2. Biibili tie yaa Tili n ñani U Tienu kani
1 BIIBILI TIE U TIENU MAAMA TILI
“I Diani kuli den diani U Tienu gobidima yaa niinni.”—Timote Tilieli 3:16
Beepo ke ti baa fidi ki yedi, ke Biibili ki ta leni tibuolu kuli?
Bi soagini Biibili yeni, yaa mabuoli n pundi 2800. Bi ñani Biibilinba yaala n cie miliyaar.
O puuni ti yaa bangima ke ti kan fidi ki ba kaantogu.
Tesaloniki Yaaba Tikpiali 2:13
U Tienu n die Biibili.
Pieli Tilieli 1:21
U Tienu n gobidi bi niba ke bi diani O yantiana.
2 BIIBILI N PUA YAA SAAWALIMAAMA KULI KUA CAIN
“U Tienu Yua n kan pua faama.”—Titi 1:2
Beepo ke ti baa fidi ki daani Biibili n yedi yaala?
Esayi 44:27–45:2
Biibili den waani ban baa paadi Babilonni dogu maanma, yaa bina n liidi 200.
Timote Tilieli 3:1-5
Biibili n pua yaa saawalimaama kuli li kua cain dinli-dinla.
Mi Coadima 23:19
Ti baa fidi ki daani Biibili n yedi yaala saala po.
3 U TIENU CEDI KE BI DIANI BIIBILI KI BAA TODI YI
“Mini Li Miali Diedo yi Tienu n baa tundi yi, ki gobidi yi, yin baa yaa cuoni yaa sanu nni. Li tie yi ŋamu po yo.”—Esayi 48:17
Moala, yi bangi bee Biibili po?
Jobi 26:7; Esayi 40:22
Biibili yaa maadi mi bangicianmoama maama, wan maadi yaala kuli tiegi leni la.
Mi Coadima 20:2-12
Yaaba n diani Biibili den tie papiendanba.
Matie 5-7
Jesu puuni ti i tundi: o wangi ti, tin baa ba li pamanli maanma, tin baa tieni maanma ki dagidi leni ti lieba. O go wangi ti, tin baa jaani maanma leni tin baa nua mi pianma maanma.
4 BIIBILI N PIA YAA MAAMA BAA FIDI KI LEBIDI YI YEMA.
“U Tienu maama fo ki tuuni leni u paalu.”—Hebilunba 4:12
U Tienu Maama baa fidi todi yi lede?
Li baa fidi todi yi, yin gbadi U Tienu yanbuama n tie yaala.
Li baa fidi todi yi, yin bandi yin tie yaa nibuolu.
Li baa fidi todi yi, yin bandi U Tienu n bua yin tieni yaala.
U Tienu bua yin cogi Biibili, ki bangi la, ki go bua la.
