Jesu den waani o ŋoadikoaba jaanbuolu yendo bebe, I moamoani jaanma. O biigi o leni yaa sanu n caa miali n ka gbeni po, ke yaaba n ba le laa sanu ki yaba ba. Li tie yaa jaanma ke o niba tuodi Bibili n yedi yaala bebe n mangidi U Tienu pali. I moamoani jaanma niba kuli n daani yaala tie yenma bebe.—Cogi mani Jan 4:23, 24; 14:6; Efesa Yaaba 4:4, 5.

Jesu den yedi Kilisiti neba ke bani n guudi bi yula, kilima bi siiga nitianba baa fi ki lebidi i mamoanni. Laa niba tiendi nani bi tie Kilisiti niba, yaaba n tuo o. Ama yi yaa ŋanbi diidi yi ba bandi ke baa tie i moamoani Kilisiti niba ba. Be yaa po? Kelima i moamoani jaanma bebe n todi bi niba ke bi lebidi bi yema bi niba kuli nunbu nni.—Cogi mani Matiyu 7:13-23.

Sambila a mu ba fidi ki todi-yi.

• I moamoani Kilisiti niba bani cain ke Bibili tie U Tienu maama. Bi moandi ke ŋoadi Bibili n yedi yaala. Lani n cedi ke i moamoani jaanma naa bangidi bi niba bi nisaaliba yantiani ba. (Matiyu 15:7-9) I moamoani Kilisiti niba tuodi ki ŋoa ban bangidi bi niba yaala. Bi kan yedi bonla ke bani biba naa tiendi-la.—Cogi mani Jan 17:17; Timote Tilieli 3:16, 17.

•   I moamoani Kilisiti niba kpiagidi U Tienu yeli Jeova. Jesu den kpiagidi U Tienu yeli, kelima o den waani O bi niba. O todi bi niba ke bi bandi U Tienu, ki go yedi-ba ke ban jaani U Tienu yeli n ba mi gagidima. (Matiyu 6:9) Yin ye naani yeni, ole jaanbuolu n waagi bi niba U Tienu yeli?—Cogi mani Jan 17:26; Loma Yaaba 10:13, 14.

• I moamoani Kilisiti niba kpaani U Tienu Diema labaaliŋamu. U Tienu soani Jesu ke wan cua waani u diema labaaliŋamu. U Tienu diema bebe n ba fidi gbeni Adama bila yeni paka. Jesu den maadi U Tienu diema yaa maama hali O kuuma yogunu. (Luka 4:43; 8:1; 23:42, 43) O yedi o ŋoadikaaba n kpaani o diema labaalo. Nilo yaa yedi ko o bua waani yi o diema labaaliŋamu, yi tama ke li tie ole jaanbuolu yaa niba?—Cogi mani Matiyu 24:14.

• I moamoani Kilisiti niba naa kuandi bi yula ŋanduna tuona nni ba. Yi ba fidi bandi bani n tie yaaba kelima bi naa kuandi bi yula politiki leni bu toabu nni ba. (Jan 17:16; 18:36) Yaala n pugidi, bi naa tiendi nani ŋanduna niba n tiendi yaa bontienkaabiada leni yaa tuonyuodi buoli kuli yeni ba.—Cogi mani Jaka 4:4.

• I moamoani Kilisiti niba bua bi lieba. Bani n tuo ki ga Bibili maama yeni li cedi ke bi bua bi lieba baa bi yaa ta buolu. Mi faama jaanma yen kuani bi yula i dogi koanli nni. Ama i moamoani jaanma niba naa tiendi lani baabaa. (Mise 4:1-3) Bi yen ta bi lenli, leni bi ligi ki todi bi niba, ki go tundi-ba.—Cogi mani Jan 13:34, 35; Jan Tikpiali 4:20.

Ole jaanbuolu n ye ki wangi bi niba yaala n ye Bibili nni, ke o niba kpiagidi U Tienu yeli, ke bi wangi ke U Tienu diema bebe n ba gbeni Adama bila yeni paka? Ole jaanbuolu niba n bua bi yaba, baa kuandi bi yula bi dogu toabu nni. Li tie ole po?—Cogi mani Jan Tikpiali 3:10-12.