ˈCƖAANDHƐ- 51
Ka -ˈye nʋn -wɛeˈ dɩ -man ˈtmʋan ˈye Zoova ˈtʋn nʋn -ɛn?
Zoova nʋan -aʋ ɛ, ɔ nʋɛn -aʋ -baanˈ- ˈdhɔɛe dhueˈ ˈˈdhrui. Ɛ nɩn dhɛ -a ˈbhɛɛa ghwluaˈ a. -Ka -aa nʋan -baanˈ- -ˈnɔn dhbho -nʋʋn sʋn -kɔndɩ ˈdhe ɔˈ ˈˈjhriɛ ˈdhe? Ɛɛn, ɛ -kɔndɩ ˈjɛɛn-! (Zro Jacques 1:26.) -ˈMɛn ka -a ˈye nʋn -wɛeˈ -ka -aa nʋan -ghwlusʋn ˈdhe ɲʋn bho ˈye ˈe Zoova ˈˈjhriɛ ˈdhei -nmɔn -ɔn?
1. -Kawɛ -a ˈye -baanˈ- -ˈnɔn ɔnˈ ˈbhle sʋn nʋn -ɛn?
Biiblʋ ˈnaan “-a ˈye bha dɩ -ˈgwlɩi ˈˈdu ˈˈdhe -a ˈye bha ˈkpɩ po dhueˈ dhueˈ.” (1 Thessaloniciens 5:11) Ɲɔnwɛ- -ɔɔˈ dɩ a ˈkpa ˈbhoo- -gwlɩˈˈ -ɔ -nɩn ˈkpɩ -po -ka -a? Dhɛwɛ- -ˈbhɛɛ -ˈyɔ ˈtmʋʋn- -ɛ -ˈyɔ ˈmʋnan in po -ɛ? ˈTmʋʋɔn -ka ɔ ˈdha dhɛ ˈdhee- ˈˈjhriɛ ˈdhe ɛ. -ˈMɛn dhɛ dea ˈˈjhriɛ ˈˈkpe ˈdhe ɔ bho -ɛɛ nʋan ʋn ˈtʋn ɛn, ˈtmʋʋɔn. Biiblʋ aˈ ˈˈjhriɛ -wɛ -ˈbhɛɛ -ˈye i -jhii -wɛeˈ ɲɔn jhibha -ˈyeɔ ˈkpɩ po -ɛ? Biiblʋ aˈ ˈˈjhri -ɩan- poa ɲʋn ˈkpɩ -ˈbhɛɛa -ˈyea ˈo -za -diɛˈˈ. -Manˈ ˈˈmaeˈ -dhe -ka -manˈ dhɛtmʋnsʋn kɔandɩ ˈjɛɛn ɛn. -ˈMɛn po ˈe ˈkpɩ jheejhee -wɛeˈ -manˈ -ghwlusʋn ˈye ŋwɔnpeeɛ- ˈˈdhe ʋn ˈyeɛ -to -ka nmɔan ˈdhi ŋwɔn.—Proverbes 15:1.
2. -Ghwlusʋn -wɛ kletiɛn ˈse ˈbhle i -ɛ?
Biiblʋ ˈnaan: “Ghwlu ˈzɔan anˈ ˈghwlʋ ˈdhe aʋ ˈŋwɔn -dhe.” (Zro Éphésiens 4:29.) Dhɛ -ˈmɛn ˈdhaa -mɛn -nɩn -a ˈse ɲɔn dhɛ ˈtmʋʋn in -wɛeˈ ɛ ˈyeɔ -glʋˈ kpʋn. -A ˈse ɲɔn ɔnˈ ˈɲnɩn -saɩn ˈˈsii- i ˈˈdhe -a ˈse ɲɔn ɔnˈ ˈɲnɩn ˈkɔɔ- i -ke.—Zro Proverbes 16:28.
