Ɲʋn anˈ ˈˈghwluu -ghwluu -a ˈdhaa ʋaˈ ˈˈjɛ kletiɛn. Dhɛ nɩan ˈo bhla, ʋʋ se -ˈˈgwlɩdedhɩ- dhueˈ ˈbhle ˈˈdhe ˈsrɩn ʋa naan ˈe ˈdhi se dhɛ dhueˈ -nɩn. -ˈMɛn -kawɛ ɲʋn ˈbhɛɛ ɲʋn ˈye kletiɛn ˈjɛʋn ˈˈɩ jhibho- -ɛ?

1. Ɲʋnwɛ- ɲɔɔn ˈdhaa kletiɛn -ɛn?

Kletiɛn -ˈˈwe -nɩɛn- Zezi ɔˈ dhɛcɩaʋn- -aeˈˈ ɔɔˈ ˈdhenaʋn-. (Zro Actes 11:26.) Ka ʋa nʋn ɛnˈ -to sʋn -ka ʋʋ nɩan Zezi ɔˈ dhɛcɩaʋn -ɛn? Zezi ˈnaan: “-Bho aʋa sa ˈe ˈman ghwlu ˈdhi naan anˈ, aʋa toɛˈ ˈjɛɛn- -ka aʋ nɩan ˈman dhɛcɩaʋn ɛn.” (Jean 8:31) Dhɛ -ˈmɛn ˈdha a, ɛmɛn- -nɩn ɲʋn nɩan kletiɛn ˈjɛʋn ɛn, ʋa naan ˈdhe dhɩ Zezi -tɔɔan ɲʋn ˈdhi. Dhɩ Zezi -tɔɔan ɲʋn ɛn, ɩn tbha ˈbho Biiblʋ ˈˈkpe, -ˈmɛn ɲʋn nɩan ɔɔˈ dhɛcɩaʋn ɛn, ɛmɛn- ʋʋ ˈye nʋn -ke.​—Zro Luc 24:27.

2. -Ka kletiɛn ˈjɛʋn kman ɲʋn anˈ dɩ ɛ, ka ʋa nʋn ɛnˈ -to sʋn -ɛn?

Zezi -ghwluɛ- ˈe ɔɔˈ dhɛcɩaʋn bho ɔ ˈnaan: “Aʋ -kman bha aˈ dɩ dhueˈ dhueˈ -ka ˈɩn nʋan aʋaˈ dɩ -kman sʋn ɛn.” (Jean 15:12) -Ka Zezi kman ɔɔˈ dhɛcɩaʋn anˈ dɩ ɛ, ka ɔ nʋn ɛnˈ -to sʋn -ɛn? Ɔ -nɩn ʋbʋ nʋɛn nɔnˈˈ -duuˈˈ -da dhueˈ, ɔ pʋbʋ ˈkpɩ, ɔ pʋbʋ sʋn bho. ˈBho -ˈmɛn ˈdhe ɛ, ɔ -toɛ- ˈo ɔɔˈ ˈkmʋn ʋbʋ aˈ dɩ. (1 Jean 3:16) -Ka nɩan dhueˈ -ke ɛ, ɲʋn nɩan kletiɛn ˈjɛʋn ɛn, ʋaˈ ɲʋndɩkman- se ˈdhe ˈŋwɔn ɔnˈ ˈsʋ -nɩn . Ʋa toɛˈ ˈdhe ʋaˈ -ghwlusʋn -e ʋaˈ nʋʋndhɩ ˈdhi -ka ʋʋ kman bha aˈ dɩ ɛ.

