Ɲʋn jhia ˈˈdhruigbooɛ- ˈmʋn ʋaˈ jhibhodɩ-
ŊMƲƲƐN
ˈŊMƲƲƐN- ˈBHEƆGLƆ Ɔˈ -BOBHLAƲN- ANˈ -KLAINˈˈ -Jezaʋn- -ˈbhlea zɩn anˈ 23 -ɛ -jhɛa 65 -ʋa- ˈbɔan -ʋʋ ˈyea ʋaˈ -bobhladhbho ˈˈkpe po ɛ, ʋʋ ˈbhɛɛˈ ʋʋ ˈye ˈBheɔglɔ ɔˈ -bobhlaʋn- anˈ -klain anˈ ˈŋmʋʋɛn- nɩan dimansi ɛˈ ˈjhrʋgbaoˈ ˈmʋn jhi. Ɲʋn an muɛn nɔnˈˈ -e -da ɛ ˈyea -nʋʋɛn- ˈɲnɩn ˈˈsi-.
ƝƲN JHIA ˈˈDHRUIGBOOƐ- ˈMƲN ƲAˈ JHIBHODƖ-
ƝƲN -AN JHAA ƝƲN ˈˈƖN ƐN Ɲʋinjhaaʋn- ɲʋn de ˈo i -ʋʋ ˈye aʋ sʋn bho po. Aʋ -kɔngɩnˈ, dhɛ ʋa muan aʋ ˈtmʋʋn ɛn, ɛmɛn- aʋ ˈye ŋwɔn ˈjhe. -Da aʋ ˈyea kamiɔn -paa -e -da aʋ ˈyea -zii -e -da aʋ ˈyea i-de -e dhɩ -dhee -ˈnɩɩn aʋ ˈyea nʋn ɛn, ɩanˈ klɛɛ dɩ -nɩɛn- ˈdhe ʋbʋ ˈkwa.
ˈˈNINZƆNJHIIƐ- Ɲʋn ˈyea ˈˈninzɔnjhii ɛ, ʋaˈ -deɩn ˈye ˈe ɲan -nɩn ˈbho ˈˈkpa jhibhaˈ, -bho ɲʋn se -da -dhee ˈnɔɔn -jeɛ -to maʋn ɛnˈ. Samedi ɛˈ -glaepɛɛn, -bho ˈˈninzɔnjhiiɛ- ɛˈ bo ˈye -dee ɛˈ, ɲʋn ˈyea ˈˈninzɔnjhii- ˈye i-de -da ɲʋn ˈyʋbʋ -deɩn ˈˈɲɩɩn ɛn. Ʋʋ ˈye ʋaˈ ˈˈninzɔnjhiiɛ- ɛˈ ˈmʋnpaadhɩ -jha: ˈˈBula -e ˈmʋnpaadhɛ- ˈdhɔɛe -e.
-BAANˈ- -NƲƐN- Ɛ nɩn ˈgwhɛi -duuˈˈ ɲʋn -za ˈˈbun -wɛeˈ ɲʋn -jha ˈˈkpae -e bhlegbai- -e videe -e dhɩ -dhee -ˈnɩɩn da ˈˈdhruigbooɛ nɛn ˈmʋn, ˈˈdhe ɛ ˈye -aʋ sʋn bho po -a -ˈye Zoova iˈˈkʋan-. -Baanˈ- aʋ ˈyea nʋn ɛn, ɔɔ muɛn ɲʋn sʋn bho -po ʋʋ ˈye dhɩ -ˈnɩn geiˈˈ -za, ˈˈdhe ɔ ˈye -bobhladhbho kwagbɔide da ˈbhlʋa aˈ klɛɛ ˈˈkpe. -Bho aʋa sa ˈbɔn aʋ ˈye -baanˈ- nʋn ɛnˈ, kɛsi ɲʋn an poa -baanˈ- ˈdhi ɛ, ɩn -deeɛ- i dhɩ ˈmʋn in da ˈˈdhruigbooɛ- nɛn ˈmʋn. Dhɛ ooˈˈ dhɛ aʋa muan ˈo -to ɛ, ɛ ˈdha dhɛ ˈmɛn. -Glibha aˈ jebhopoʋn- an poɛ aʋ ˈsɛ-, dhɛ aʋa dea -glibha kwagbɔi ɛ.
ƝƲN- DHƖ A POA ƲAˈ DƖ ˈˈDUƐ- Aʋ -kɔngɩnˈ, ɛ nɩn ƝƲN POADHƐ GA ˈˈKPEI da ˈˈdhruigbooɛ- nɛn ˈmʋn ɛn, ʋbʋ ɲʋn an ˈdha.
DHƖ ˈˈMAAN -E DHƖ ƝƲN ˈTƐAN -E -Bho ɲɔn ˈtɛn dhɛ i ɛˈ, ɔ kpɛ ɲʋn -an dea dhɩ ˈman in. -Bho -manˈ dhɛ ˈman anˈ, -ˈbhɛɛˈ ˈye ˈe -ŋmʋanˈ mun. -Bho ˈˈjhuzaan ˈmaan- ɔɔˈ ˈcɛ ˈˈjhrii ˈˈdhe aʋ ˈjheɔ ɛˈ, aʋ kpɔ ˈe. Ɛ se -ˈmɛn aʋ ˈye ˈˈɲnuun- -mɩɩn ˈdhe ʋbʋ bho -gboo -nɩn. Aʋ -kɔngɩnˈ aʋ ˈˈdu aʋaˈ ˈɲnuun anˈ dɩ, ʋʋ -dei ˈbho aʋ ˈˈbun.
-DEƖN- -Kɔngɩnˈ, -naan ɲʋn -dhee -ˈnʋʋn anˈ dɩ -tɔˈi. -Bho -ˈye ɲɔn -deɩn -siie- ɛˈ, ɛ ˈye ɲʋn -nɩn ˈghlʋa ˈe ˈˈgbuzɔnˈ -e ɲʋn -nɩn jhia -e ɲʋn -nɩn -man ˈcɩan Biiblʋ -nɩn. -Deɩn ˈsea ɲɔn -siee- ɛ, -manˈ de ˈo dhɛ i -dhe.
ƝƲN -AN ˈBƆAN -ƲƲ ˈYEA DHBHO NƲN ƐN -Bho -man sa ˈbɔn -ˈye ɲʋn sʋn bho po ˈˈdhe -ˈye dhbho nʋn da ˈˈdhruigbooɛ- nɛn ˈmʋn ɛnˈ, -ˈmɛn -ˈtmʋʋn ɲʋn -an ˈˈɲɩan ɲʋn dhbho.
Zoova aˈ -Bobhlaʋn anˈ -glibha aˈ jebhopoʋn- poɛ kpɔˈˈ.