3. Dhɛwɛ- ˈye -aʋ sʋn bho po -wɛeˈ dhɛ -aa ˈtmʋan ˈye ɲʋn ˈkpɩ po -ɛ?
-Zɔn -dhee -ˈnɔɔn, dhɛ nɩan ˈdhe -aaˈ -pɛɛ bho -aeˈˈ dhɛ -aa naan tɔˈ i -mɛn -aa ˈtmʋn. (Luc 6:45) Ɛɛˈ dɩ -a ˈye ˈe ˈkpɩ po -a ˈye ‘dhɩjɛɩn, dhɩ ˈsrɛaˈˈ, -ɩn nɩan ˈpepe, -ɩanˈ dɩ ɲʋn ˈbhɛɛa ɲʋn ˈyea -kman ˈˈdhe -ɩn ˈdha dhɛ tɔˈ i -naan.’ (Philippiens 4:8) -Bho -a ˈye ɛɛˈ nʋanˈ ˈbhɛɛ ɛˈ, -a ˈye -aaˈ ˈplʋjhriizaadhɩ -e dhaiˈˈ -ˈˈwe ˈbho -za -kajɔɔnka. (Proverbes 13:20) Dhɛ -ˈnɛɛn kɔandɩ -a ˈyea nʋn ɛmɛn -nɩn dhɛ -a ˈyea ˈtmʋn -e dhɛ -aaˈ ˈtmʋʋndɩ ˈbhɛɛa ɩn ˈyea ɲʋn ˈˈdhrui nʋn ɛn, -a -nɛɛn tɔˈ ˈˈkpei. Biiblʋ ˈnaan: “-Ka ɲɔn ɔnˈ kpa ɲɔn -blajrɛnˈ ˈmʋn ɛn, ˈkamɔn- ɲɔn -ɔɔˈ -naan tɔˈ i ɔɔˈ ghwlu -nɩn, ˈklaa ɲʋn nɩan tɔˈ ˈdhi aˈ -meɛʋn an nʋɛn ɲʋn dhɛjɛɛn ˈˈdhrui.”—Proverbes 12:18.
KPA DHƐ I ˈŊWƆƐN ƝAN
-Ka ɲɔn ɔnˈ dhɛtmʋnsʋn ˈyea ˈe Zoova ˈˈjhriɛ ˈdhei -nmɔn, ˈˈdhe ʋn ˈyea ɲʋn -ˈnʋʋn ˈkpɩ po ɛ, ɛmɛn -aa mun ˈjhe-.
4. -Jhibho- -ghwlu ka
-Aaˈ klɛɛ -gba a, -aa ˈtmʋn dhɛ ˈmɛn -zɔn -ˈnɔɔn ˈˈdhe -bho ɛɛ sa ˈo ˈbhɔɔ ɔˈ, -aa kplee. (Jacques 3:2) Zro Galates 5:22, 23, -ˈmɛn aʋ ˈtmʋn ideedɩ- nɩn anˈ dɩ:
-
ˈDhe kplɩn -ˈnɩn ˈˈklun ɛn, -jɩnwɛ -ɩanˈ dɩ -ˈye bhae- -ɩn ˈye ʋn sʋn bho po ˈˈdhe -ˈye -ghwlu -ka jhibho- -ɛ? ˈDhe dɩwɛ- ˈdhi kplɩn -ˈnɩn ˈye ʋn sʋn bho po -ɛ?
Zro 1 Corinthiens 15:33, -ˈmɛn aʋ ˈtmʋn ideedɩ- nɩn anˈ dɩ:
-
Ka -manˈ dhaiˈˈ -ˈˈwe -e dhɩ -man zaa ˈplʋ ˈˈjhrii a nʋn -manˈ -ghwlusʋn ˈˈɩn zian- sʋn -ɛn?
Zro Ecclésiaste 3:1, 7, -ˈmɛn aʋ ˈtmʋn ideedɩ- nɩn anˈ dɩ:
-
ˈDhe dɩwɛ- ˈdhi ɛ -nmɔn ˈo dhi -a ˈye ŋwɔn ˈˈmʋn -aeˈˈ -a ˈye nɔnˈˈ nmɔan ˈo dhi -fuo- -wɛeˈ -a ˈye dhɛ ˈtmʋn -ɛn?
5. ˈTmʋn ɲʋn -ˈnʋʋn anˈ dhɛjɛɛn
Ka -a ˈye nʋn ˈˈdhe -a ˈse ɲʋn ˈˈjree- i -aeˈˈ -a ˈse dhɛ -ɛ ˈyʋbʋ -glʋˈ kpʋn ˈtmʋn ɩn -ɛn? Po ˈo VIDEO, -ˈmɛn aʋ ˈtmʋn ideedɩ- nɩan da ˈzɔn da aˈ dɩ.
-
Dhɛwɛ- ˈdhoudhi -ˈnɔn de ˈˈjhriɛ ˈˈkpe ˈdhe ɔɔˈ -ghwlusʋn ˈdhi -ɛ?
-
Dhɛwɛ- ɔ nʋn ˈˈdhe ɔ zianˈˈ -an?
Zro Ecclésiaste 7:16, -ˈmɛn aʋ ˈtmʋn ideedɩ- nɩn anˈ dɩ:
-
-Bho -aa sa ˈbɔn -a ˈye ɲɔn ɔnˈ ˈɲnɩn -saɩn ˈˈsi ɛˈ, dhɛwɛ- -a ˈye -glʋˈ bho po -ɛ?
Zro Ecclésiaste 7:21, 22, -ˈmɛn aʋ ˈtmʋn ideedɩ- nɩn anˈ dɩ:
-
-Bho ɲɔn ˈˈsi -aaˈ ˈɲnɩn -saɩn ɛnˈ, ka Biiblʋ aˈ ˈˈjhri nɩn ˈbhɛɛ ɩn ˈye -aʋ sʋn bho po ˈˈdhe -a ˈse ˈcɛn ˈkpa i -ɛ?
