ˈCƖAANDHƐ- 33
Dhɛwɛ- Ɲɔnsoa aˈ ˈBheɔglɔ ɔ mun -nʋn -ɛn?
Ɲɔnsoa aˈ ˈBheɔglɔ -dee ɲʋn ˈbhleɛ ˈmɛn. ˈDhe nɔnˈˈ dhɛ ˈˈzaan ˈdhi ɛ, ɔɔ muɛn -nʋn dhɩ -duuˈˈ ˈye ˈˈɩ zian- da ˈbhlʋa ˈˈkpe. Dhɩ ˈdhɔɛe ˈBheɔglɔ- -ˈnɔn ɔn muan -nʋn ɛn, -a ˈtmʋn ɩanˈ dɩ.
1. Ka Ɲɔnsoa aˈ ˈBheɔglɔ ɔ mun ˈflɛ -e ˈˈɩ ˈsrɛ- da ˈbhlʋa ˈˈkpe -jha -a?
Zezi nɩan Ɲɔnsoa aˈ ˈBheɔglɔ ɔˈ ˈBheɔ, ɔ muɛn ɲʋnsaɩn -e ɲʋnbhleglibhɩ i -za ˈbho Aamagedɔn tʋ aˈ nɔnˈˈ. (Révélation 16:14, 16) ˈDhe ɛɛˈ nɔnˈˈ tu ˈdhi ɛ, dɩ Biiblʋ -zaa ɲan ʋn ˈtmʋan an muɛn ˈo -ɲnin: “Nɔnˈˈ dhɛ ˈˈzaan gbai -si ˈo, ˈˈdhe ɲʋnsaɩn ˈse i -nɩn in -dheeˈ ka.” (Psaume 37:10) ˈDhe ˈBheɔglɔ ɔˈ ˈsaa ˈmʋn ɛn, Zezi ɔ muɛn -nʋn ˈflɛ -e ˈˈɩ ˈsrɛ- ˈye da ˈbhlʋa aˈ klɛɛ ˈˈkpe -nɩn.—Zro Isaïe 11:4.
2. -Bho Ɲɔnsoa aˈ -glʋˈdɩ a sa nʋʋɛn da ˈbhlʋa ˈˈkpe ɛˈ, ka ˈkmʋn an mun -nɩn -ɛn?
ˈBho Ɲɔnsoa aˈ ˈBheɔglɔ ɔˈ ɲʋnbhleɛ ɛˈ nɔnˈˈ ɔn, “ɲʋn ˈsrɛaˈˈ a muɛn da ˈbhlʋa ˈˈkpe ˈˈti-, ˈˈdhe ʋʋ ˈye ˈbho ɔ ˈˈkpe -nɩn jheejhee.” (Psaume 37:29) Aʋ -naan tɔˈ i keaˈ, ɲʋn nɩan da ˈbhlʋa ˈˈkpe ɛ, ʋaˈ klɛɛ ɛˈ nʋʋndhɩ ˈsrɛˈˈ, ʋʋ -kman Zoova -e ʋaˈ -boɲiɔn ɔnˈ dɩ. ˈˈDhe ˈbho -ˈmɛn ˈdhe ɛ, ɲɔn ˈse ˈghwɛ ˈkpai-, ɲʋn an muɛn ˈkmʋn -nɩn ˈsʋ ɛ ˈse ˈˈtianˈ ˈbhle i.
3. -Bho ɲʋnsaɩn -zaa i ɛˈ, dhɛwɛ- Ɲɔnsoa aˈ ˈBheɔglɔ ɔ mun -nʋn -ɛn?
-Bho ɲʋnsaɩn -zaa i ɛˈ, Zezi ɔ muɛn ɲʋn ˈbhle- ˈdhe zɩn anˈ 1.000 ˈdhi. ˈDhe ɛɛˈ nɔnˈˈ tu ˈdhi ɛ, ɔmɔn -e ɲʋn anˈ 144.000 -nɩn ɔ ˈyea ɲʋn ˈbhle ɛ, ʋa muɛn ɲiɔʋ sʋn bho -po ʋʋ ˈye ˈˈɩ ˈgba. ˈDhe zɩn anˈ 1.000 -ˈnɩn anˈ ˈdhegwɛanˈ an, ˈbhlʋa a muɛn -bɔyaˈˈ -deɩn ˈkpa-, ˈˈdhe ɲʋn -an muan dɔ ˈˈkpe ˈˈti- ɛ, ʋa muɛn ˈmʋnan in -nɩn dhɛbhleɛ ʋa ˈjheɛ Zoova aˈ ˈtee ŋwɔn. ˈBho -ˈmɛn ˈdhe ɛ, Zezi ɔ muɛn ɔɔˈ ˈˈBho Zoova aˈ ˈBheɔglɔ ˈbho -to. ˈˈDhe Zoova aˈ ‘ɲnɩn an muɛn -vlɛnˈˈ i -za’ -ka ɛɛˈ dhɛ tu ˈsea -nʋʋɛn- -kpɔ dhueˈ ɛ. (Matthieu 6:9, 10) Ɛɛ muɛn -to -ka Zoova nɩan ɲʋnjiebhopoi- ˈdhɔɛe -ɔɔ ˈˈdua ɲʋn ɔɔ poa jie bho ʋaˈ dɩ ɛ. ˈBho -ˈmɛn ˈdhe bhla, Zoova a muɛn Satan -e -ziisaɩn -e ɲʋn anˈ klɛɛ -ʋʋ ˈsea ɔɔˈ ɲʋnjiebhopoɛ- ˈŋwɔɔn- i -za. (Révélation 20:7-10) Dhɩ ˈdhɔɛe Ɲɔnsoa aˈ ˈBheɔglɔ ɔ muan -nʋn ɛn, ɩan muɛn in -nɩn jheejhee.
