1. Zoova, ɔ nɩɛn ɲʋndɩkman,

mɛn a ye ɲʋn an dɩ kman.

A kman Ɲɔnsoa e ɲʋn an dɩ,

bɔya klaa muɛn aa kmʋn jhi.

Bho ɲʋndɩkman se nɔn kmʋn nɩn,

mɛn kmʋn se bhɛɛ ʋn ye nɩn.

Zezi ɔ ɲʋndɩkman an dɩ,

a kman dhoudhi we a dɩ.

2. A kman Ɲɔnsoa dɩ dhe pɛɛ bho.

Aa muɛn ɲʋn nʋʋn an dɩ kman.

Ɲʋn mɛan kpɩi Ɲɔnsoaˈa duɛ ʋa dɩ.

Ɛ nʋɛn sʋ ʋa yea kpɩ jhe.

Ɲʋndɩkman bhɛɛ dhɩ a klɛɛ ŋwɛn.

Ɛ gwɛi ɛ se gwlɛn dhi nɩn.

Ɲʋndɩkman se gwɛ da bhlei.

Ɛ nɩɛn Ɲɔnsoa Zoovaˈa baan.

3. Aʋa bhlee dhɛsaʋn pɛɛ bho dhe.

Aʋ sa dhe dhɛsaʋn dhi kpa.

Aʋ Bhae, Ɲɔnsoa yeˈaʋ sʋn bho po,

ɛɛ muɛn nʋn aʋ yɔɔ kplɩn bhle.

Ɲɔnsoa e ɲʋn an klɛɛ dɩkman

ɛ dha dhɛ, ɛ bhleɛ mʋnan.

A kman ɲʋn an dɩ dhe pɛɛ bho,

ɛ nɩn Ɲɔnsoa Zoovaˈa kplɩn.