Biiblʋ ˈcɩan- an, ɛ nɩn dhɛ -ɛɛ nʋn ɲʋn dhɛ ˈjɛɛn ˈˈdhru i. -Zɔn -dhee -ˈnɔɔn ɔn, -ˈjhe nɔnˈˈ -wɛeˈ ˈcɩan Biiblʋ ˈbhɛɛˈ ɛ ˈye ˈkle -nɩn. Ɛɛˈ dɩ -ˈbhɛɛ -ˈye -manˈ ˈˈjɛ i dee- -ˈye ka nʋn ‘ˈɩn ˈbhɛɛˈ ˈye Biiblʋ ˈcɩan- ɲan kpa?’ Dhɛɛdɩ- ɛ -kɔn dɩ -ˈye ˈe ˈkpɩ po -wɛeˈ -ˈye Biiblʋ ˈcɩaan ɲan kpa -a? -Ka ˈkledɩ ˈjhe ɩn -nɩn ɛnˈ, dhɛwɛ- ˈbhɛɛ -ɛ ˈye ʋn sʋn bho po ˈˈdhe -ˈye -manˈ Biiblʋ ˈcɩan- ɲan kpa -a?

1. Dhɛɛdɩ- Biiblʋ ˈcɩaan -kɔn dɩ -ɛ?

“Ɲɔnsoa aˈ Ghwlu -nɩɛn- ˈkmʋn ˈˈdhe ʋn ˈbhleɛ ˈˈɩkman-.” (Hébreux 4:12) Dhɛɛdɩ- Biiblʋ kɔan dɩ ˈdhe -aaˈ ˈkmʋn ˈdhi ɛ, ɛmɛn- -nɩn ʋmʋn- Ɲɔnsoa a jhii dhi -wɛeˈ dhɩ nɩan ˈo ɔ -gwlɩˈˈ -e -ka ɔɔ nʋan dhɩ ˈjhe sʋn ɛn, ɔɔ tɔɔɩn mʋn. Biiblʋ a tɔɔn ʋn dhɛ -man yea dhɩ -duuˈˈ jhibho ˈklaa ɛ se ɛɛˈ ˈsʋn -nɩn, ʋan poɛ ʋn sʋn bho -ke -man ˈyea ˈtɔdhinɩɛn- -e -pɛɛɩtbhadhɛ ˈjɛɛn ˈbhle. -Jɛn kɔan dɩ ˈdhe ɩanˈ klɛɛ ˈˈklu ɛ, ɛmɛn- -nɩn Biiblʋ a poɛ ʋn sʋn bho -man ˈyea Zoova aˈ -jhbhɛɛi kpa. -Bho -man sa Biiblʋ ˈcɩan anˈ, -manˈ ˈkmʋn an ˈkpa taˈˈ.

2. Dhɛɛdɩ- ɛ -kɔn dɩ -ˈyeɛ ˈˈɩ jhibho- -ka dhɛ Biiblʋ a tɔɔan ɲʋn ˈdha dhɛ -ɛ?

Tɔˈdɩ- nɩan ˈe Biiblʋ ˈdhi -nɩɛn- ˈˈghwliiɛ-. Ɛɛˈ dɩ Biiblʋ a po -aʋ ˈkpɩ -a ˈye “tɔˈdɩ dɩn ˈˈdhe -a ˈsɩ -ple i.” (Proverbes 23:23) -Bho -a jhibhi -ka tɔˈdɩ- nɩan ˈe Biiblʋ ˈdhi ˈdha dhɛ ɛˈ, -aa muɛn Biiblʋ ˈcɩan- ɲan -kpa -ka ˈkledɩ ˈjhe ɩn -nɩn mɔn -dhe ɛˈ.​—Zro Proverbes 2:4, 5.

3. -Kawɛ Zoova ˈbhɛɛ ɔ ˈye ʋn sʋn bho po -wɛeˈ -ˈye -manˈ Biiblʋ ˈcɩan- ɲan kpa -a?

Zoova nɩan dhɩ aˈ klɛɛ ɛˈ Nʋin, -ɔ ˈbhlea ˈˈƖkman anˈ klɛɛ ˈˈdhe -ɔ nɩan -manˈ -jhbhɛɛi ɛ, ɔɔ ˈbɔn ɔ ˈye ʋn sʋn bho po -ˈyeɔ jhibho-. Ɔ ˈbhɛɛˈ ɔ ˈyeɛ nʋn -ˈye “dhɛ ɛˈ nʋanˈ anˈ ˈtʋn ˈbhle ˈˈdhe -ˈye ɛɛˈ nʋanˈ ˈbhɛɛ-.” (Zro Philippiens 2:13.) ˈBho -ˈmɛn ˈdhe ɛ, -bho -man sa ˈbɔn -ˈye dhɛ ˈcɩan -aeˈˈ dhɛ -man ˈcɩan -ˈyeɛ ˈˈjhriɛ ˈˈdu ˈdhe -manˈ ˈkmʋn ˈdhi ɛˈ, ɔ ˈbhɛɛˈ ɔ ˈye ʋn sʋn bho po. Ɔ ˈbhɛɛˈ -ke ɔ ˈye ʋn ˈkpɩ ˈˈɲɩn -wɛeˈ ˈkledɩ- -man ˈjhea ˈˈjhibhaˈ a, -ˈyɩ ˈˈdhru ˈjha. -Ka -man ˈbɔan -ˈyea -manˈ Biiblʋ ˈcɩan- ɲan kpa, ˈtmʋn ɛnˈ dɩ Zoova ˈdhe bhaeghwlu ˈdhi.​—1 Thessaloniciens 5:17.