6. -A -to ˈdhiŋwɔnmɔɛn- ˈdhe -aaˈ -ghwlusʋn ˈdhi ˈdhe -aaˈ ˈˈgbuzɔncɛ bho
Zoova a ˈbɔn -a ˈye ˈdhe -aaˈ ˈˈgbuzɔncɛ bho -ghwlu ˈdhe ˈdhiŋwɔnmɔɛn -e ɲʋndɩkman- ˈmʋn. Po ˈo VIDEO, -ˈmɛn aʋ ˈtmʋn ideedɩ- nɩan da ˈzɔn da aˈ dɩ.
-
Dhɛwɛ- ˈye -aʋ sʋn bho po -wɛeˈ -a ˈye ghwlu peɛˈ po ˈdhe -aaˈ ˈˈgbuzɔncɛ bho -ɛ?
Zro Éphésiens 4:31, 32, -ˈmɛn aʋ ˈtmʋn ideedɩ- nɩn anˈ dɩ:
-
-Ghwlusʋn -wɛ ˈbhɛɛ ʋn ˈye -aaˈ ˈˈgbuzɔncɛ dhɛjɛɛn ˈˈdhrui nʋn -ɛn?
Dhɛ Zoova -naan tɔˈ i ˈdhe ɔɔˈ ˈˈJhu Zezi ɔˈ dɩ ˈdhi ɛ, ɔ ˈtmʋn ɛnˈ. Zro Matthieu 17:5, -ˈmɛn aʋ ˈtmʋn ideedɩ- nɩn anˈ dɩ:
-
-Ka -man nʋan ˈe -manˈ ˈˈgbuzɔncɛ bho -ghwlu sʋn ɛn, -kawɛ -ˈbhɛɛ -ˈye Zoova -sraan ˈdhe ɛɛˈ dɩ ˈdhi -ɛ?
ƝƲN -ˈNƲƲN ˈNAAN: “-Ka dɩ nɩan, ˈkamɔn- ˈman ˈtmʋʋɩn. -Ka ɲʋn ˈye ʋʋ ˈdha -mɔnˈ -dhe ɛˈ, -ˈmɛn se ˈman dɩ -nɩn.”
-
Ka -man nʋn ɛnˈ ˈjhe sʋn -ɛn? Dhɛɛdɩ- -man ˈdha kaˈ -a?
DHƐWƐ- ˈCƖAN-?
Dhɛ -aa ˈtmʋan, ɛ ˈbhɛɛˈ ɛ ˈye ɲɔn dhɛjɛɛn- -aeˈˈ dhɛsaʋn ˈˈdhrui nʋn. Ɛɛˈ dɩ -bho -a ˈye dhɛ ˈtmʋan ɛnˈ, -a ˈye tɔˈ i -naan -kajɔɔnka. ˈBho -ˈmɛn ˈdhe ɛ, nɔnˈˈ -a ˈyeɛ ˈtmʋʋn- -e -ka -a ˈyea ɛɛˈ ˈtmʋn sʋn nʋn ɛn, -a ˈyeɛ tɔˈ ˈˈkpei -naan.
Dhɛwɛ- -ˈŋwɔn in -ɛn?
-
Dɩwɛ- -ˈbhɛɛ -ˈye ˈtmʋn -ɩn ˈye ɲʋn ˈkpɩ po -ɛ?
-
-Ghwlusʋn -wɛ ˈse ˈbhlei -ɛ?
-
-Bho -a ˈye -ghwlusʋn ˈdhɔɛe ˈbhle ˈˈdhe -aaˈ dɩ ˈtmʋn sʋn ˈye ɲʋn ˈkpɩ po ɛˈ, dhɛwɛ- ˈye -aʋ sʋn bho po -ɛ?
ˈBƆN DHƖ -ˈNƖƖN ANˈ I ˈŊWƆAN IN
Dhɛwɛ- ˈbhɛɛ -ɛ ˈye -aʋ sʋn bho po ˈˈdhe -ka -aa nʋan -ghwlusʋn ˈdhe ɲʋn bho ˈyʋbʋ ˈkpɩ po -ɛ?
ˈSɛɛ- nɛn ɛn muɛn ʋn sʋn bho -po -wɛeˈ -ˈye ghwlu -saʋn -poɛ- bho ˈbhɔ.
“Est-ce vraiment mal d’être grossier?” (Dɩ ˈghwlʋa ˈo ɛntɛɛnɛtɩ ˈˈkpe ɛ)
-Ŋmʋn -ka -ˈbhɛɛa -ˈyea nʋn -wɛeˈ ˈsea ɲʋn -ˈnʋʋn anˈ dɩsaɩn ˈtmʋʋn ɩn ɛn.
ˈˈJhu dhueˈ -ɔ ˈbhlea -ghwlusʋn -saʋn -dhe ɛ, -ŋmʋn -ka Zoova nʋan ɔɔˈ sʋn bho -po sʋn ɛn.
“J’ai sérieusement réfléchi à ce que je faisais de ma vie” (La Tour de Garde, 1er août 2013)