Yanwle tangan JW Library tọn dopo wẹ nado hẹn Biblu hihia po Biblu pinplọn po bọawu.

Hodo anademẹ ehelẹ nado yí Biblu lẹ sọn Intẹnẹt ji bo yí yé zan:

•  Yí Biblu de sọn Intẹnẹt Ji

•  Súnsún Biblu De

•  Mọ Vọjlado He Gando Biblu de Go lẹ Yí

A sọgan yí lẹdogbedevomẹ Biblu tọn sọha he jlo we sọn Intẹnẹt ji, ehe a na wá hia matin Intẹnẹt.

• Hùn apotin amiyọnwhé tọn lọ bo zín Bible nado mọ todohukanji owe Biblu tọn lẹ tọn.

• Zín ohia Ogbè tọn lọ nado pọ́n Biblu he tin-to-aimẹ lẹpo. Lẹdogbedevomẹ ogbè he a nọ saba yizan lẹ tọn na sọawuhia to aga pete. A gán sọ kàn yinkọ ogbè kavi lẹdogbedevomẹ de tọn nado dín in tlọlọ. Di apajlẹ, kàn “int” nado dín Biblu Kingdom Interlinear Glẹnsigbe tọn kavi “port” nado dín Biblu Portugal-gbè tọn lẹpo.

• Biblu he a ma ko yí sọn Intẹnẹt ji lẹ nọ tindo ohia aslọ tọn de to nukọn. Zín alọ do Biblu he a jlo na mọyi lọ ji. Eyin Biblu de ko yin yíyí sọn Intẹnẹt ji, e masọ nọ do ohia aslọ tọn ba. Vọ́ alọ zín do Biblu lọ ji nado hia ẹ.

Eyin a ma mọ lẹdogbedevomẹ he dín a te, jaale vọ́ dín whedevonu. Lẹdogbedevomẹ devo lẹ na wá yin yiyidogọ whenue yé tin-to-aimẹ.

A gán súnsún lẹdogbedevomẹ Biblu tọn de, eyin a ma do hudo etọn ba, kavi nado mọ tẹnmẹ dogọ to alokan towe ji.

Hùn apotin amiyọnwhé tọn lọ bo zín Bible, enẹgodo zín ohia Ogbè tọn lọ nado mọ todohukanji Biblu lẹ tọn. Zín Ohia Tiuntiun Atọ̀n he to nukọnna Biblu he a jlo na súnsún lọ, enẹgodo zín Supprimer.

Sọn ojlẹ de mẹ jẹ devo mẹ, vọjlado delẹ sọgan wá aimẹ gando Biblu he a ko yí sọn Intẹnẹt ji de go.