‘Ɲʋn -ʋa- poa Ɲɔnsoa aˈ ghwlu dheinˈˈ bho ˈˈdhe -ʋa- ˈˈdu ˈˈjhriɛ ɛ, ʋʋ -nmɔn ɔnˈˈ.’​—Luc 11:28, Traduction du monde nouveau.

Ɲʋndɩkmaan- ˈjɛɛn-.​—Éphésiens 5:28, 29.

Ɲʋn ˈˈɩˈbheɛ- -e ɲʋnŋwɔnjheɛ- ˈjɛɛn- -e.​—Éphésiens 5:33.

-Pɛɛ ɛˈ i-deɛ-.​—Marc 10:6-9.

Ɛɛn, dhɩ aˈ kpɛ ˈsɔɔn nɩn anˈ dɩ:

• ˈˈGbuzɔncɛ ɛˈ -da dhueˈ i -deɛ- ˈghlʋɛ ˈe Ɲɔnsoa bho. Biiblʋ ˈnaan ˈdhe Ɲɔnsoa Zoova aˈ ˈsaa ˈmʋn ˈcɛdhri- aˈ klɛɛ ˈˈduɛ- ˈɲnɩn. (Éphésiens 3:14, 15) Dhɛ -ˈmɛn ˈdhaa -mɛn -nɩn Zoova po ˈˈgbuzɔncɛ ɛˈ -da dhueˈ i -deɛ- ˈnɔn ˈkmʋn. Dhɛɛdɩ- ɛɛˈ jhibhɛ- -kɔndɩ -ɛ?

  -Naan -ɛ nɛn tɔˈ i: -Bho dhi ˈsman -wɛeˈ ɔ pa ʋn ŋwɔn ɔnˈ, ˈˈdhe dhɛ ɲʋn poa ˈe ɔ bho -wɛeˈ ɔ cɛan ŋwɔn -man sa ˈbɔn -ˈyeɛ jhibho- ˈdhe, ɲɔnwɛ- -ˈye i -dee -ɛ? Ɛ se ɲɔn piɔ?

  ˈKamɔn-, -bho -a -ˈye dhɩ -ɩan- nʋɛn -wɛeˈ ɲɔn ɔn ˈjheaˈ -bɔyaˈˈ ˈbho ˈˈgbuzɔnˈ jhibho- ɛˈ, -mɛnˈ Zoova, -ɔ poa ˈcɛ ɛˈ ˈbho ˈˈgbu dhueˈ ˈzɔn i -deɛ- ˈnɔn ˈkmʋn ɛn, -a -ˈye ɔɔˈ ˈsrɩn i ˈbɔn.​—Genèse 2:18-24.

• Ɲɔnsoa a ˈˈdu aoaˈ dɩ ˈmɛn. ˈSrɩn ɔ toa ˈo ˈdhe ɔɔˈ Ghlu ˈdhi ɛ, ɛ -nmɔn ˈo dhi ˈˈgbuzɔncɛ ˈyɩ ˈˈjhriɛ- ˈˈdu. Dhɛɛdɩ- -ɛ? ‘Dhɛnʋɛn, ɔɔˈ ˈˈjɛkpa a ˈˈduɛ aʋaˈ dɩ.’ (1 Pierre 5:6, 7) Zoova ˈbhleeɛ- aʋaˈ dɩ ˈjɛɩn- -gwliˈ i. -Kenɛnˈ ɛn, ɔɔˈ ˈsrɩn an nɩɛn ˈsrɩn ˈjɛɩn- jheejhee!​—Proverbes 3:5, 6; Isaïe 48:17, 18.