-Bho -ˈye ˈcɩaandhɩ nɩn i ˈŋwɔn…
-Ŋmʋn ka ɩn nʋan kpɔˈˈ -pooɛ- sʋn jha, -ˈmɛn po ˈo VIDEO nɔn.
ƐƐˈ ˈFƆ KƆAN ƝAN
-Bho -ˈye ˈcɩaandhɛ ɛˈ kpɔˈˈ po ɛˈ, zro ɛˈ kpɔ kɔan ɲan ˈdhii. (1) Ideedɩ -e (2) Biiblʋ aˈ ˈˈjhri ˈghwlʋa ˈˈjhri a deɛ dhɩ kɔandɩ -jeɛ ˈˈkpe. Biiblʋ aˈ ˈˈjhri -ˈnɩɩn -nɩn ˈo ɲʋn ˈcre “zro” ˈbho ˈˈjhibhaˈ.
ƐƐˈ ˈFƆ NƖAN ˈO GWEA
(3) -Da ɲʋn ˈcrea Kpa dhɛ i ˈŋwɔɛn ɲan, dhɩ -ˈyea ˈcɩan an, ɩmɩn- anˈ dɩ ˈtmʋɛn- ˈdhemɔn. (4) ˈCɩaandhɩ aˈ ˈˈdhri -mɩɩnˈˈ an deɛ dhɛ kɔandɩ ɛˈ kpɔ dhueˈ -jeɛ ˈˈkpe. -Mɔn -e ɲɔn -ɔɔ tɔan ʋn dhɛ zro Biiblʋ aˈ ˈˈjhri ˈdhii, aʋ -za ˈe ideedɩ ˈˈdhe aʋ ˈjhe videe i.
VIDEE ɲʋn ˈyea i ˈjhe ɛ, ɩan poɛ ɲʋn sʋn bho ɲʋn ˈye dhɩ kɔandɩ ˈdhe ˈcɩaandhɛ ˈdhi i ˈŋwɔn -kenɛnˈ. Videe -ˈnɩɩn an bhla ɲʋn anˈ ˈkmʋn anˈ -bo. Dhɩ -ɩn ˈbhɛɛa -ɩn ˈyea ɲʋn i -jhii ˈdhe ʋaˈ ˈkmʋn ˈdhi ɛ, ɩmɩn- anˈ dɩ videe -ˈnɩɩn an ˈtmʋn -ke.
(5) Aʋ ˈtmʋn fete aˈ dɩ -ke. (6) ˈˈDhe -ka -ˈyea ideedɩ- nɩan ˈbho ɛɛˈ ˈfɔ nɩan Ɲʋn -ˈnʋʋn ˈnaan ˈdhe -za sʋn nʋn ɛn, -nɛɛn tɔˈ ˈˈkpei.
ƐƐˈ ˈFƆ ˈBHƆƆA DHE
(7) ˈBho Dhɛwɛ- ˈcɩan-? -e Dhɛwɛ- -ˈŋwɔn in ɛn? ˈˈkpe ɲɔn ɔn ˈtmʋn dhɛ ɲʋn ˈyea -glɔˈ kpa ˈdhe ˈcɩaandhɛ ˈdhi ɛɛˈ dɩ. ˈCre nɔnˈˈ gwɛa ˈcɩaandhɛ- ɛɛˈ ˈcɩaan. (8) Ɛɛˈ ˈfɔ nɩan Dhɛ -ˈbhɛɛa -ˈyea nʋn ɛn po ʋn sʋn bho -ˈye dhɩ -man ˈcɩan ˈˈjhriɛ ˈˈdu. (9) Ɛɛˈ ˈfɔ ɲʋn an ˈdhaa ˈBɔn dhɩ -ˈnɩɩn anˈ i ˈŋwɔan in ɛn tɔɔɛn mʋn dhɩ -dhee -ˈnɩɩn -ˈye ˈdhii zro -aeˈˈ -ˈye i ˈjhe.
Dhɩ nɩan ˈe ɛ ˈdhi ɛ
|
|
|
|
-Ka -ˈyea nʋn -wɛeˈ -ˈyea Biiblʋ aˈ ˈˈjhri ɲʋn toa ˈo ˈjhe ɛ
ˈSɛɩ aˈ 66 -nɩn ˈe Biiblʋ ˈdhi. Biiblʋ ˈbhleɛ ˈfɛ klaeˈˈ ˈsɔɔn: Ʋanˈ ˈfɔ kɔan ɲan ˈcreɛˈ ˈdhe Eble -e Alameɛn ghwlu ˈdhi (“Ancien Testament”) ˈˈdhe ʋanˈ ˈfɔ ɔˈ ˈsɔɔn -nɔn ˈcreɛˈ ˈdhe Glɛkɩ ghwlu ˈdhi (“Nouveau Testament”).
-Bho -ˈjhe Biiblʋ aˈ ˈˈjhri ˈnɔn ˈsɛɛ nɛn ˈdhi ɛˈ, -jɛn kɔan ɲan -ˈmɛn nɩn (1) Biiblʋ aˈ ˈsɛɛ ɛˈ ˈɲnɩn, (2) ɛɛˈ ˈˈjhri klaeˈˈ, (3) ɛɛˈ ˈˈjhrii mɩɩnˈˈ.
Ɛɛˈ kpɔ dhueˈ ka, Jean 17:3, ɛ nɩn Zan anˈ ˈsɛɛ ɛˈ ˈˈjhri klaeˈˈ 17, ˈˈjhri -mɩɩnˈˈ 3.