18. Li ŋani mini taa n yuli ki teni U Tienu ki gaa mi walima bi?
1 LI ŊANI MINI GAA MI WALIMA BI?
“Diidi mi ñima. Be n yie n po ke n kan gaa mi batisima?” —Jesu Tondiba Tuona 8:36
Beepo ke li ŋani yin gaa mi walima, lede ke bi gaandi mi walima yeni?
Mi walima gaanma wangi, ke yi ŋa kpiama bontienkaala ki baa tieni U Tienu yanbuama moala.
Matie 28:19,20
Yi yaa bua ki ŋoadi Jeova, li tie tiladi yin gaa mi walima.
Pisomi 40:8
Mi walima gaanma wangi bi niba, ke yi bua ki ŋoadi U Tienu.
Matie 3:16
Bi den miani Jesu mi ñima nni o walima gaanma yogunu, li tie tiladi ban miani ti moko mi ñima nni.
2 JEOVA KAN LI MIA TIN TIENI YAALA N CIE TI FIDU
“Mi buama U Tienu po tie line: Tin yaa kubi o bali maama. O bali maama yeni naa tie tugikpiagili.”—Jan Tikpiali 5:3
Yi yaa bua ki taa yi yula ki teni U tienu, beepo ke yi kaa jie?
Pisomi 103:14; Esayi 41:10
Jeova ki bua yin tua yaa nilo n ŋani cain, ki di yuandi ki taa yi yuli ki teni O. O todi yi, yin yaa tiendi yaala n tiegi.
Kolosi Yaaba 1:10
Yi yaa bua Jeova, yi kaa jie ke yin baa ti tieni yaala baa biidi O pali.
3 YAALA N TIE TILADI YIN TIENI, KI DI YUANDI GAA MI WALIMA
“N Tienu n bua ki tieni a yanbuama, ki kubi a bali maama mo hali n pali tugu nni.”—Pisomi 40:9
Yi yaa bua ki taa yi yuli ki teni Jeova, li ŋani yin tieni bee?
Jan 17:3
BANGI MANI U TIENU MAAMA N TUA YAALA
Moandi mani yi bangima Jeova leni Jesu po n yaa pugidi. Lani n baa todi yi, yin ŋanbi ki bua ba leni yi pala kuli.
Hebilunba 11:6
PUGINI MANI YI DANDANLI PAALU Pugini mani yi dandanli U Tienu ñoaniana nni. Go daani mani Jesu daafaabima, ke li pia yaa paalu n baa faabi yi leni mi kuuma leni ti tuonbiadi.
Jesu Tondiba Tuona 3:19
LEBIDI MANI YI YAMA, KI MIA SUGILI
Lan bua yedi ke yi pali biidi leni yin den tiendi yaa tuonbiadi. Moala, yin ŋa yi tuada yaala n ki ŋani kuli, ki tieni yaala n tiegi U Tienu nunbu po.
Pieli Tikpiali 4:2
TAA MANI YI YULI KI TENI JEOVA
Lan bua yedi ke yi jaanma nni, yin poli, ke yi bua ŋoadi Jeova bebe. Yin waani O, ke O yanbuama ŋoadima n cie bonli kuli yi yema nni.