NUPỌNNAMẸ 2
Aliho Hodọhẹmẹ Tọn
2 Kọlintinu lẹ 2:17
BLADOPỌ: Dọho to jọwamọ-liho po ahundopo po nado do numọtolanmẹ he a tindo gando hosọ lọ po hosetọ towe lẹ po go hia.
NUHE A NA WÀ:
-
Hodẹ̀ bo yí sọwhiwhe do wleawu. Biọ alọgọ to odẹ̀ mẹ nado ze ayidonugo do owẹ̀n lọ ji, e ma yin do dewe ji. Nuagokun he a jlo na detọ́n lẹ ni họnwun to ayiha towe mẹ. Yí hogbe towe titi lẹ do de linlẹn towe lẹ tọ́n; ma nọ vọ́ hogbe lẹ dọ pẹpẹ dile a mọ yé hia to zinjẹgbonu de mẹ do poun blo.
-
Dọho sọn ahun mẹ. Lẹnnupọndo nuhewutu hosetọ towe lẹ do hudo nuhe a jlo na dọ lọ tọn ji. Ze ayiha towe do yé ji. Gbọnmọ dali, teninọ, gòwhinwhàn po nukunmẹ towe po na do ahundoponọ-yinyin po họntọnjihẹmẹ po hia.
-
Nọ pọ́n hosetọ towe lẹ. Nọ pọ́n nukun ji na hosetọ towe lẹ to fie mọwiwà sọgbe to aṣa-liho te. Eyin a to hodidọ de na, nọ pọ́n nukun ji na omẹ tangan de na ojlẹ de, kakati nado nọ to nukun yìnpọ́n mẹplidopọ lẹpo dopọ.
