“O cua ki baa yaa tuuni bi niba po, ki pa o miali, ki daa ki faabi bi niba boncianla.”—Matie 20:28

Beepo ke mi daafaabima tie tipo tiladi?

• Mi Cilima 3:17-19

  Adama n yie U Tienu Maama yeni, o luo o danlingu leni Jeova. O go luo ŋalijani leni wan den pia yaa yenmanma.

• Loma Yaaba 5:12

  Adama n tieni ti tuonbiadi yeni, lipo cedi ke ti mali leni ti tuonbiadi, ki go ku.

• Efesi Yaaba 1:7

  Mi daafaabima todima n cedi ke U Tienu faabi bi nisaaliba leni mi kuuma, leni ti tuonbiadi.

“U Tienu den soani o Bijayenyenga ŋanduna nni ke tin yaa pia li miali kelima o po.”—Jan Tikpiali 4:9

Lede ke Jeova pani tipo mi daafaabima?

• Pisomi 49:7,8

  Nisaalo bakuli kan fidi ki pa mi daafaabima yeni, ki guani Adama n luo yaa yenŋanma.

• Luki 1:35

  Jeova soani o bibuadiga ki tinga po. Jesu n mali yeni, o den tie yaa nisaalo n ŋani cain.

• Loma Yaaba 3:23,24; Hebilunba 9:24

  Jesu faadima puoli, o guani tanpoli, ki waani o Baa mi daafaabima yeni ñuadi.

“O baa duuni ki ñani ti nunsiidi kuli bi nuni nni. Mi kuuma kan go yaa ye.”—Mi Doagidima 21:4

Mi daafaabima yeni pia tipo bee ñuadi?

• Jan Tipkiali 1:8,9

  Ti baa ba sugili ti tuonbiadi po.

• Hebilunba 9:13,14

  Ti baa ba yaa yanduanma n ña U Tienu kani.

• Loma Yaaba 6:23

  Ti baa ti ba yaa miali n kan gbeni.

• Galati Yaaba 2:20

  Mi daafaabima tie yaa paabu n wangi ke Jeova leni Jesu bua ti.

“U Tienu. . .puni o Bonjayenyenga, ke yua n daani o kuli. . .wan yaa pia yaa miali n kan gbeni.”—Jan 3:16

Ti baa tieni lede ki waani ke ti faadi mi daafaabima yeni?

• Jan 17:3

  Tin moandi bandi Jeova leni Jesu, ki yaa ŋua bi fuuli.

• Luki 22:19

  Binli kuli, tin yaa caa o kuuma tiadima.

• Jan 3:36; Jaki 2:26

  Tin da daani Jesu ti maama nni bebe ka. Tin li yaa ŋua wan bangi ti yaala.