KPA DHƐ I ˈŊWƆƐN ƝAN
Dhɛɛdɩ -a ˈbhɛɛa -a ˈyeɛ -gwlɩˈˈ de -ka Ɲɔnsoa a muan ɔɔˈ ˈBheɔglɔ i -jhii ˈˈdhe dhɩ Biiblʋ -zaa ɲan ʋn ˈtmʋan ˈyea ˈo ɲnin ɛn, ɛmɛn- -aa mun ˈjhe-.
4. Ɲɔnsoa aˈ ˈBheɔglɔ ɔ muɛn -glɔɲiɔn ɔnˈ ɲʋnbhleɛ i -za
“-Glɔɲiɔn ɔn ˈbhle ɔɔˈ -boɲiɔn ˈmɛn ɔɔˈ ˈkle ˈˈduɛ- ɛɛˈ dɩ.” (Ecclésiaste 8:9) Zoova a muɛn ɛɛˈ dhɛ tu i -za ˈdhe ɔɔˈ ˈBheɔglɔ ɔˈ ˈsaa ˈmʋn.
Zro Daniel 2:44 -e 2 Thessaloniciens 1:6-8, -ˈmɛn aʋ ˈtmʋn ideedɩ- nɩn anˈ dɩ:
-
Ɲʋnbhleʋn- nɩan ˈzɩan -e ɲʋn -an dubʋ sɩn ˈdhe i ɛ, dhɛwɛ- Zoova -e ɔɔˈ ˈˈjhu Zezi ɔ mubʋ ˈˈdhrui -nʋn -ɛn?
-
Dhɩ ˈcɩan ˈdhe Zoova -e Zezi ɔˈ dɩ ˈdhi ɛ, ka ɩn nʋn ʋn sʋn bho -po sʋn ˈˈdhe deɛ -gwlɩˈˈ -ka dhɩ ʋa muan -nʋn ˈsrɛaˈˈ -a?
5. Zezi -nɩn ɛnˈ -ka -ɔ ˈye ˈBheɔ -nɩn
-Bho Zezi -nɩn Ɲɔnsoa aˈ ˈBheɔglɔ ɔˈ ˈBheɔ ɔˈ, ɲʋn ɔɔ muan ˈbhle- ɛ, ɔɔ mubʋ dhɩ ˈdhɔɛe ˈˈdhrui -nʋn. Po ˈo VIDEO -wɛeˈ -ka Zezi nʋɛn ɛnˈ -to sʋn ka ɔɔ ˈbɔan ɔ ˈyea ɲʋn sʋn bho po ˈˈdhe Zoova ˈˈɲɩɔn ɛɛˈ ˈˈɩkmansʋn ɛn, -ˈyeɛ ˈjhe.
Dhɩ Ɲɔnsoa aˈ ˈBheɔglɔ ɔ muan -nʋn ɩanˈ -ˈnɩɩn -mɩn Zezi nʋn -da ɔ nɩan da ˈbhlʋa ˈˈkpe -dhe ɛ. -Bɔyaˈˈ -dɩ -ɩanˈ dɩ ˈtmʋan da ˈˈtɛʋn- nɩan da ˈzɔn ˈdhi ɛ, -jɩnwɛ- -man ˈbɔn -ɩn ˈye ˈˈdoo- -ɩn ˈye ˈo ɲnin -ɛn? -Bho -ˈye dhɩ -duuˈˈ i ˈŋwɔn ˈdhe ɩanˈ dɩ ˈdhi ɛˈ, -ˈmɛn zro Biiblʋ aˈ ˈˈjhri nɩan ˈo -bɔyaˈˈ -dɩ -ˈnɩn ˈˈjhibhaˈ.
