ˈCƖAANDHƐ- 06
-Kawɛ ˈkmʋn nʋn -dee sʋn -ɛn?
“Ɲɔnsoa nʋn dhɩ aˈ klɛɛ nɩan ˈkmʋn.” (Psaume 36:9) Deɛ -gwlɩˈˈ ˈmɛn? Ɲʋn -ˈnʋʋn ˈnaan ɲɔn ˈse dhɩ nɩan ˈnɔn ˈkmʋn nʋn. -Bho ɛ -nɩn tɔˈdɩ ɛˈ, -ˈmɛn dhɩ nɩan ˈnɔn ˈkmʋn ˈdan ˈo ˈˈjha i. ˈˈDhe -bho ɛ -nɩn Zoova nʋn dhɩ nɩan ˈnɔn ˈkmʋn ɛnˈ, -ˈmɛn dɩ nɩn ˈo -wɛeˈ ɔ nʋɩn a. Dhɛ Biiblʋ a ˈtmʋan ˈbho ˈkmʋn anˈ -deenanˈ anˈ dɩ ˈˈbhli -e dhɛɛdɩ- ɛ ˈsrɛaˈˈ -a ˈyea dhɛ ʋan ˈtmʋan -gwlɩˈˈ de ɛ, ɛmɛn- -aa mun ˈcɩan-.
1. -Kawɛ ˈbhlʋa -e dhɩ nɩan ˈdhe jhaʋn ˈdhi nʋn ˈnɔn ˈkmʋn -jhi sʋn -ɛn?
Biiblʋ ˈnaan: “ˈBho -deenanˈ Ɲɔnsoa nʋɛn ˈbhlʋa -e jhaʋn-.” (Genèse 1:1) ˈSɛɛjhibhoʋn- anˈ -da -duuˈˈ ˈnaan ˈbhlʋa -e jhaʋn ˈbhleɛ -deenanˈ. -Kawɛ Ɲɔnsoa nʋn ɩanˈ nʋn sʋn -ɛn? Ɔ -jhiiɛ- ɔɔˈ “ˈˈɩkmansʋn” in, ɔɔˈ -zuu gwɛai, ɔ ye dhɩ aˈ klɛɛ nʋn, -ɩn nɩan: ˈBhlʋa -e ˈcɩanzɩɩn -e dhɩ aˈ klɛɛ nɩan ˈdhe jhaʋn dhi.—Genèse 1:2.
2. Dhɛɛdɩ- Ɲɔnsoa nʋn ˈbhlʋa -a?
Zoova “ˈse ˈbhlʋa nʋn ˈˈjhai, ɔ nʋɔn -wɛeˈ ɲʋn ˈye ˈo ɔ ˈˈkpe ˈˈti.” (Isaïe 45:18) Ɔ nʋn ˈbhlʋa ˈmɛn -wɛeˈ ɔ ˈye -deɩn- ˈdhɔɛe -nɩn ˈˈdhe ɲʋn ˈye ˈo ɔ ˈˈkpe ˈˈti nɔnˈˈ ooˈˈ nɔnˈˈ. (Zro Isaïe 40:28; 42:5.) ˈSɛɛjhibhoʋn- ˈnaan ˈbhlʋa -nɩɛn- ɔɔˈ -nɛn -ka. Da ˈbhlʋa aˈ ˈsʋ ˈˈkpe -glɔɲiɔn ˈbhɛɛ ɔ ˈye ˈkmʋn -nɩn.
3. Dhɛɛdɩ- ɲiɔn -nɩn nmiian se gʋɔ-?
Zoova gwɛa ˈbhlʋa aˈ nʋan an, ˈbhomɔn- ɔ nʋn dhɩ nɩan dɔɔ ˈˈkpe. Ɔ ˈyea -dee ɛ, ɔ nʋɛn -peiˈˈ -e nmiian. ˈBho -ˈmɛn ˈdhe ɛ, “Ɲɔnsoa nʋɛn -glɔɲiɔn- ˈdhe ɔɔˈ ˈgɔɛ ˈmʋn.” (Zro Genèse 1:27.) Dhɛɛdɩ- ɲiɔn -nɩn dhɩ sia ˈo se gʋɔ-? -A -nʋʋɛnˈ ˈdhe Ɲɔnsoa aˈ gɔɛ- ˈmʋn ɛɛˈ dɩ -a ˈbhɛɛ -a ˈye ɔɔˈ kplɩn nɩan ɲʋndɩkman- -e ˈˈɩ ˈsrɛ- -sraan. Ɔ nʋn -aʋ mɛn -ke -wɛeˈ -a ˈye ghwlu aˈ kpɛ -duuˈˈ aˈ po ˈa ˈbhɛɛ-, -a ˈye dhɩ aˈ ˈˈjhriinmɔɛn- ˈjhe ˈˈdhe -a ˈye ˈdhɩ trɔnˈ ˈdhi ˈjhee-. -A ˈbhɛɛˈ -ke -a ˈye Ɲɔnsoa ˈˈjhibhaˈ -gbɛɛ. Dhɛ nmiian sea ˈbhɛɛ- ɩn ˈyea nʋn ɛn.
