JW LIBRARY
Hẹn Aliho Wehihia Tọn Towe Pọnte—to Android Ji
Nususu wẹ yin awuwlena to JW Library mẹ nado hẹn nuhihia bọawu. Azọ́nwanu voovo ehelẹ nọ sọawuhia to aga pete whenue yè to weta kavi hosọ de hia.
E sọgan biọ dọ a ni zín Ohia Tiuntiun Atọ̀n lọ nado mọ azọ́nwanu susu dogọ.
Hodo anademẹ ehelẹ nado hẹn aliho wehihia tọn towe pọnte:
Diọ Ogbè Nuhe Hia A te Tọn
A gán diọ ogbè weta kavi hosọ he hia a te to alọnu tọn.
Zín ohia Ogbè tọn lọ nado mọ ogbè he mẹ owe he hia a te lọ tin-to-aimẹ te lẹ. Ogbè he a nọ saba yizan lẹ na sọawuhia to aga pete. A gán sọ kàn yinkọ ogbè lọ tọn nado dín in tlọlọ.
Ogbè he sin owe a ma ko yí sọn Intẹnẹt ji lẹ nọ tindo ohia aslọ tọn de to nukọn. Zín alọ do ogbè he jlo we ji nado mọ owe lọ yí. Eyin owe de ko yin yíyí sọn Intẹnẹt ji, e masọ nọ do ohia aslọ tọn ba. Vọ́ alọ zín do ogbè lọ ji nado hia owe lọ
Diọ Kiklo Wekun lẹ Tọn
A gán hẹn wekun lọ lẹ klo kavi whè dile a jlo do.
Zín Taille de police, enẹgodo dọ̀n ohia lọ yigodo kavi yinukọn nado hẹn wekun lọ lẹ whè kavi klo. Kiklo he a de tofi wẹ na yin yiyizan na owe lẹpo to JW Library mẹ.
Diọ Weda de Zun Yẹdide Kavi Kandai
Hosọ delẹ gán sọawuhia taidi yẹdide kavi taidi kandai. Nado de dopo to awusọhia awe lọ lẹ mẹ, zín ohia he jẹ.
Mode image: Eyin a zín Mode image, weda lọ na sọawuhia dile e te do to zinjẹgbonu lọ mẹ. Mẹdelẹ gán yiwanna ehe whenue yé to owe delẹ zan taidi ohanwe nado mọ ohia hànjiji tọn lẹ.
Mode texte: Eyin a zín Mode texte, wefọ Biblu tọn lẹ na sọawuhia to aliho de mẹ bọ a gán zín yé nado hia yé.
Adà lọ Ouvrir dans . . .
Adà lọ Ouvrir dans . . . nọ gọalọ nado hùn nuhe to JW Library mẹ do azọ́nwanu devo lẹ mẹ.
Zín Ouvrir dans . . . nado pọ́n azọ́nwanu he mẹ a gán hùn in do lẹ. Di apajlẹ, a gán zín Ouvrir dans la biblitothèque en ligne nado hùn weda he hia a te to alọnu do WESẸDOTẸN INTẸNẸT JI TỌN Watchtower Tọn mẹ.
De Biblu He A Na Zan Lẹ.
Eyin a zín wefọ he yin sislẹ do owe de mẹ lẹ, yé nọ hùn. Zín Personnaliser to odò wefọ lọ lẹ tọn nado de lẹdogbedevomẹ Biblu tọn he a jlo dọ yé ni nọ sọawuhia lẹ.
Zín alọ do ohia he jẹnukọnna lẹdogbedevomẹ depope ji nado yí i dogọ kavi de e sẹ̀. A gán dọ̀n Biblu lọ lẹ yiaga kavi yìdo nado tò yé dole a jlo do.
Pọ́n “Nọ Yí Biblu lẹ bo Nọ Yí Yé Zan—to Android Ji” nado mọ lehe a sọgan yí Biblu devo lẹ to JW Library ji do.
Adà ehelẹ yin didetọn to février 2015 to JW Library 1.4 mẹ, he nọ wazọ́n to nuyizan Android 2.3 tọn lẹ po agọe tọn lẹ po ji. Eyin a ma mọ adà ehelẹ, jaale bo hodo anademẹ he tin to hosọ lọ “Jẹ JW Library Zan Ji—to Android Ji” mẹ lẹ, to Vọjlado Agọe Tọn Lẹ glọ.
