“Ama bi tinkpiba wani ki bani liba kuli.” —O Yanfuodaano 9:5

Bee n ye mi kuuma puoli?

• Pisomi 146:3,4;

  O Yanfuodaano 9:6,10

• O nilo yaa kpe waa go nua, waa go gba, waa go pia yantiali.

  Jan 11:11-14

Jesu yedi ke mi kuuma tie nani mi guama.

“Ama ŋan da ŋmani mi ŋanma leni mi biadima bandima tibu bonluonkaala, kelima a yaa ŋmani la yaa daali, a baa kpe.” —Mi Cilima 2:17

Beepo ke ti ku?

• Mi Cilima 3:1-6

  Sutaani n yedi ke Awa yaa yie U Tienu Maama, ke o kan kpe yeni tie faama. Adama leni Awa yie U Tienu Maama, ki tua tuonbiadidanba, ki kpe.

• Mi Cilima 3:19

  Adama kuuma puoli, waa gedi kaanu bakuli.

• Loma Yaaba 5:12

  Ti tuonbiadi tie nani yaa yianbiadu ke Adama leni Awa puoni ti.

  Ti ku kelima ti mali leni ti tuonbiadi.

• Korenti Yaaba Tikpiali 15:26

  Biibili yedi ke mi kuuma tie ti yibali.

“Naani yaa nissalo n kpe, go baa faadi ki guani ki fii?. . .N baa yaa guu, hali ŋan baa cua ki faabi nni yaa yogunu.”—Jobi 14:14

Ti yaa bandi Biibili n yedi yaala mi kuuma po, li baa faabi ti lede?

• Jan Tikpiali 4:8

  Ban tua ke U Tienu koandi a nibiada u fantanbuogu yeni, tie yaala n biidi U Tienu yeli. O kan ŋa nilo bakuli n le laa fala.

• Mi Doagidima 4:11

  Bi niba boncianla jie bi tinkpiba. Bi ŋua pagi ba ki cie U Tienu.

  Jeova bebe n pundi ki baa ti kpiagidi, kelima wani n tie i moamoani Tienu.