Ɲɔn ooˈˈ ɲɔn ɔn ˈbɔn dhaiˈˈ ɔ ˈyea ˈbhle ˈye -gwlɩˈˈ -de ka -nɩn. Zoova a ˈbɔn ɔɔˈ -jhbhɛʋn ˈye -gwlɩˈˈ -de ka -nɩn -ke. Dhɛ ɲʋn anˈ -da -duuˈˈ sea -gwlɩˈˈ -de ka -nɩn ˈnɔn ˈkmʋn nʋn ˈdhi ɛ, ɛ nʋɛnˈ -nɩn -gwlɩˈˈ -de ka -nɩɛn- dhɛ -ɛɛˈ ˈghwlʋ ɲʋn kwa i. -Bho -a -nɩn -gwlɩˈˈ -de ka ˈdhe dhɩ aˈ klɛɛ ˈdhi ɛˈ, ˈjɛɛn- -wɛ -aa mun ˈo ˈjhee- -ɛ?

1. Dhɛɛdɩ- -a ˈye -gwlɩˈˈ -de ka -nɩn gblein -ɛn?

-Bho -a -nɩn -gwlɩˈˈ -de ka aˈ, -aa toɛˈ -ka -a kman Zoova aˈ dɩ ˈˈdhe -aa ˈjheɔ ŋwɔn. -Aaˈ ˈˈmae -dhe -ka Zoova jhibha dhɩ -aa naan tɔˈi -e dhɩ -aa nʋan. (Hébreux 4:13) -Bho -aa sa ˈe ˈkpɩ po -wɛeˈ -a ˈye -gwlɩˈˈ -de ka -nɩn ɛnˈ, Zoova a deɛ ˈˈjhriɛ ˈˈkpe ˈmɛn ˈˈdhe ɛɛ poɔ ˈmʋnan in. Ɔɔˈ ghwlu ˈnaan: “Zoova ˈɲɛn ɲɔn -ɔɔ pooa ɲʋn ˈsrɛ i ˈmʋn ˈmɛn, ˈklaa ɲʋn ˈsrɛa ˈˈɩ -nɩn ɔɔˈ -jhbhɛʋn.”​—Proverbes 3:32.

2. -Kawɛ -a ˈye -gwlɩˈˈ -de ka -nɩn zɔn ooˈˈ zɔn -ɔn?

Zoova a ˈbɔn -a ˈye “bha tɔˈdɩ ˈtmʋʋn-.” (Zacharie 8:16, 17) Dhɛ -ˈmɛn ˈdha -a? -Bho -aa sa ghwlu ˈdhe -aaˈ ˈˈgbuzɔncɛ -e, ɲʋn -nɩn -aa nʋan dhbho -e, -aaˈ ˈdhoudhi ɲmai- -e, ˈdhoudhi -ɲnʋnkpaeˈ -aeˈˈ ˈbhlʋɩbhleʋn anˈ dhbhonʋʋn bho ɛˈ, -a ˈse sɩ ˈtmʋn in -aeˈˈ -a ˈse tɔˈdɩ i ˈˈdu i. Ɲɔn nɩan -gwlɩˈˈ -de ka ɔɔˈ ˈˈjhri ˈˈdhe ɔɔˈ dhi ɲʋn ˈˈdhrui. (Zro Proverbes 24:28 -e Éphésiens 4:28.) ˈBho -ˈmɛn ˈdhe ɛ, ɔɔ za lɛmpo geiˈˈ. (Romains 13:5-7) ˈDhe dɩ -ˈnɩn -e dɩ -dhee -ˈnɩɩn ˈdhi ɛ, -aa “toɛˈ -ka -a -nɩan -gwlɩˈˈ -de ka ˈdhe dhɩ aˈ klɛɛ ˈdhi.”​—Hébreux 13:18.

