ˈCƖAANDHƐ- 55
De -manˈ ɲɔnsoagbu aˈ dhbho sɩn ˈdhei
Da ˈbhlʋa aˈ klɛɛ ˈˈkpe ɛ, Zoova aˈ -Bobhlaʋn anˈ mliɔn -ʋa ˈˈɲɩɔn ˈdhe ˈmʋnan ˈmʋn ɲɔnsoagbi ˈdhii. ˈSrɩn ʋa ˈjhea -e dhɛ Zoova a tɔɔn ʋbʋ dhɛ ɛ, ɛ ˈbhleɛ ʋaˈ ˈmʋnan ˈˈdhe ʋa za -pɛɛ dhe ʋa yea ʋaˈ ɲɔnsoagbu- sɩn ˈdhei de. -Man ˈjhe ɛɛˈ dhɛ tu ˈˈkpei ˈmɛn ˈdhe -manˈ ɲɔnsoagbu ˈdhi?
1. -Kawɛ -ˈye -manˈ nɔnˈˈ -e ˈkpɩ dhbhoˈˈ -ˈnʋʋn ˈˈdhe -ˈye -manˈ ɲɔnsoagbu sɩn ˈdhei de -ɛ?
-Aaˈ klɛɛ ˈbhɛɛˈ -a ˈye dhɛ nʋn ˈdhe ɲɔnsoagbu ˈdhi. Ɲʋn -nɩn ˈe -manˈ ɲɔnsoagbu ˈdhi -ʋʋ -nɩn gɩlɩˈˈ -aeˈˈ -ʋʋ se naanˈ ˈbhɛɛ-? -ˈBhɛɛ -ˈyʋbʋ sʋn bho po ʋʋ ˈye ˈˈdhruigbooɛ ˈmʋn mun? -ˈBhɛɛ -ˈye dhɩ -dhee -ˈnɩɩn nʋn, -ka ʋaˈ ˈdhɔɔ -poɛ -e ˈdhe ʋaˈ ˈˈgbu ˈdhi ˈkpa -poɛ- nɩan. (Zro Jacques 1:27.) -ˈBhɛɛˈ -ke -ˈye ˈe ɲɔnsoagbu ˈdhii -ghwoo -aeˈˈ -ˈye ˈdhe ɔɔˈ dɩ ˈˈduɛ- sɩn ˈdhei de. Ɲʋn anˈ de -aʋ nɛn ˈˈkpe ˈbho dhɩ -ˈnɩn anˈ nʋanˈ. Ɲɔnsoa -e -aaˈ ˈdhoudhi -ˈˈwe aˈ dɩkman an ˈˈtun -aʋ -wɛeˈ ‘-aa za -pɛɛ dhe -aa to ˈo -aaˈ ˈˈjɛ.’—Psaume 110:3.
-Bobhlaʋn -jhiia ˈˈnin ˈzɔn ɔn, ʋʋ ˈbhɛɛ ʋʋ ˈye dhɩ -duuˈˈ nʋn -kenɛnˈ ʋʋ ˈye ɲɔnsoagbu sɩn ˈdhei de. ˈDhoudhi -ˈˈwe -ʋaˈ ɲɔnsoadhɛ kua i ɛ, ʋʋ ˈbhɛɛˈ ʋʋ ˈye ɲankɔʋn anˈ ˈsɔɔnpoʋn- -nɩn ˈˈdhe -bho ɛɛ sa ˈo ˈbhɔɔ ɔˈ, ʋʋ ˈye ɲankɔʋn- ˈkpa. ˈDhoudhi ɲmai -e ˈdhoudhi -ɲnʋnkpaeˈ ˈbhɛɛˈ ʋʋ ˈye -jiezaʋn ˈkpa ˈˈdhe ʋʋ ˈye -bobhladhbho sɩn ˈdhei de -kajɔɔnka. -ˈNʋʋn ˈbhɛɛ ʋʋ ˈye ɲʋn -an poa ɲɔnsoagbi sʋn bho poaˈ mun -aeˈˈ ʋʋ ˈbhɛɛˈ ʋʋ ˈye ˈe ɲɔnsoagbu- -ˈnʋʋn ˈdhi mun ˈnɔn -bobhlaʋn -duuˈˈ sea -nɩn ɛn.
