ˈCƖAANDHƐ- 18
-Manˈ bo ˈye ɲʋn dhɛ -dhee -tɔɔn
1 Kolɛntɩ 9:19-23
DHƐ KƆANDƖ -ˈYEA NƲN ƐN: Nʋɛn ɲʋn -an poa ʋn -dheinˈˈ bho ˈye -manˈ bo -tɔˈ ˈˈkpe i -naan -wɛeˈ ʋʋ ˈyeɛ ˈjhe -ka ʋʋ ˈcɩan dhɛ -dhee kɔandɩ ɛ.
-KA -ˈYEA NƲN ƐN:
-
Dhɛ ɲʋn -an poa ʋn -dheinˈˈ bho jhibha see ɛ, -manˈ ˈˈmaeɛ bhoˈ -dhe. Dhɛ ʋʋ jhibha see ɛ, -manˈ bhlɛiˈ -dhe, -ka -ˈyeɛ ˈtmʋn -wɛeˈ ɛ ˈyea -dheeˈ ˈkpa ˈdhe ʋbʋ -dheinˈˈ ɛn, ɛmɛn- -ˈye iˈbɔn.
-
ˈSɛɩ ˈdhii bhliɛ- -e ɩanˈ -tɔˈ ˈˈkpe i naan -e. -Bho ɛ nmɔn- ˈo ˈdhi ɛˈ, tbha ˈo dɩ ɲʋn ˈŋwɔan -ɩn -gbaa i ˈˈkpe -wɛeˈ -ˈye dhɩ kɔandɩ ˈdhe -manˈ bo ˈdhi -jeɛ ˈˈkpe de. Dhɛ -ˈyea ˈtmʋn ˈdhe -manˈ bo ˈdhi ɛ, -naaɛn -tɔˈ ˈˈkpe i -kajɔɔnka -wɛeˈ -bho dhɩ -ˈyea ˈˈɩpoo- -nɩn -manˈ bo muun- dhi ɛˈ, -ˈyɩ jhibho-.
-
Nʋɛn ɲʋn ˈyɩ jhibho- -ka -manˈ bo kɔandɩ ɛ. -Ka Biiblʋ ˈbhɛɛa ʋn ˈyea ɲʋn -an poa ʋn -dheinˈˈ bho sʋn bho po ˈdhe ʋaˈ ˈkmʋn ˈdhi ɛ, nʋɛn ʋʋ ˈyeɛ ˈˈkpe i ˈjhe. Dhɩ ɲʋn -an poa ʋn -dheinˈˈ bho ʋa nʋan -e ˈkledɩ- ʋa ˈjhea, ˈtmʋn ɩanˈ dɩ.