 KPA DHƐ I ˈŊWƆƐN ƝAN

4. Toɛ -ka Biiblʋ ˈcɩan- kɔan dɩ ˈdhe -manˈ ˈkmʋn ˈdhi ɛ

-Zɔn -ˈnɔɔn dhɩ -a ˈbhlea -a ˈyea nʋn ɩn -diɛˈˈ, ɛɛ nʋɛnˈ ˈbho -a -gwlɩˈˈ ɛ, -a se nɔnˈˈ mɔn ˈbhle ˈˈdhe -a ˈye Biiblʋ ˈcɩan. Dhɛwɛ- ˈbhɛɛ -ɛ ˈye -aʋ sʋn bho po -ɛ? Zro Philippiens 1:10, -ˈmɛn aʋ ˈtmʋn ideedɩ- nɩan da aˈ dɩ:

• ˈBhoo- -gwlɩˈˈ ˈdhee, “dhɩ kɔan dɩ” ˈdhe -aaˈ ˈkmʋn ˈdhi ɛ, -jɩnwɛ- -ˈbhɛɛ -ˈye ˈɲnɩn ˈˈsi -ɛ?

• Ka -ˈbhɛɛ -ˈyeɛ -to -ka Biiblʋ ˈcɩan kɔan dɩ ˈdhe -manˈ ˈkmʋn ˈdhi -ɛ?

1. 1. -Bho po -beɛnˈˈ ˈdhe -zouˈˈ ˈdhi tɛnˈˈ ˈˈdhe -ˈye ˈe seiˈˈ ˈˈkple po ɛˈ, seiˈˈ -ˈnɩn anˈ klɛɛ ˈse ˈe -pa i

2. 2. -Bho po ˈe seiˈˈ tɛnˈˈ ɛnˈ, -deɩn an muɛn ˈo -sie- ˈˈdhe -ˈye ˈe -beɛnˈˈ -duuˈˈ po. -Ka nɩan dhueˈ -ke ɛ, -bho -kɔɔn “dhɩ kɔan dɩ” ɲan ˈdhe -manˈ ˈkmʋn ˈdhi ɛˈ, -man muɛn ɩanˈ nʋanˈ ˈbhɛɛ- ˈˈdhe -ˈye nɔnˈˈ -duuˈˈ ˈjhe -ke -ˈye dhɩ -ˈnɩɩn nʋn

Biiblʋ ˈcɩan an po -aʋ sʋn bho -aa yea Ɲɔnsoa jhibho ˈˈdhe -aa ˈyeɔ ˈˈɲɩn -kajɔɔnka. Zro Matthieu 5:3, -ˈmɛn aʋ ˈtmʋn ideedɩ- nɩan da aˈ dɩ:

• -Bho -aa sa Biiblʋ ˈcɩan- ɲan kɔɔn ˈdhe -aaˈ ˈkmʋn ˈdhi ɛˈ, ˈjɛɛn- -wɛ -aa ˈjhee ˈbho -ɛ?

 5. -Bho ɲʋn an sa ʋn ˈkle ˈˈdu mɔn -dhe ɛˈ, kpa Biiblʋ ˈcɩan- ɲan

6. De Zoova -gwlɩˈˈ ɔɔ muɛn ʋn sʋn bho -po

 DHƐWƐ- ˈCƖAN-?

-Bho ɛɛˈ nʋanˈ kmanˈˈ -zɔn -dhee -ˈnɔɔn mɔn -dhe ɛˈ, Biiblʋ ˈcɩan- ˈbhɛɛˈ ɛ ˈye ʋn sʋn bho po -manˈ ˈkmʋn ˈye dhɛ ˈdha. Ɛ nɩan kaˈ a, kpa Zoova aˈ -gwlɩˈˈ -deɛ ɲan. Ɔɔ muɛn ʋn ˈˈniman -po.

Dhɛwɛ- -ˈŋwɔn in -ɛn?

• Dhɛɛdɩ- -man ˈjhe tɔˈdɩ- nɩan ˈe Biiblʋ ˈdhi -ka ˈˈghwliiɛ nɩan -an?

• -Kawɛ -ˈbhɛɛ -ˈyeɛ -to -ka Biiblʋ ˈcɩan- “kɔan dɩ” ˈdhe -manˈ ˈkmʋn ˈdhi -ɛ?

• Dhɛɛdɩ- -ˈye Zoova i dee- ɔ ˈye ʋn sʋn bho po -wɛeˈ -ˈye Biiblʋ ˈcɩan- ɲan kpa -a?