2. -Kawɛ -a ˈbhɛɛˈ -a ˈye -aaˈ ˈghwɛi i -jhii sʋn nʋn ˈˈdhe -a ˈye -aaˈ ɲɔnsoagbu- sɩn ˈdhei de -ɛ?
-A ˈbhɛɛ -a ˈye ‘-aaˈ dhɩ kɔandɩ ˈmʋn ˈˈdhuo- -a ˈye Zoova ˈˈɩ ˈbhɛɛ-.’ (Proverbes 3:9) Dhɛ -aa jhiia -aaˈ ˈghwɛi -e dhɩ -dhee -ˈnɩɩn i -wɛeˈ -aa poa -aaˈ ɲɔnsoagbu -e -bobhladhbho -ɔɔ nʋʋan da ˈbhlʋa aˈ klɛɛ ˈˈkpe sʋn bho ɛ, ɛ ˈbhleɛ -aaˈ ˈmʋnan. (Zro 2 Corinthiens 9:7.) -Bho ˈkledɩ -jhii -aaˈ ˈdhoudhi -ˈˈwe -ˈnʋʋn in ɛnˈ, -baanˈ- -aa toa -mɔn ɲʋn an ˈˈdhuo ˈmʋn -wɛeˈ ɲʋn an po ˈdhoudhi -ˈˈwe -ˈnʋn sʋn bho. ˈDhoudhi -ˈˈwe aˈ -da -duuˈˈ a “poɛ dhɛ ˈˈzaan ˈfɔ bho” jheejhee -wɛeˈ ʋʋ ˈye -baanˈ- nʋanˈ ˈbhɛɛ-. (Zro 1 Corinthiens 16:2.) -A ˈbhɛɛ -a ˈye -baanˈ- nʋn ˈdhe -aaˈ ɲɔnsoagbu ˈdhi -aeˈˈ ˈbho -aaˈ ɛntɛɛnɛtɩ ɛˈ -dein- ˈˈkpe, -da ɲʋn ˈcrea donate.pr418.com ɛ. Zoova a ˈbɔn -a ˈye -baanˈ- nʋn -wɛeˈ -a ˈyeɛ -to -ka -a kman ɔɔˈ dɩ ɛ.
KPA DHƐ I ˈŊWƆƐN ƝAN
Dhɩ -ˈbhɛɛa -ˈyea nʋn -wɛeˈ -ˈyea ɲɔnsoagbu sɩn ˈdhei de ɛ, ɩanˈ -ˈnɩɩn anˈ dɩ -aa mun ˈtmʋn-.
3. -A de ɲɔnsoadhbho kwa gbɔi ˈbho dhɛ kwai -zaaˈ
Ɲʋn -ʋa- za dhɛ kwai ˈdhe ˈmʋnan ˈmʋn ɛn, Zoova -e Zezi -kman ʋaˈ dɩ. Ɛɛˈ kpɔ dhueˈ -mɛn -nɩn -dooaɲnɔn poa ˈe ˈkpɩ ˈˈdhe ʋn za dhɛ kwai ɛ, Zezi deɛ ˈˈjhriɛ ˈˈkpe ˈmɛn. Zro Luc 21:1-4, -ˈmɛn aʋ ˈtmʋn ideedɩ- nɩn anˈ dɩ:
-
Ɲɔn ˈye ˈghwɛi -duuˈˈ -baanˈ- -nʋʋn kpɔˈˈ kpɔˈˈ -wɛeˈ ɔ ˈye ˈe Zoova ˈˈjhriɛ ˈdhei -nmɔn?
