ˈCƖAANDHƐ- 13
Toɛ -ka dhɛ -man ˈtmʋan anˈ ˈˈjhriɛ ˈˈduɛ kɔandɩ ɛ
Proverbes 3:21
DHƐ KƆANDƖ -ˈYEA NƲN ƐN: Po ɲʋn -an poa ʋn -dheinˈˈ bho sʋn bho ʋʋ ˈyeɛ iˈŋwɔn -ka dhɛ -man ˈtmʋan kɔandɩ ˈdhe ʋaˈ ˈkmʋn ˈdhi ɛ. -Ka ʋʋ ˈyea dhɛ ʋa ˈcɩan ˈˈjhriɛ ˈˈdu sʋn nʋn ɛn, -tɔɔɛn ʋbʋ -ke.
-KA -ˈYEA NƲN ƐN:
-
-Naan ɲʋn -an poa ʋn -dheinˈˈ bho ʋaˈ dɩ -tɔˈ i. -Bo -ˈyea bhla, dhɛjɛɛn- ɔ ˈyʋbʋ ˈˈdhru i nʋn ɛn, -naan ɛn -tɔˈ ˈˈkpe i, -ˈmɛn dhɩ kɔandɩ ˈdhe -manˈ bo ˈdhi -ɩn ˈyʋbʋ sʋn bho po ɛ, dɩ -jeɛ ˈˈkpe.
-
-Bho -man sa bo bhla aˈ, ˈtmʋʋn- ʋbʋ dhɛ ʋʋ ˈyea nʋn. ˈDhe -manˈ bo ɔˈ -deenanˈ an, ɲʋn -an poa ʋn -dheinˈˈ bho ɛ, ʋʋ ˈyeɛ ˈˈkpe iˈjhe -ka dɩ -man ˈtmʋan ‘ɩan ˈdha ˈdhe ʋbʋ bho’ ɛ. Dhɩ aˈ klɛɛ kɔandɩ ˈdhe -manˈ bo ˈdhi ɛ, -tɔɔn ʋbʋ -ka ʋʋ ˈyea ɩanˈ ˈˈjhriɛ ˈˈdu sʋn nʋn. -Bho -man sa ghlu ɛˈ, zela- dhɩ ˈˈkpe i -kajɔɔnka.
