Yọ́n nuhewutu a do to wefọ lọ hia. Nọ basi homẹbibiọ na wefọ dopodopo to aliho de mẹ nado dọ̀n ayidonugo hosetọ towe lẹ tọn wá nuagokun he a jlo na detọ́n sọn wefọ lọ mẹ ji.

Nọ do Biblu hia taidi asisa dejidego de. Eyin a to hodọna mẹhe yise to Jiwheyẹwhe mẹ lẹ, nọ dọ̀n ayidonugo yetọn wá Biblu ji taidi Ohó Jiwheyẹwhe tọn, nado do e hia taidi asisa nuyọnẹn tọn he yiaga hugan lọ.

Fọnjlodotenamẹ gando wefọ lọ go. Kàn kanbiọ de sè he wefọ lọ na wá na gblọndo etọn, fọ́n nuhahun de dote he wefọ lọ na wá gọalọ nado didẹ, kavi dọ nunọwhinnusẹ́n de he kandai Owe-wiwe tọn lọ na wá hẹn họnwun.