“Hali mi cilima n den wangi yaala n baa faa ki cua, hali yogu mo, n den tuodi ki wangi yaala n daa tieni.”—Esayi 46:10

Ti bani bee ŋanduna yeni juodima po?

• Danieli 7:13,14

  Jesu cili o bali jiema 1914 binli nni.

• Matie 24:3-14

  Jesu den liidi waani ke yaa yoguni n paa baa ti cua bi nisaaliba po.

• Mi Doagidima 12:7-9,12

  Jesu n dini li bali, laa waagi ke o deli Sutaani tanpoli ki jiini o ki tinga po. Sutaani pali beni “kelima o bani ke o yogunu ki go fu.” Ne leni waamu U Tienu baa bolini o.

“Waani ti. . .yaa sinankeene n baa waani ti. . .ŋanduna juodima yogunu?”—Matie 24:3

Dinli-dinla, naani yi la ke Biibili saawalimaama li kua cain bi?

• Matie 24:7; Luki 21:11

  Moala ti nua ke bu toabu, mi koncianma, mi tindigibima leni i yiani yabi ki cie kpiama.

• Timote Tilieli 3:1-5

  O tondo Poli den liidi ki waani, bi niba n baa ti yaa pia yaa tuada a juodidana nni.

• Danieli 12:4

  U Tienu todi O ŋoadikaaba ke bi ŋanbi ki gbadi Biibili maama fuuli.

• Matie 24:14

  Bi kpaandi o laabaaliŋamo ŋanduna kuli nni.

“Yi bani bonŋanla ke o Diedo daali baa cua nani o suudo yeni, ku ñiagu.”—Tesaloniki Yaaba Tikpiali 5:2

Tin bani ke ŋanduna juodima nagini yeni, li ŋani tin tieni bee?

• Jan 17:3

  Bangi mani Biibili leni yi pali kuli.

• Hebilunba 10:24,25

  Gedi mani Jeova Siedinba taana po, ki yaa bangi li bonli boncianla U Tienu Maama po.

• Jaki 4:8

  Moandi mani ki lebidi yaala n n ki ŋani yi yema nni. Lani n baa todi yi, yin tua U Tienu danlimoano.

• Luki 21:34-36

  Da ŋa mani bonli bakuli n jidi yi. Li tie tiladi tin kuani Jeova liiga ti yema nni.