3. Dhbho -wɛ kletiɛn ˈjɛʋn an nʋn -ɛn?

Zezi deɛ ɔɔˈ dhɛcɩaʋn dhbho kwa. “Ɔ dhbhʋbʋ ˈmɛn ʋʋ ˈye Ɲɔnsoa aˈ ˈBheɔglɔ ɔˈ bo bhla.” (Luc 9:2) Kletiɛn -ˈˈwe kɔan ɲan, ɛ se ˈdhe ʋaˈ ˈˈdhruigboogbu ˈdhi ɔˈ ˈsʋ ʋa bhlaa bo -nɩn, ʋa bhla bo ˈmɛn -ke kpaeˈ gweai -e ŋmɛinˈˈ ˈdhii. (Zro Actes 5:42; 17:17.) -Ka nɩan dhueˈ -ke ɛ, kletiɛn ˈjɛʋn- nɩan ˈzɩan an, ʋa bhla tɔˈdɩ- nɩan ˈe Biiblʋ ˈdhi aˈ -bo -da ooˈˈ -da ɲʋn nɩan. Ʋʋ -kman ɲʋn anˈ dɩ, ɛɛˈ dɩ ʋa ˈˈdhuo ʋaˈ nɔnˈˈ -e ˈkpɩ ˈmʋn ʋa ˈtmʋn -pɛɛɩtbhadhɛ -e ɲʋndɩgwlɩiduɛ- ɛˈ -bo nɩan ˈe Biiblʋ ˈdhi ɔˈ dɩ ˈdhe ʋbʋ bho.​—Marc 12:31.

 KPA DHƐ I ˈŊWƆƐN ƝAN

4. Ʋa ˈbɔn ʋʋ ˈye tɔˈdɩ nɩan ˈe Biiblʋ ˈdhi jhibho-

5. Ʋa bhla tɔˈdɩ- nɩan ˈe Biiblʋ ˈdhi aˈ -bo

 6. Dhɩ ʋa tɔɔan ɲʋn ɛn, ʋa ˈˈduɩ ˈˈjhriɛ- -ke

-Ɛ po Tɔmʋn sʋn bho -wɛeˈ ɔ deɛ -gwlɩˈˈ -ka ɔ ˈjhea kletiɛn ˈjɛʋn -ɛn? Po ˈo VIDEO, -ˈmɛn aʋ ˈtmʋn ideedɩ- nɩan da ˈzɔn da aˈ dɩ.

• -Ka -a nʋan ɛɛˈ ˈjhe sʋn ˈdhe video nɔn ˈdhi ɛ, dhɛɛdɩ- Tɔmʋn ˈse ˈbɔn ɔ ˈye plie pa -dhe -ɛ?

• Dhɛɛdɩ- ɔ deɛ -gwlɩˈˈ -ˈdheeka -ka ɔ ˈjhea ɲʋn -an naan ˈdhe Zezi ɔˈ ˈgɔ ˈdhi -ɛ?

Ɲɔn -ɔn nʋan dhɛ ˈˈpaaˈ ɔ ye ɲɔn -ɔn nʋɛn ˈdhe ˈŋwɔn ɔnˈ ˈsʋ -zii. Zro Matthieu 7:21, -ˈmɛn aʋ ˈtmʋn ideedɩ- nɩn anˈ dɩ:

• Dhɛwɛ- -kɔn dɩ ˈdhe Zezi ˈˈjhriɛ ˈdhe -ɛ, dhɩ -a dea -gwlɩˈˈ aˈ dɩ aˈ ˈtmʋan anˈ ˈsʋ -aeˈˈ dhɛ -aaˈ nʋʋndhɩ a toa?

7. Ʋʋ -kman bha aˈ dɩ

• -Kawɛ kletiɛn ˈjɛʋn ˈye ɲʋn -nɩn ʋʋ sea ku dhueˈ ˈbhle -aeˈˈ ɲʋn -nɩn ʋʋ sea ˈbhlʋa dhueˈ ˈdhi ˈghwlʋ ˈjhe -ɛ?

• -Bho tʋ a sa ˈkpa aˈ, -kawɛ ʋʋ ˈbhɛɛ ʋʋ ˈyeɛ -to -ka ʋʋ kman bha aˈ dɩ -ɛ?

 DHƐWƐ- ˈCƖAN-?

Kletiɛn ˈjɛʋn an ˈjheɛ Zezi ɔˈ ˈsrɩn ŋwɔn, ʋʋ -kman ɲʋn anˈ dɩ ˈˈdhe ʋa bhla tɔˈdɩ- nɩan ˈe Biiblʋ ˈdhi aˈ -bo ˈdhe ɲʋn bho.

Dhɛwɛ- -ˈŋwɔn in -ɛn?

• Dhɛwɛ- dhɩ kletiɛn ˈjɛʋn dea -gwlɩˈˈ tbha ˈo ˈˈkpe -ɛ?

• Kplɩn -wɛ -ɩan- nʋɛn -wɛeˈ ɲʋn an jhibho kletiɛn ˈjɛʋn ˈˈɩn -ɛn?

• Dhbho -wɛ kletiɛn ˈjɛʋn an nʋn -ɛn?