Ɲɔnwɛ- ˈkmʋn nʋn -nɩn ˈe ˈkwa ˈjɛɛn- -ɛn?
-ˈYe ka nʋn...
-
Ɲɔnsoa?
-
-glɔɲiɔn-?
-
ɲɔn -dhee -ˈnɔɔn?
DHƐ BIIBLƲ ˈTMƲAN Ɛ KA
‘ˈKmʋn nʋn anˈ klɛɛ -nɩɛn- ˈe ɲɔnsaʋn- ˈkwa.’—1 Jean 5:19, Traduction du monde nouveau.
‘Ɲɔnsoa a muɛn Satan in -ghwaa ˈdhe nɔnˈˈ -dhɛ ˈˈzaan ˈdhi.’—Romains 16:20,
-BHO DE GHLU NƲN -GWLƖˈˈ Ɛˈ, DHƖ -ˈYEA ˈO ˈJHEE-
Dɩ ɲɔn ɔn ˈjhea da ˈbhlʋa- ˈˈkpe ɛ, ɩanˈ -bo ɔˈ iˈŋwɔɛn-.—Révélation 12:12.
-Ka ˈkmʋn nʋn an muan ˈdhɔɛeˈ ˈmʋn -nɩn ˈdhe -dheˈbhɔɔ -nɔnˈˈ ɔn, ɛɛˈ -pɛɛ ˈˈɩ-tbhaa.—1 Jean 2:17.
DHƐ BIIBLƲ ˈTMƲAN AN, -A -ˈBHEƐˈ -A -ˈYEƐ -GWLƖˈˈ DE ˈJƐƐN-?
Ɛɛn, dhɩ aˈ kpɛ taan nɩn anˈ dɩ:
-
Satan anˈ ˈkmʋn ˈbhleɛ- ɛ muɛn igwɛ-. Zoova a ˈbɔn ɔ ˈye Satan anˈ ɲʋnˈbhleɛ- i -ɲnaan ˈjɛɛn-. Ɔ cɛn ɛnˈ ghlu ˈmɛn. Ɔ ˈnaan ɔɔ muɛn Ɲɔnsaʋn- Satan i-za ˈˈdhe dhɩ aˈ klɛɛ ɔ ˈkɔa ɔ ˈyɩ ˈkpa po.—Hébreux 2:14.
-
Zezi -mɔn Ɲɔnsoa de sʋn ˈˈkpe -ɔ -ˈye ˈbhlʋa- ˈbhle. ˈDhiŋwɔɲniɛn- -e ˈˈjɛ ɛˈ dɩ -ziɛ- nɩan ˈe ˈkmʋn nʋn anˈ ɲʋnbhlei ˈmʋn ɛn, ɩn se ˈe Zezi ˈmʋn -nɩn. Ɲɔnsoa -zɛɛ ɲan ɔ ˈyeɛ ˈtmʋn -ka Zezi ɔˈ ˈbheɔ -tu ɛ, ɔɔ muɛn ɲʋn anˈ -ghwɛe- ˈjhe-, ˈˈdhe ɔ ˈyʋbʋ zeie- ˈdhe dhɩsaɩn anˈ klɛɛ ˈkwa.—Psaume 72:13, 14.
-
Ɲɔnsoa aˈ ˈtmʋn sɩ. Biiblʋ ˈnaan, Ɲɔnsoa se ˈbhɛɛ- ɔ ˈye sɩ ˈtmʋn. (Hébreux 6:18) -Bho Zoova ˈnaan dhɛ ˈye -nʋɛn- ɛnˈ, ɛɛ nʋʋɛnˈ ˈˈkpɔkpɔ! (Isaïe 55:10, 11) -A deɛ -gwlɩˈˈ ˈjɛɛn- -ka ˈkmʋn nʋn anˈ jiebhopoi- ɔɔ muan i -zaa—Jean 12:31.
-NAAN TƆˈ I
Ɲɔn ˈkmʋn nʋn nɩan ˈe ˈkwa a, -da ɔɔ muan i-zaa a, ka ˈkmʋn an mun nɩn- ˈbho ɛ ˈdhe -ɛ?
Biiblʋ a za ˈe dɩ nɩn ˈmɛn ˈdhe PSAUME 37:10, 11 -e RÉVÉLATION 21:3, 4 ˈdhi.