Be Mẹdagbe de Poun Wẹ Jesu Yin Ya?
Gblọndo Biblu tọn
Jesu ma yin mẹdagbe de poun. Humọ, e ko do ede hia nado yin mẹde he yinuwadomẹji hugan to whenuho gbẹtọvi tọn mẹ. Doayi nuhe whenuho-kantọ po wekantọ he diyin ehelẹ po dọ gandego:
“Jesu Nazalẹti tọn . . . wẹ yin omẹ nukundeji hugan to whenuho mẹ.”—H. G. Wells, whenuho-kantọ Glẹnsinu.
“Gbẹzan [Jesu tọn] wẹ yinuwadomẹji hugan to mẹhe ko nọgbẹ̀ to planẹti ehe ji pọ́n lẹ mẹ podọ nuyiwadomẹji etọn fọ́n bo to sinsinyẹn deji.”—Kenneth Scott Latourette, whenuho-kantọ podọ wekantọ Amelikanu.
Biblu do nuhewutu Jesu do yinuwadomẹji taun hugan mẹdagbe devo depope he nọgbẹ̀ pọ́n hia. To whenue Jesu kanse hodotọ yiwanna etọn lẹ dọ mẹnu wẹ yé lẹndọ emi yin, dopo to yé mẹ gblọn po gbesisọ po dọmọ: “Hiẹ wẹ Klisti lọ, Visunnu Jiwheyẹwhe ogbẹ̀nọ lọ tọn.”—Matiu 16:16.
A Gán Sọ Pọ́n Hosọ Ehelẹ
GBLỌNDO NA KANBIỌ SINAI DO BIBLU JI LẸ
Be Dọdai He Gando Mẹsia lọ Go lẹ Dohia Nugbonugbo Dọ Jesu Wẹ Mẹsia lọ Ya?
Be Mẹsia susu wẹ tin ya?
NUPLỌNMẸ TANGAN BIBLU TỌN LẸ
Naegbọn Jesu Do Kú?
To Biblu mẹ, okú Jesu tọn yin nujọnu taun. Be okú etọn tindo lẹndai de ya?
GBLỌNDO NA KANBIỌ SINAI DO BIBLU JI LẸ
Nawẹ Avọ́sinsan Jesu Tọn Yin “Ofligọ de Do Ota Mẹsusu Tọn mẹ” Gbọn?
Nawẹ ofligọ lọ tún gbẹtọvi lẹ dote sọn ylando si gbọn?
YỌ́N MÍ DOGỌ
Biọ Dọ Kunnudetọ de Ni Wá Dla We Pọ́n
Dọhodo kanbiọ sinai do Biblu ji de ji, kavi plọnnu dogọ gando Kunnudetọ Jehovah tọn lẹ go.