-
Dhɩ aˈ klɛɛ -aa za -pɛɛ dhe -aa nʋʋan -baanˈ- an, ka Zoova -e Zezi ɔ ˈjhɩɩ -ɛ?
-Bho -ˈye dhɩ -aaˈ -baanˈ- an nʋan jhibho- ɛˈ, po ˈo VIDEO. -ˈMɛn aʋ ˈtmʋn ideedɩ- nɩan da ˈzɔn da aˈ dɩ.
-
-Baanˈ- -aa nʋan, ka ɩan nʋn ɲɔnsoagbi aˈ klɛɛ nɩan da ˈbhlʋa ˈˈkpe sʋn bho -po sʋn -ɛn?
4. -A po ɲɔnsoagbu aˈ dhbho sʋn bho
Ɲɔnsoa aˈ ˈcɛ nɩan tɛnˈˈ ɛn, ɛ se -baanˈ- anˈ ˈsʋ ʋa nʋn -nɩn, ʋa ˈˈdhuɛ- ʋaˈ nɔnˈˈ ˈmʋn -ke ʋa yea -da ʋa gbooa ˈˈdhrui ɔɔˈ dɩ ˈˈdu. Zro 2 Chroniques 34:9-11, -ˈmɛn aʋ ˈtmʋn ideedɩ- nɩn anˈ dɩ:
-
-Bho Israɛkɔʋn ˈye Zoova aˈ ˈˈgbu klaaˈˈ aˈ dɩ ˈˈdu ɛˈ, -kawɛ ʋaˈ klɛɛ nʋn -dhe -ɛ?
-Ka Zoova aˈ -Bobhlaʋn an nʋan ʋaˈ ɲɔnsoagbi aˈ dɩ ˈˈdu sʋn ˈzɩan -bho -ˈyeɛ ˈjhe ɛˈ, po ˈo VIDEO. -ˈMɛn aʋ ˈtmʋn ideedɩ- nɩan da ˈzɔn da aˈ dɩ.
-
Dhɛɛdɩ- ɛ -kɔndɩ -aaˈ ɲɔnsoagbu ˈye feɛn- ˈˈdhe ʋn ˈye -kajɔɔnka -nɩn -ɛn?
-
-Kawɛ -ˈbhɛɛ -ˈye ɲɔnsoagbu aˈ dhbho sɩn ˈdhei de -ɛ?
5. ˈDhoudhi ɲmai-, aʋ ˈbɔn dhɩ -duuˈˈ -nʋʋɛn in ˈdhe ɲɔnsoagbu ˈdhi
Biiblʋ a poɛ ˈdhoudhi ɲmai- ˈkpɩ ʋʋ ˈye dhbho -duuˈˈ ɔˈ nʋanˈ in ˈbɔn ˈdhe ɲɔnsoagbu ˈdhi. -Bho -ˈye -ka ʋʋ ˈyea nʋn jhibho- ɛˈ, po ˈo VIDEO. -ˈMɛn aʋ ˈtmʋn ideedɩ- nɩan da ˈzɔn da aˈ dɩ.
-
-Ɛ po Raianɩn sʋn bho -wɛeˈ ɔ ˈbɔn dhɩ -duuˈˈ -nʋʋɛn in ˈdhe ɲɔnsoagbu ˈdhi -ɛ?
Kplɩn ˈdhoudhi ɲmai- -ˈˈwe ˈyea ˈbhle -wɛeˈ ʋʋ ˈyea ɲankɔʋn anˈ ˈsɔɔnpoʋn- -e ɲankɔʋn- ˈkpa a, Biiblʋ a ˈtmʋn ɩanˈ dɩ ˈmɛn. Zro 1 Timothée 3:1-13, -ˈmɛn aʋ ˈtmʋn ideedɩ- nɩn anˈ dɩ:
-
ˈDhoudhi ɲmai- -ʋa- ˈbɔan -ʋʋ ˈyea ɲankɔʋn anˈ ˈsɔɔnpoʋn- -aeˈˈ ɲankɔʋn- ˈkpa a, kplɩn -wɛ ʋʋ ˈye ˈbhle -ɛ?