3. Dhɩjɛɩn- -wɛ -aa ˈjhe -bho -a -nɩn -gwlɩˈˈ -de ka -a?

-Bho -a ˈsrɛˈˈ ˈdhe dhɩ aˈ klɛɛ -aa nʋan ˈdhi ɛˈ, ɲʋn an deɛ -aʋ -gwlɩˈˈ. -Aa nʋɛnˈ kupeɛideɛ- ɛɛ yea ˈe ɲɔnsoagbu ˈdhi nɩn -ka ɛɛˈ nɩan ˈe ˈˈgbuzɔncɛ- kman bha aˈ dɩ ˈˈklu ɛ. -Aa ˈbhleɛ -glʋˈ ˈjɛʋn-. -Bho -a -nɩn -gwlɩˈˈ -de ka, “-aaˈ ˈPʋʋi-, [...] Ɲɔnsoa aˈ ˈghwlu aˈ ˈˈjhriinmɔɛn- ɛn ˈkpa ˈˈkpe” ˈˈdhe ɛɛ nʋɛnˈ -ke ɲʋn -ˈnʋʋn an yea Zoova jhibho- -wɛeˈ ʋa ˈˈɲɩn.​—Tite 2:10.

 KPA DHƐ I ˈŊWƆƐN ƝAN

5. -A ˈye -gwlɩˈˈ -de ka -nɩn zɔn ooˈˈ zɔn

 6. -Bho -a -nɩn -gwlɩˈˈ -de ka aˈ, -aa ˈjheeɛ ˈbho dhɛjɛɛn-

ˈBho -deenanˈ -bho ɲɔn ɔn sa ˈe ˈkpɩ po ˈˈdhe ɔ ˈye -gwlɩˈˈ -de ka -nɩn ɛnˈ, ɔ ˈbhɛɛˈ ɔ ˈye ka nʋn ɔɔ poɛ ɔɔˈ ˈˈjɛ ˈdhe ˈkledɩ ˈdhi. ˈKlaa -bho ɛɛ sa ˈo ˈbhɔɔ, ˈbhomɔn- ɲʋn an ˈjheɛ ˈˈkpe i -ka -nɩn -gwlɩˈˈ -de ka nɩan dhɛjɛɛn. Zro Psaume 34:12-16, -ˈmɛn aʋ ˈtmʋn ideedɩ- nɩn anˈ dɩ:

• -Bho -a -nɩn -gwlɩˈˈ -de ka aˈ, ka ɛɛ nʋn -aaˈ ˈkmʋn ˈˈɩ zian- sʋn -ɛn?

1. 1. -Bho ˈɲnɔn -e -kɔan -nɩn -gwlɩˈˈ -de ka aˈ, ʋa kuuɛ ʋaˈ ˈˈbhlitiiɛ i.

2. 2. Dhbhonʋin- nɩan -gwlɩˈˈ -de ka a, ɔɔˈ dhbhojhei- ɔˈ -pɛɛ ɛˈ klɛɛ -nɩɛn- ˈbhoɔ ˈˈkpe.

3. 3. Ɲʋn nɩan -gwlɩˈˈ -de ka a, ʋʋ ˈbhleɛ ˈɲnɩn ˈdhɔɛe ˈbho ˈbhlʋibhleʋn anˈ dhbhonʋʋn- ˈˈjhibhaˈ.

 DHƐWƐ- ˈCƖAN-?

Zoova a ˈbɔn ɔɔˈ dhaiˈˈ -ˈˈwe ˈye -gwlɩˈˈ -de ka -nɩn ˈdhe dhɩ ʋa ˈtmʋan -e dhɩ ʋa nʋan ˈdhi.

Dhɛwɛ- -ˈŋwɔn in -ɛn?

• ˈDhe dɩwɛ- ˈdhi -a ˈbhɛɛˈ -a ˈyeɛ -to -ka -a nɩan -gwlɩˈˈ -de ka -a?

• ˈBhoo- -gwlɩˈˈ ˈdhee, dhɛɛdɩ- -bho ɲɔn ɔn sa tɔˈdɩ i ˈˈdu ɛˈ, ɛɛˈ dhɛ tu se tɔdhinɩɛn- -nɩn -ɛn?

• Dhɛɛdɩ- -man ˈbɔn -ˈye -gwlɩˈˈ -de ka -nɩn zɔn ooˈˈ zɔn -ɔn?