lọ.
YỌ́N MÍ DOGỌ
Biọ Dọ Kunnudetọ de Ni Wá Dla We Pọ́n
Dọhodo kanbiọ sinai do Biblu ji de ji, kavi plọnnu dogọ gando Kunnudetọ Jehovah tọn lẹ go.
