Biibili wangi ke yaa jaba n kubi li nitaanli tie cagibuoli lie. Jeova Siedinba yii-​ba ke bi nikpeliba leni bi nikpeliba todikaaba. (Filipi Yaaba 1:⁠1) Dinli-​dinla a nitaana kuli pia bi nikpeliba leni bi nikpeliba todikaaba. Bi nikpeliba todikaaba tuonli tie bee?

Bi todi bi nikpeliba. Bi siiga nni tianba tie jawaaba, tianba tie jakpela. Bi tie yaa niba n pia li dandanŋanli, ki tie nidugikaaba, ki go tuuni ŋama. Bi tuuni li nitaanli nni a tuonli tiama yaala n pia ti ñoadi. Lani kuli cedi ke bi nikpeliba baa fidi kuani bi yula cain bi niba bangima leni bi todima nni.

Bi tuuni yaa tuonli n pia ti ñoadi. Bi nikpeliba todikaaba yen biali yaaba n kpendi ti taanli po. Bi diidi a maaboba yaa cuoni ŋama, i ligi n ñan maanma leni a tila n boagidi maanma. Bi go diidi li nitaanli niba n kpaandi u laabaaliŋamo yeni naani. O yogu tiama bi nikpeliba yen mia-​ba, ban todi ti kpiiba yaaba n podi yeni. Ban teni bi nikpeliba todikaaba yaa tuonli kuli bi tiendi la leni li pamanli. Lipo cedi ke li nitaanli kuli fangi-​ba.​—⁠Timote Tikpiali 3:⁠13.

Bi tie kilisiti jaba yaaba n puuni li bontogidikaaŋanli. Bi gandi-​ba ke bi tie bi nikpeliba todikaaba kelima bi pia bontienkaaŋanli. Yaa booli ke bi tiendi yeni puuni li nitaanli li dandanli papaali. Ban tie tipo bontogidi-​kaaŋanli u laabaaliŋamo kpaanma nni cedi ke ti moko kpaandi leni yanluadi. Ban tuuni ŋanma leni bi nikpeliba yeni cedi, ke li nitaanli niba pia li pamanli ki go taani loli leni biyaba. (Efesi Yaaba 4:16) Bi yaa caa liiga bi tuonli nni, ban moko baa ti tua nikpeliba.

• Ŋme n baa fidi tua nikpelo todika?

• Bi nikpeliba todikaaba tuuni bee tuonli li nitaanli todima po?