Cɩaandhɛ 3
Ɲɔnsoa poa ɲiɔn nɔn kmʋn ɛn, kɔ nʋn desʋn dhe ɛ?
Zoova ɲɩɛn Adan e Ɛvʋ bɔɔndhɩ a klɛɛ. Gbɔ I Deˈan 1:28.
Tɛn ɲnɔnkpao Zoova nʋan an, ʋmʋn nɩn Ɛvʋ. Ɔ ɲɩʋn Adan wɛe ʋn yeɔ bhli ti. —Gbɔ I Deˈan 2:21, 22.
Da Zoova nʋbʋ dhe ɛ, ʋa tɔ gba ɩ. Ʋa ɲiɔn jhɔɛ nɩɛn pepe. Ʋʋ se gɔ bun nɩn.
Da ʋʋ tia dhe ɛ, bho nmɔn jhrii jɛɛn. Nin gbuu e trooti e nmian mɩn nɩn o. Ɲɔn ɔn dhaa bho Edɛnɩn gle.
Zoova a ghluɛ e ʋbʋ bho dhe. Ɔɔ tɔɔn ʋbʋ dhɩ. Bho ʋa sa bɔn ʋʋ ye kmʋn sie maʋnmaʋn ɛn, mɛn ʋʋ ye ɔɔ ghlu dhein du.
Gbɔ I Deˈan 2:16, 17.
Ɲɔnsoa nan ʋa dhi tu bhuo dhe.Tu dhue nɩn o gle ʋan bhuo Zoova naan Adan e Ɛvʋ a dhi dhe. Dhɛɛdɩ ɛ, ɛmɛn nɩn, bho ʋʋ dhi tu a bhuo nɔn ɔn, ʋa muɛn mɛn.
Dadhbhoʋn an dhue kpa o sʋ ɔ se Ɲɔnsoa ŋwɔn jhe. Ɔɔ dadhbhoi tu mɔn ɲɔn ɔn dhaa Satan, Ɲɔnsaʋn.
Satan se bɔn Adan e Ɛvʋ ye Zoova ŋwɔn jhe. Ɔ poɛ srɛ sʋ ɔ jhiiɛ sɛn in ɔ ye e Ɛvʋ bho ghlu. Ɔ naan bho ʋn dhi tubhuo ɛ, ʋn se mɛn in. Ka Ɲɔnsoa nɩan ka ʋn ye nɩn. Dhe dhɛ ɔɔ tmʋan an, ɛ se tɔdɩ nɩn. Ɛ sɩ wo. —Gbɔ I Deˈan 3:1-5.