‘Ɲɔnsoa a muɛn ˈbheɔglɔ- dhueˈ ˈˈdu-, -gba -gba ɔ ˈse izaa- dhi -flɛ.’​—Daniel 2:44, Traduction du monde nouveau.

‘Ɲʋn ˈˈɲɩɛn -aʋ ˈˈjhu ɲmau-, ˈˈdhe ɲʋnbhleɛ- -nɩɛn- ˈbho ɔ ˈˈkpe.’​—Isaïe 9:6; note.

• -Glibha- -ˈsrɛa ˈˈɩ -ɔ yeaˈ -ʋn dhɩ ˈjɛɩn- -jha a, ɔmɔn- -ɔn mun -ʋn ˈbhle-.​—Isaïe 48:17, 18.

• ˈDhe ˈkmʋn -dhee -ʋan- jhia ˈdhi ɛ, kuzɔinflɔɛn- -e -bɔyaˈˈ -e, ɩmɩn- -man mun ˈjhe-.​—Révélation 21:3, 4.

Ɛɛn, dhɩ aˈ kpɛ ˈsɔɔn nɩn anˈ dɩ:

• Dhbho Ɲɔnsoa aˈ ˈBheɔglɔ ɔ muan -nʋn ɛn, Zezi ˈtmʋn ɔɔˈ dɩ ˈmɛn. Zezi ˈnaan ɔɔˈ dhɛcɩaʋn bhae- -wɛeˈ Ɲɔnsoa aˈ ˈBheɔglɔ ˈye jhi ˈˈdhe ɔɔˈ -glʋˈdɩ ˈye -nʋɛn- da ˈbhlʋa- ˈˈkpe. (Matthieu 6:9, 10) -Ka bhaeghlu- -ˈnʋn ˈyea ˈo ɲnin sʋn nʋn ɛn, Zezi toɛˈ.

  -Da Zezi nɩan da ˈbhlʋa ˈˈkpe -dhe ɛ, ɔ -za ɲʋn ˈmɩɛnˈ, ɔ ˈpʋɛ- ɲʋn -anˈ dhɩ a poa, ɔ -jha -ˈnʋʋn ˈkmʋn dhe! (Matthieu 15:29-38; Jean 11:38-44) Dhɩ ˈdhɔɛe Ɲɔnsoa aˈ ˈBheɔglɔ ɔ muan nʋn- ɔ ˈyea ɲʋn ɔɔ muan ˈbhle- ˈˈɲɩn ɛn, Zezi nɩan ˈBheɔglɔ- -ˈnɔnˈ ɔnˈ ˈBheɔ ɔ, ɔ nʋɛnˈ ɲʋn yɩ ŋwɔn ˈdɩn.​—Révélation 11:15.

• Dhɛ ˈkmʋn nɩan ˈmʋn ˈzɩan an, ɛɛ toɛˈ -ka Ɲɔnsoa aˈ ˈBheɔglɔ ɔˈ jhi nɔnˈˈ ˈˈkwaan dhi ɛ.Zezi ˈnaan -bho ˈBheɔglɔ ˈye kupeɛideɛ- da ˈbhlʋa ˈˈkpe -jha aˈ, -bho ɛɛˈ nɔnˈˈ ɔnˈ sea i ˈˈkwaan- ˈsʋ tʋ -e ˈmɩɛn- -e ˈbhlʋa- aˈ -trɛɛ ɛ muɛn -jeˈˈ -zi.​—Matthieu 24:3, 7.

  ˈZɩan an, -aa -ˈjhe ɩanˈ dhɩ tu ˈmɛn ˈjɛɛn-. -ˈMɛn -ka Ɲɔnsoa aˈ ˈBheɔglɔ- ɔ yea ˈkledɩ aˈ klɛɛ i-zaaˈ a, -a -ˈbhɛɛˈ -a yeɛ -gwlɩˈˈ de.