ˈCƖAANDHƐ- 14
Dhɩ kɔandɩ -ˈyea ˈtmʋn ɩanˈ -jeɛ ˈˈkpe -deɛ-
Eble 8:1
DHƐ KƆANDƖ -ˈYEA NƲN ƐN: Po ɲʋn -an poa ʋn -dheinˈˈ bho sʋn bho ʋʋ ˈye dhɛ -man ˈtmʋan iˈŋwɔn. Dhɩ kɔandɩ ˈdhe -manˈ bo ˈdhi ɛ, -ka ɩn -nɩn dhɛ -man ˈbɔan ʋʋ ˈyea nʋn -e -manˈ bo ɔˈ ˈˈdhru nʋan imuun- sʋn ɛn, nʋɛn ʋʋ ˈyeɛ ˈˈkpe iˈjhe.
-KA -ˈYEA NƲN ƐN:
-
Dhɛ -man ˈbɔn -ˈye nʋn -ɛn? -Bho -man sa ˈbɔn -ˈyʋbʋ dhɛ ˈtmʋʋn- -aeˈˈ -ˈyʋbʋ ˈkpɩ po ʋʋ ˈye dhɛ ˈŋwɔɔn- -aeˈˈ ʋʋ ˈye dhɛ nʋn ɛnˈ, -ˈmɛn toɛ ˈdhe dhɛ -man ˈtmʋan ˈdhi. -Jhii dhɩ kɔandɩ ˈdhe -manˈ bo ˈdhii -ˈye dhɛ -man ˈbɔan ˈbho -ɲniian-.
-
De -manˈ bo ɔˈ ˈˈdhru -jeɛ ˈˈkpe. -Bho -man sa -manˈ bo bhla aˈ, -ˈmɛn dhɩ kɔandɩ ˈdhe -manˈ bo ˈdhi -ˈyea dheza- -ˈyea ˈtmʋn -aeˈˈ dhɩ -nɩn ɩn ˈdha dhɛ -dhueˈ ɛ, -jhii dhi -ˈye -manˈ bo ɔˈ ˈˈdhru -jeɛ ˈˈkpe de.
-
Nʋɛn ɲʋn ˈye dhɩ kɔandɩ ˈdhe -manˈ bo ˈdhi ˈˈkpe iˈjhe ˈˈdhe ɲʋn ˈyɩ iˈŋwɔn. Dhɩ kɔandɩ ˈjɛɛn- ˈdhe -manˈ bo ˈdhi, -ɩn dɩ -ˈbhɛɛa -ˈyea ˈtmʋn ˈdhe nɔnˈˈ ɲʋn ˈˈɲɩan ʋn ˈdhi ɛ, ɩmɩn- -ˈye ˈo -za. Ɩanˈ diˈˈ -dhe, zɩlɩ ˈˈkpe i -kajɔɔnka. -Bho gwɛ dhɛ kɔandɩ -jeɛ ˈˈkpe -deaˈ ˈˈdhe -man sa ˈbɔn -ˈye ˈo -ˈnɛɛn ˈˈkpe ˈkpa aˈ, -ˈmɛn do dhɛ ˈˈzaan.