KPA DHƐ I ˈŊWƆƐN ƝAN
-Ka Ɲɔnsoa nʋan dhɩ aˈ klɛɛ nɩan ˈkmʋn ˈˈdhe -ka dhɩ Biiblʋ a ˈtmʋan ˈdhe ɛɛˈ dɩ ˈdhi nɩan -gwlɩˈˈ -de ka, deɛ ˈˈjhriɛ ˈˈkpe. Dhɛ -glɔɲiɔn ɔnˈ kplɩn an tɔɔan -abʋ ˈdhe Ɲɔnsoa aˈ dɩ ˈdhi ɛ, ˈbɔn ɛnˈ i ˈŋwɔan in.
4. Ɲɔn nʋn dhɩ aˈ klɛɛ nɩan ˈnɔn ˈkmʋn
-Bho -glɔɲiɔn -ŋmʋn dhɩ jhiɔ ˈdhei jha ˈˈdhe ɔ nʋn dhɩ ɛˈ, ɲʋn an poɔ dɩ bho. -ˈMɛn ɲɔnwɛ- ɲʋn ˈye dɩ bho po dhɩ jhia -aʋ ˈdhei aˈ dɩ -ɛ? Po ˈo VIDEO, -ˈmɛn aʋ ˈtmʋn ideedɩ- nɩan da ˈzɔn da aˈ dɩ.
-
ˈDhe dhɩ jhia -aʋ ˈdhei ˈˈklu ɛ, -jɩnwɛ -glɔɲiɔn tbha ˈo ˈˈkpe ˈˈdhe ɔ nʋn ɔnˈ -nɩn -ɛn?
-Ka ˈˈgbu ˈjhe ʋn -nɩn ɛnˈ, ɲiɔn- pʋ. Ɛ nɩan -kaˈ ˈdhee, -ɔ nʋn dhɩ aˈ klɛɛ jhia -aʋ ˈdhei -ɛ? Zro Hébreux 3:4, -ˈmɛn aʋ ˈtmʋn ideedɩ- nɩn anˈ dɩ:
-
ˈDhe dhɩ Ɲɔnsoa nʋan ˈˈklu ɛ, -jɩnwɛ -ɩan- nʋn ʋn ˈtʋn -ɛn?
-
Dhɛ ɲʋn ˈnaan ˈbhlʋa -e jhaʋn -e dhɩ aˈ klɛɛ nɩan ˈkmʋn ˈbhleɛ nʋin- ɛn, ɛ -nɩn -gwlɩˈˈ -de ka ˈmɛn? Dhɛɛdɩ- -ɛ?
Jhibhodɩ-
-ˈBhɛɛˈ -ˈye ˈsɛɩ -e videe ˈjhe ˈdhe ˈcɩaandhɛ- nɛn ɛnˈ dɩ ˈdhi ˈbho -aaˈ ɛntɛɛnɛtɩ ɛˈ -deɩn jw.org ˈˈkpe -da ɲʋn ˈcrea “Évolution ou conception?” -e “Points de vue sur l’origine de la vie.”.
“Ɛɛn, ˈˈgbu ooˈˈ ˈˈgbu ˈbhleɛ poi-, ˈklaa ɲɔn nʋan dhɩ aˈ klɛɛ, ɛ Ɲɔnsoa.”
5. Dɩ Biiblʋ a ˈtmʋan ˈdhe ˈkmʋn anˈ -deenanˈ anˈ dɩ ˈdhi -nɩɛn- -gwlɩˈˈ -de -ka
ˈDhe Genèse 1 ˈdhi ɛ, -ka ˈbhlʋa -e dhɩ nɩan dɔɔ ˈˈkpe nʋan ˈkmʋn -jhi sʋn ɛn, Biiblʋ a ˈtmʋn ɛnˈ dɩ ˈmɛn. Dɩ ʋan ˈtmʋan -nɩn -gwlɩˈˈ -de ka ˈmɛn? Po ˈo VIDEO, -ˈmɛn aʋ ˈtmʋn ideedɩ- nɩan da ˈzɔn da aˈ dɩ.
-
Biiblʋ ˈnaan ɛ nɩn ˈdhe ˈghwɩ -mɛoˈˈ gbai ˈdhi Ɲɔnsoa nʋn ˈbhlʋa -e dhɩ aˈ klɛɛ nɩan dɔɔ ˈˈkpe?
-
ˈBhoo- -gwlɩˈˈ ˈdhee, dɩ Biiblʋ a ˈtmʋan ˈdhe ˈkmʋn anˈ -deenanˈ anˈ dɩ ˈdhi ɛ, ɩn -nɩɛn- -gwlɩˈˈ -de -ka ˈˈdhe ɩn ˈˈsrɛ? Dhɛɛdɩ- -ɛ?
Zro Genèse 1:1, -ˈmɛn aʋ ˈtmʋn ideedɩ- nɩn anˈ dɩ:
-
ˈSɛɛjhibhoʋn ˈnaan ˈbhlʋa -e jhaʋn ˈbhleɛ -deenanˈ. Dhɛ ʋbʋ ˈtmʋan -e dhɛ Biiblʋ a ˈtmʋan ka -man ˈjheɛ -ɛ?
