-Ka Zezi nʋan

Dhɛ Zezi nʋan, dhɛwɛ- ɛɛ tɔɔn -abʋ -ɛ?

2. Dhɩ -aa tɔɔan ɲʋn -bho ɩanˈ i ˈŋwɔɛn se ˈˈɩ -kman anˈ, ʋa muɛn ɩanˈ dɩ glʋˈ bho -po ˈˈdhe -aa muɛn ʋaˈ -pɛɛ i ˈtʋn-.

 -Sraan Zezi

3. -Manˈ ˈtmʋn -e dɩ -duuˈˈ -dhe. Dhɩ jhibha ˈdhe dhɛ aʋ nɩan ˈcɩaan anˈ dɩ ˈdhi ɛ, -manˈ ˈtmʋn ɩanˈ klɛɛ ɛˈ dɩ -dhe. ˈBho ɛɛˈ gɔˈˈ ɔ, ˈˈtii- ˈbho dhɩ nɩan ˈe ˈcɩaandhɛ ˈdhi ˈˈkpe. -Bho po ˈe ideedɩ ɛˈ, -ˈmain -wɛeˈ -manˈ dhɛcɩain ˈye ˈe dɩ -za. -Bho ɔ se ideedɩ- poa ˈe aˈ ˈdhe -za aˈ ˈbhɛɛ- -aeˈˈ dɩ ɔ ˈtmʋan -nɩn dhɩ Biiblʋ a tɔɔan ɲʋn anˈ kpa -jie- dhueˈ ɛˈ, po ˈe ideedɩ- -ˈnɩɩn -ɩn ˈyeɔ sʋn bho po -wɛeˈ ɔ ˈye dɩ aʋa ˈtmʋan i ˈŋwɔn. -Bho ɔ ˈŋwɔn dhɛ kɔan dɩ iˈ ɛˈ, -ˈmɛn aʋ mun ɲan.

4. Po ɲɔn -man tɔɔan dhɛ sʋn bho ɔ ˈye ˈo dhɩ ɔ jhibha see ˈˈkpei tbha ɔ ˈye dhɩ -dhee i ˈŋwɔn. Ɛɛˈ kpɔ dhueˈ ka, -bho aʋ ˈye ˈcɩaandhɛ- -ɛɛ ˈtmʋan ˈkmʋndhejhiiɛ ɛˈ dɩ ˈcɩaan -dee ɛˈ, -ˈbhɛɛ -nɩn dhɛcɩain ˈye dhɩ ɔ jhibha ˈdhe ɲʋn ˈmɛan anˈ dɩ ˈdhi aˈ dɩ ˈtmʋn dhɛ ˈˈzaan.

5. Jhibho- ˈˈɩpoodɩ aˈ dhbhoˈˈ -nʋʋn ka. -Bho -ˈye ˈˈɩpoodɩ i -jhii ɛˈ, dee- -manˈ ˈˈjɛ i:

1. 1. ‘ˈˈƖpoodɩ- -ˈnɩn anˈ i ˈŋwɔɛn se ˈˈɩ -kman -an?’

2. 2. ‘Ɲɔn ˈman tɔɔan dhɛ, ɔɔ muɛn ˈˈdoo- ɔ ˈyɩ i ˈŋwɔn?’

3. 3. ‘Ɩan muɔn sʋn bho -po ˈmɛn ɔ ˈye dhɩ kɔan dɩ glʋˈ bho po -aeˈˈ ɛ nɩn ˈˈɩpoodɩ aˈ ˈsʋ -mɩn -ˈye ˈdhe ɔɔˈ tɔˈ bho -sie-?’