-
Kplɩn -wɛ ʋaˈ ˈˈgbuzɔncɛ ˈye ˈbhle -ɛ?—-Ŋmʋn ˈdhe ˈˈjhri -mɩɩnˈˈ 4 -e 11 ˈdhi.
-
-Bho ˈdhoudhi ɲmai- a sa ˈe ˈkpɩ po ʋa sa kplɩn -nɩn ˈbhle ɛˈ, ˈjɛɛn -wɛ ɛɛ nʋn ɲɔnsoagbu ˈˈdhru i -ɛ?
-BHO ƝƆN ˈNAAN: “Da Zoova aˈ -Bobhlaʋn an za ˈghwɛi -wɛeˈ ʋa nʋn dhbho -dia kaˈ -a?”
-
Ka -man mun ˈdha -a?
DHƐWƐ- ˈCƖAN-?
-Aaˈ nɔnˈˈ -e ˈkpɩ -aa poa ˈe -e ˈghwɛi -aa toa ˈo -wɛeˈ -aa dea ɲɔnsoagbu sɩn ˈdhei ɛ, ɩan nʋɛn Zoova ˈtʋn ˈjɛɛn-.
Dhɛwɛ- -ˈŋwɔn in -ɛn?
-
-Kawɛ -a ˈbhɛɛ -a ˈye -aaˈ nɔnˈˈ -e ˈkpɩ ˈmʋn ˈˈdhuo- -wɛeˈ -a ˈye ɲɔnsoagbu sɩn ˈdhei de -ɛ?
-
-Kawɛ -a ˈbhɛɛ -a ˈye -aaˈ ˈghwɛi ˈmʋn ˈˈdhuo- -wɛeˈ -a ˈye ɲɔnsoagbu sɩn ˈdhei de -ɛ?
-
Dhɛwɛ- -ˈbhɛɛ -ˈye nʋn -wɛeˈ -ˈye ɲɔnsoagbu sɩn ˈdhei de -ɛ?
ˈBƆN DHƖ -ˈNƖƖN ANˈ I ˈŊWƆAN IN
Dhɛɛdɩ- Ɲɔnsoa aˈ dee -aʋ dimʋn- in ˈzɩan -an?
“La dîme: Que dit la Bible à ce sujet?” (Dɩ ˈghwlʋa ˈo ɛntɛɛnɛtɩ ˈˈkpe ɛ)
Dhbho -ˈnɩɩn -nɩn ˈo Biblʋ ˈnaan ɲʋn de ˈdhoudhi ɲmai -jhiia ˈˈnin ˈzɔn kwa. ˈˈDhe -bho ˈdhoudhi -ɲnʋnkpaoˈ a sa ˈbɔn ʋn ˈye ɩanˈ dhbho tu nʋn ˈdhe?.
“Le principe de l’autorité dans l’assemblée” (La Tour de Garde, février 2021)
-Ka Zoova aˈ -Bobhlaʋn an poa ˈe ˈkpɩ ˈˈdhe ʋa kpa ʋaˈ ˈdhoudhi -ˈˈwe ɲɔnsoasɛɩ ɛ, -man muɛn ˈjhe-.
-Ka -aa nʋan -aaˈ ɲɔnsoadhbho sɩn ˈdhei -de sʋn ɛn, ɛ nɩn pliegbi- sia ˈo se dhɛ dhueˈ -nɩn.
“Comment les Témoins de Jéhovah financent-ils leurs activités?” (Dɩ ˈghwlʋa ˈo ɛntɛɛnɛtɩ ˈˈkpe ɛ)