“ˈBho ɲʋn -ˈnʋʋn -gwlɩˈˈ ɛ, Ɲɔnsoa -dee dhɩ -ˈnɩɩn anˈ nʋanˈ ˈmɛn ˈˈdhe ɔ ˈˈtai dhi ɩn ye ˈbhoa ˈˈdhe ɩn ye dhɩ -dhee -ˈnɩɩn ˈkpa. Zro Genèse 1:21, 25, 27, -ˈmɛn aʋ ˈtmʋn ideedɩ- nɩn anˈ dɩ:
-
Biiblʋ ˈnaan Ɲɔnsoa nʋɛn -fɔɔndhɛ- -ɛ ˈbhoaˈ -ɛ ˈkpa zmiiɛn, -ɛ ˈkpa nmiin ˈˈdhe -ɛ ˈbhɔɔ- -glɔɲiɔn ˈmʋn? -Aeˈˈ -ka ɩn -deea “kpɛ” ˈkamɔn- ɔ nʋɩn? b
6. ˈDhe dhɩ Ɲɔnsoa nʋan ˈˈklu ɛ, -glɔɲiɔn -nɩɛn- ɔɔˈ -nɛn -ka
-A -nɩn nmiian Zoova nʋan se dhɛ dhueˈ -nɩn. Zro Genèse 1:26, -ˈmɛn aʋ ˈtmʋn ideedɩ- nɩn anˈ dɩ:
-
Dhɛ -a -nʋʋan ˈdhe Ɲɔnsoa aˈ gɔɛ ˈmʋn -wɛeˈ -a kman ɲʋn anˈ dɩ ˈˈdhe -aa ˈjhʋbʋ aˈ -ghwɛe ɛˈ, dhɛwɛ- ɛɛ to ˈdhe Ɲɔnsoa aˈ dɩ ˈdhi -ɛ?
ƝƲN -ˈNƲƲN ˈNAAN: “Dɩ Biiblʋ a ˈtmʋan ˈdhe dhɩ jhia -aʋ ˈdhei aˈ dɩ ˈdhi se tɔˈdɩ -nɩn.”
-
Ka -man ˈjheɛ -ɛ? Dhɛɛdɩ- -ɛ?
DHƐWƐ- ˈCƖAN-?
Zoova nʋn jhaʋn -e dhɩ aˈ klɛɛ nɩan ˈkmʋn.
Dhɛwɛ- -ˈŋwɔn in -ɛn?
-
-Ka ˈbhlʋa -e jhaʋn nʋan -dee sʋn ɛn, dhɛwɛ- Biiblʋ a tɔɔn -abʋ ˈdhe ɛˈ dɩ ˈdhi -ɛ?
-
Ɲɔnsoa -dee dhɩ aˈ nʋanˈ ˈmɛn ˈˈdhe ɔ ˈˈtai dhi ɩn ˈye ˈbhoa ɩn ye dhɩ -dhee -ˈnɩɩn ˈkpa -aeˈˈ ɔmɔn- nʋn ɩanˈ klɛɛ?
-
Dhɛɛdɩ- -glɔɲiɔn -nɩn ɔɔˈ -nɛn ka -a?
ˈBƆN DHƖ -ˈNƖƖN ANˈ I ˈŊWƆAN IN
-Ŋmʋn dhɩ jhia -aʋ ˈdhei -ɩan- toɛ -ka ɛ nɩan Ɲɔnsoa nʋan dhɩ aˈ klɛɛ.
-Ŋmʋn -ka ˈˈbho ɔ nʋan dhɩ jhia -aʋ ˈdhei aˈ bo ɔɔˈ ˈˈjhu -tɔɔn sʋn ɛn.
Zro dɩ nɩn ˈdhii -wɛeˈ -bho dɩ ˈsɛɛjhibhoʋn -e dɩ Biiblʋ a ˈtmʋan an sa -jie- dhueˈ kpa -ˈyeɛ i ˈŋwɔn.
Dhɩ nɩan ˈkmʋn ɛn, -bho ɛ nɩn Ɲɔnsoa nʋn ɩanˈ klɛɛ -aeˈˈ ɩn ˈdan ˈo ˈˈjhai ɛˈ, ˈbɔn ɛɛˈ i ˈŋwɔan in.
Cinq questions à se poser sur l’origine de la vie (ˈmʋnfeesɛɛ-)
a -Ka Ɲɔnsoa a ˈbɔan -glɔɲiɔn ɔnˈ ˈkmʋn ˈyea -nɩn ɛn, ɛmɛn- -aa mun ˈjhe- ˈdhe ˈcɩaandhɛ ɛˈ 25 nɛn ˈdhi.
b ˈDhe Biiblʋ ˈdhi -bho ɲʋn ˈnaan dhɩ aˈ “kpɛ” ɛˈ, ɛ nɩn dhɩ -ɩn gɔa.
