ˈDHE ƝƆN BHO DHEMUƐN- ˈˈJHRI -KPƲƐN-
ˈCƖAANDHƐ- 7
Kpʋn ˈe ɲʋn anˈ sʋn bho -poɛ ˈˈjhri
Biiblʋ aˈ ˈsrɩn: “Ʋa kpa -bɔyaˈˈ bo -bhlaa -e ɲʋn dhɛ -tɔɔɛn ɲan -dhe.”—Actes 5:42.
-Ka Pɔʋ nʋan
1. -ˈJhe VIDEO i -aeˈˈ zro Actes 19:8-10. -ˈMɛn -za ˈe ideedɩ- nɩn:
Dhɛ Pɔʋ nʋan, dhɛwɛ- ɛɛ tɔɔn -abʋ -ɛ?
2. -A ˈye nɔnˈˈ -duuˈˈ ˈmʋn ˈˈdhuo- ˈˈdhe -a ˈye ˈe ˈkpɩ -duuˈˈ po -wɛeˈ -a ˈye ˈbho ɲʋn bho dhe mun ˈˈdhe -a -nɩn ʋbʋ ˈye Biiblʋ ˈcɩaan -dee.
-Sraan Pɔʋ
3. Mun ˈo ɲʋn bho ˈdhe nɔnˈˈ ʋbʋ a ˈbɔan ˈdhi. Dee- -manˈ ˈˈjɛ i: ‘Nɔnˈˈ -e -dawɛ nmɔn ˈo dhi ˈɩn -nɩn ɔ ˈye ˈjhee- -ɛ? -Bhlaa ɔ ˈbhɛɛ ɔ ˈye nɔnˈˈ ˈbhle ˈˈdhe ɔ -nɩn ˈye -ghwlu -ɛ?’ -ˈŊwɔɔn- ˈbho -ˈye ˈbho ɔ bho dhe mun -bho nɔnˈˈ ɔɔ ˈbɔan se ʋn -ˈgwlɩi -nmɔɔn -mɔnˈ -dhe ɛˈ.
4. -Nɩn ɔ -siie- ghwlu ɩˈˈ -ˈye ˈbho ɔ bho dhe mun. Jheejhee -bho -nɩn ɲɔn gwɛ -ghwluaˈ aˈ, po ˈe ˈkpɩ -ˈyeɔ nɔnˈˈ -e -da aʋ ˈbhɛɛa aʋ ˈyea ˈjhee- -kenɛnˈ i dee-. -Bho ɔ -nɩn ˈŋwɔɔn- ghwlui ɛˈ, mun ˈo ɔ bho dhe nɔnˈˈ -e -da aʋ ˈˈsiaˈˈ ˈɲnɩn.
5. -Manˈ ˈmɛn -e ˈkpɩi -dhe. Dhɛ -manˈ -jhɛɛa ɲɔn -aeˈˈ dhɛ ɔ sea nɔnˈˈ ˈbhle ɛ, ɛ se ɛɛˈ dɩ -ˈye ˈˈdoo- -ˈye ka nʋn ɔ ˈse ˈbɔn ɔ ˈye dhɛ iˈ ˈŋwɔn -nɩn. (1 Cor. 13:4, 7) -Bho -ˈye ˈdhe ɲʋn bho dhemuɛn- ˈˈjhri kpʋn -mɔnˈ -dhe ɛˈ, -nʋʋn -manˈ nɔnˈˈ dhbho -kajɔɔnka.—1 Cor. 9:26.