|
ZEZI NƖAN DA ˈBHLƲA ˈˈKPE -DHE Ɛ, Ɔ... |
ˈDHE JHAƲN ˈDHI ZEZI ˈYE -NƖN -WƐEˈ Ɔ ˈYE... |
|---|---|
|
|
|
|
|
|
|
|
6. ˈKmʋn an muɛn ˈdhɔɛe ˈmʋn -nɩn ˈdhe ɲan ˈdhe Ɲɔnsoa aˈ ˈBheɔglɔ ɔˈ ˈsaa ˈmʋn
-Ka Zoova a ˈbɔan -glɔɲiɔn ɔnˈ ˈkmʋn ˈyea -nɩn -dhe ɛ, ˈBheɔglɔ ɔ muɛn -nʋn ɛ ˈye ˈo ɲnin. Ʋa muɛn ˈkmʋn -nɩn jheejhee da ˈbhlʋa- -ɔɔ muan -bɔyaˈˈ -deɩn ˈkpa- ˈˈkpe. Po ˈo VIDEO -wɛeˈ -ka Zoova ˈyea ɔɔˈ ˈˈjhu Zezi i -jhii ˈˈdhe ɔ ˈyea ɔɔˈ -glʋˈdɩ ˈbho -ɲnian an, -ˈyeɛ jhibho-.
Zro Psaume 145:16, -ˈmɛn aʋ ˈtmʋn ideedɩ- nɩn anˈ dɩ:
-
Dhɛ Zoova a muɛn -nʋn “ɲɔn ooˈˈ ɲɔn ɔnˈ -pɛɛ ˈyea bhlu” ɛ, dhɛwɛ- ɛɛ po ˈbhoo- -gwlɩˈˈ -ɛ?
ƝƲN -ˈNƲƲN ˈNAAN: “-Bho -a po sʋn -da dhueˈ ɛˈ, -aa muɛn ˈkledɩ aˈ klɛɛ i -za da ˈbhlʋa ˈˈkpe.”
-
ˈKledɩ- -wɛ Ɲɔnsoa aˈ ˈBheɔglɔ ɔ mun in -za -glɔɲiɔn ɔnˈ ɲʋnbhleɛ se ˈbhɛɛ- ɛ ˈye i -za?
DHƐWƐ- ˈCƖAN-?
Ɲɔnsoa aˈ ˈBheɔglɔ ɔ muɛn Ɲɔnsoa aˈ -glʋˈdɩ ˈbho -ɲnian-. Ɔɔ muɛn -nʋn ˈbhlʋa aˈ klɛɛ ˈye -bɔyaˈˈ -deɩn ˈkpa -wɛeˈ ɲʋn nmɔan ˈdhe Zoova ˈˈjhriɛ ˈdhei ˈye ˈbho ɔ ˈˈkpe ˈˈti ˈˈdhe ʋʋ ˈyeɔ ˈˈɲɩn jheejhee.
Dhɛwɛ- -ˈŋwɔn in -ɛn?
-
Ka Ɲɔnsoa aˈ ˈBheɔglɔ ɔ mun Zoova aˈ ˈɲnɩn vlɛnˈˈ i -za sʋn -nʋn -ɛn?
-
-Ka Ɲɔnsoa aˈ ˈBheɔglɔ ɔ muan ˈdhɩ -ɩanˈ ˈghwlu Ɲɔnsoa cɛan ˈbho -ɲnian, dhɛɛdɩ- -a ˈbhɛɛ -a ˈyeɛ -gwlɩˈˈ de -ɛ?
-
ˈDhe dhɩ aˈ klɛɛ Ɲɔnsoa aˈ ˈBheɔglɔ ɔ muan -nʋn ˈˈklu ɛ, -jɩnwɛ -ɩan- nʋn ʋn ˈˈtʋn -ɛn?
ˈBƆN DHƖ -ˈNƖƖN ANˈ I ˈŊWƆAN IN
Dhɛ Aamagedɔn tʋ ˈdha, ɛmɛn- -man mun ˈcɩan-.
“Qu’est-ce que la bataille d’Armaguédon?” (Dɩ ˈghwlʋa ˈo ɛntɛɛnɛtɩ ˈˈkpe ɛ)
Dhɩ -a muan -nʋʋɛn- -da Zezi ɔ muan ˈBheɔ -nɩn ˈdhe zɩn anˈ 1.000 ˈdhi -e dhɩ ˈyea -nʋʋɛn- ˈbho ɛ ˈdhe -e.
“Que se passerat-il lors du Jour du Jugement?” (La Tour de Garde, 1er septembre 2012)
-Ka ʋaˈ ˈkmʋn an muan -nɩn ˈdhe -bɔyaˈˈ -deɩn ˈdhi ɛ, ɛmɛn- ˈˈgbuzɔncɛ- dhueˈ -a naan tɔˈ i.
-Naan dhɩ -ˈyea nʋn ˈdhe ˈkmʋn -dhee ˈdhi aˈ dɩ tɔˈ i (1:50)
ˈDhe -bo ɲʋn an ˈdhaa “J’étais tourmenté par de nombreuses questions,” ˈdhi ɛ, -ka poitikɩnʋin dhueˈ nʋan ɔɔˈ ideedɩ aˈ ˈdhezaaˈ ˈjhe sʋn ɛn, ɩmɩn anˈ dɩ ɛɛˈ ˈtmʋn.
“La Bible transforme des vies” (La Tour de Garde, 1er janvier 2012)
