“Teni a diema n cua, a yanbuama mo n tieni ki tinga po, nani man tiendi tanpoli po maama.” —Matie 6:9-13

U Tienu Diema tie bee?

• Mi Doagidima 11:15

  U Tienu Diema tie yaa gobina n baa kali tanpoli ki diedi ki tinga.

• Timote Tikpiali 6:15

  Jesu n tie U Tienu Diema bado.

• Mi Doagidima 14:1,4

  Yaa niba n pundi 144000 n baa ti taani leni Jesu, ki je li bali tanpoli.

• Hebilunba 4:15; 5:8

  Jesu leni 144000 niba yeni, bani ti yema n tie maanma leni tin moa leni yaa paka.

“O baa jia ti buudi taliginba po leni mi teginma.”—Esayi 11:4

Beepo ke U Tienu n gandi Jesu, ke wan tua bado yeni ŋani?

• Timote Tikpiali 6:16

  Bi nisaaliba kuli badiba baa ti kpe, ama Jesu wan kan kpe abada. Wan baa tieni yaala baa ye yogunu kuli.

• Esayi 11:2-4

  Jesu baa fidi tieni yaala n ŋani ki cie bi nisaaliba kuli badiba. Bi badiba kuli yaa taani bi paalu laa pundi Jesu paalu. O tie ninñingbadidaano, ki go tiendi yaala n tiegi.

“Tanpoli Tienu baa fiini dietoama, yaama n kan bodi abada.”—Danieli 2:44

U Tienu Diema peli tieni bee? O baa ti tieni bee saala?

• Mi Doagidima 12:7-12

  Jesu dini li bali 1914 binli nni. Laa waagi, ke o deli Sutaani tanpoli ki jiini o ki tinga po. Lani n cedi ke bi nisaaliba laadi fala buoli kuli, ki go pia a paka.

• O Yanfuodaano 8:9; Mi Doagidima 16:16

  Amagedo yogunu, U Tienu Diema baa bolini bi nisaaliba gobinanba kuli, kelima bi tie janbidanba leni tugitondanba.

• Pisomi 37:10

  U Tienu baa bolini yaa niba n tiendi mi biadima, ki kaa bua lebidi bi tuada.

• Mi Doagidima 22:1-3

  U Tienu Diema yaa ti diedi ki tinga, nilo bakuli kan go yiagi, bi ki kpe. Bi nisaaliba kuli baa kpiagi U Tienu yeli.