Be Klistiani Wẹ Kunnudetọ Jehovah Tọn lẹ Yin Ya?
Mọwẹ. Whẹwhinwhẹ́n he bọdego lẹ dohia dọ mí yin Klistiani:
Mí nọ tẹnpọn nado hodo nuplọnmẹ po apajlẹ Jesu Klisti tọn po.—1 Pita 2:21.
Mí yise dọ Jesu kẹdẹ ji wẹ yè sọgan gbọn nado mọ whlẹngán, na “oyín devo de ma to olọn glọ he ko yin nina gbẹtọ gbọn ehe dali mí sọgan yin whinwhlẹngán.”—Owalọ lẹ 4:12.
Eyin mẹde lẹzun Kunnudetọ Jehovah tọn, e nọ yin bibaptizi to oyín Jesu tọn mẹ.—Matiu 28:18, 19.
Mí nọ hodẹ̀ to oyín Jesu tọn mẹ.—Johanu 15:16.
Mí yise dọ Jesu wẹ yin Ota, kavi mẹhe yin dide nado tindo aṣẹpipa, do sunnu dopodopo ji.—1 Kọlintinu lẹ 11:3.
Ṣigba to nususu mẹ, mí gbọnvo na sinsẹ̀n voovo he nọ yin yiylọdọ Klistiani lẹ. Di apajlẹ, mí yise dọ Biblu plọn mí dọ Jesu yin Visunnu Jiwheyẹwhe tọn bo ma yin apadewhe Atọ̀n-to-Dopomẹ tọn. (Malku 12:29) Mí ma yise dọ alindọn yin jọmaku, podọ wefọ Biblu tọn depope ma dohia dọ Jiwheyẹwhe nọ sayana gbẹtọ lẹ kakadoi to olọnzomẹ, mọ mí masọ yise dọ mẹhe to nukọntọ yin to nuwiwa sinsẹ̀n tọn mẹ lẹ dona tindo tẹnmẹ-yinkọ de he na zọ́n bọ yé na paṣẹ do agunvi lẹ ji.—Yẹwhehodọtọ 9:5; Ezekiẹli 18:4; Matiu 23:8-10.
A Gán Sọ Pọ́n Hosọ Ehelẹ
KANBIỌ HE MẸSUSU NỌ KANSE LẸ
Be Kunnudetọ Jehovah Tọn lẹ Tindo Yise to Jesu mẹ Ya?
Pọ́n nuhewutu yise tintindo to Jesu mẹ do yin dandannu na Klistiani nugbo lẹ.
KANBIỌ HE MẸSUSU NỌ KANSE LẸ
Naegbọn Kunnudetọ Jehovah Tọn lẹ Ma Nọ Yí Satin Zan to Sinsẹ̀n-Bibasi Mẹ?
Dile etlẹ yindọ Klistiani lẹ wẹ mí yin, mí ma nọ yí satin zan to sinsẹ̀n-bibasi mítọn mẹ. Etẹwutu?
GBLỌNDO NA KANBIỌ SINAI DO BIBLU JI LẸ
Be Jesu Wẹ Ganhunupotọ lọ Ya?
Etẹwẹ Jesu dọ dogbọn otẹn etọn po Jiwheyẹwhe tọn po dali?
YỌ́N MÍ DOGỌ
Naegbọn Mí Dona Plọn Biblu?—Adà Gigọ́
Biblu to alọgọna gbẹtọ livi susu lẹdo aihọn pé nado mọ gblọndo na kanbiọ tangan gbẹ̀mẹ tọn lẹ. Be hiẹ lọsu jlo na tin to yé mẹ ya?
YỌ́N MÍ DOGỌ
Biọ Dọ Kunnudetọ de Ni Wá Dla We Pọ́n
Dọhodo kanbiọ sinai do Biblu ji de ji, kavi plọnnu dogọ gando Kunnudetọ Jehovah tọn lẹ go.