Ɲʋn -ˈmɛan an, ʋʋ ˈbhɛɛˈ jɛɛn- ʋʋ ˈye ˈkmʋn dhejhi?
-ˈYe ka nʋn...
-
ɛɛn?
-
ˈˈɩɩn-?
-
ɲɔn se bho jhibho-?
DHƐ BIIBLƲ ˈTMƲAN Ɛ KA
‘Ɲʋn ˈmɛan ʋa muɛn ˈkmʋn dhejhi-.’—Actes 24:15, Traduction du monde nouveau.
-BHO DE GHLU NƲN -GWLƖˈˈ Ɛˈ, DHƖ -ˈYEA ˈO ˈJHEE-
Dɩgwliiduɛ-, -bho -manˈ -pɛɛ zi nɛnˈ ɛnˈ.—2 Corinthiens 1:3, 4.
ˈMɛan anˈ -faʋn- ˈse -ʋn -kʋɔn- kwlaˈ ˈbhle iˈ.—Hébreux 2:15.
-Manˈ ˈcɛ -ˈmɛan an, -man mʋɛn ʋaˈ dhejhiɛ- -pɛɛ ˈˈɩ tbha-.—Jean 5:28, 29.
DHƐ BIIBLƲ ˈTMƲAN AN, -A -ˈBHEƐˈ -A -ˈYEƐ -GWLƖˈˈ DE ˈJƐƐN-?
Ɛɛn, dhɩ aˈ kpɛ taan nɩn anˈ dɩ:
-
Ɲɔnsoa -a -ˈˈɲɩn ɲʋn ˈkmʋnɩɛn. Biiblʋ ˈnaan -ka ˈˈnin ɛn ˈghlʋa ˈe ɛɛˈ ˈˈdhru bho ɛ, ˈka- ˈkmʋn an ˈghlʋ ˈe Ɲɔnsoa Zoova bho. (Psaume 36:9; Actes 17:24, 25) Ɲɔn -ˈˈɲɩan dhɩ aˈ klɛɛ ˈkmʋnɩɛn- ɛn, ɔ se ɛɛˈ ˈkpɩ ˈbhle ɔ ˈyeɛ nʋn ɲʋn -ˈmɛan ˈye ˈkmʋn dhejhi?
-
Ɲɔnsoa nʋɛnˈ -wɛ -tɛnˈˈ ɲʋn yeɛ ˈjhe. Biiblʋ zroɛ ɲʋn -ˈˈmanan -ʋʋ -ˈmɛn -wɛeˈ ɔ -jha ˈkmʋn dhe: ɛ ˈɲnʋnkpaeˈ -e ɲmai -e, gɩlɩˈˈ -e -goaˈˈ -e. Ʋaˈ -ˈnʋʋn ˈmɛan an, ɛ ˈse ˈo -gwle ʋʋ ye dhejhi. ˈKlaa ʋaˈ dhueˈ nɩan ˈo ɛ, ɔ nʋɛn ˈghwɩ ɲiɛn -wɛeˈ ɔɔ ye dhejhi-.—Jean 11:39-44.
-
Ɲiɔn ɔnˈ ˈmɛan an kpʋɛn Zoova -glʋˈ. Ɛmɛn- dɩ ɔɔ mun ˈmɛan bho -vɔn. (1 Corinthiens 15:26) Ɔɔ muɛn ˈmɛan iza- ˈbho ɲʋn anˈ ˈkmʋndhejhaaˈ. Ɲʋn -ˈmɛan ɔ sea bho ˈˈmae- ɛ, ɔ nɩɛn ˈˈɩn ɔ ˈyʋbʋ ˈkmʋndhejha- -wɛeˈ ɔ ˈyʋbʋ ˈjhe da ˈbhlʋa ˈˈkpe.—Job 14:14, 15.
-NAAN TƆˈ I
-Ɛɛ nʋɛn -wɛeˈ ɲiɔn ɔn ˈkpa gelaˈˈ ˈˈdhe ɔɔ ˈmɛn -ɛn?
Biiblʋ a za ˈe dɩ nɩn ˈmɛn ˈdhe GENÈSE 3:17-19 -e ROMAINS 5:12 ˈdhi.