“Pagi mani o Diedo, yinba o malekinba.” —Pisomi 103:20

Biibili wangi ti bee malekinba po?

• Jobi 38:4-7

  Jeova liidi ki tagi malekinba, ki yuandi ki tagi ki tinga.

• Mi Doagidima 5:11

  Malekinba yabi ki pundi miliyon.

• Pieli Tikpiali 1:11,12

  Malekinba, bua ki bandi U Tienu n pia yaa yanbuama ki tinga po.

• Luki 15:10

  Jeova ŋoadikaaba yema tie yaala n paki malekinba.

“O Diedo maleki guu yaaba n fangi o kuli, ki yen faabidi ba.”—Pisomi 34:8

Bee n wangi ke malekinba todi U Tienu ŋoadikaaba?

• Mi Cilima 19:15,16; Danieli 6:22; Luki 22:43; Jesu Tondiba Tuona 12:6-11

  Malekinba den todi Loti, Danieli, Jesu leni Pieli.

• Hebilunba 1:7,14

  Jeova cedi ke malekinba todi, ki go guu o ŋoadikaaba yaaba n ye ki tinga po.

“Ke Sutaani n da ti fidi ti, kelima ti bani o jagibiada po.” —Korenti Yaaba Tilieli 2:11

Ŋmeenba n tie a cenda, beepo ke bi bua tieni ti yaala n bia?

• Mi Doagidima 12:9

  Maleki yendo yie Jeova maama. Bi yi wani Sutaani.

• Mi Cilima 6:2

  Nowe yogunu malekinba tiama yie Jeova maama ki jiidi ki tinga po.

• Matie 9:34

  Laa malekinba ŋoadi Sutaani puoli, ki tua a cenda.

• Mi Tiadiama 18:10,11

  Sutaani janbidi bi niba. O bua leni o pali kuli ki tieni ba yaala n bia.

“Yin yaa yiedi ku tuotabigu yudaano po, lani o baa sani ki foagidi yi kani.”—Jaki 4:7

Yi baa fidi ki tieni bee, Jeova n todi yi, yin moa leni Sutaani leni o cenda, ki paadi ba?

• Jesu Tondiba Tuona 19:19

  Lu mani, bi ju mani yaala n baa fidi ki taani yi leni a cenda. Yin li lu, baa yi yaa nua ke li tie nani bonjelinkaala, bi yaa bonli n ki pia tagili.

• Efesi Yaaba 6:16,18

  Yaa bangi mani Biibili yeni, lan todi yin baa li dandanli papaali. Jaani mani ki mia Jeova n kubi yi.

• Mi Kpanjama 18:10

  Yaa taagi mani Jeova yeli.