ˈDHƲ Aˈ 113 -NƲN
Ɲɔnsoa ˈˈɲɩɛn -aʋ ɔɔˈ ˈflɛ
-
1. Flɛ e ghwluiŋwɔɛɛn Ɲɔnsoa,
Ɛmɛn aa Bho nɩn.
Ɔɔ nʋɛn aa yea ɲɔn dhue man,
Aa yea ghwlu i ŋwɔɔn.
Zezi mɔn nɩn flɛˈɛ taajhu,
dhe ɔ nmɔn dhi ŋwɔn.
Ɔɔ muɛn tʋ vɔn dhe ɲʋn ye
flɛ jɛɛn jhe nɔn kmʋn.
-
2. A bhɔ jɛ dɩ mɛn bhodhe.
Flɛ mɛn aa bɔn in.
Bho a ye flɛ jɛɛn ɲʋn nɩn,
A cɩan Klisɩˈɔ kplɩn.
Kɔ nʋan kamɔn a ye nʋn.
A ye bha ŋwɔn jhe,
A ye bhaa gɩn ŋwɔɔn dhue dhue
Dhe a ye i man.
-
3. Ɲɔnsoa poɛ abʋ niman,
Ɔ ɲɩabʋ ɔɔ flɛ.
Aa klɛɛ kman ɔɔ tee a dɩ,
Mɛn a duɩ jhriɛ.
Ka ɲɔndhueman bhlea mʋnan,
A nʋɛn ɲʋn yeɛ jhe.
A kpa da dhue dhe a ye
Flɛ sea tian bhle fuo.
(Zro Ps. 46:9; Is. 2:4; Jacq. 3:17, 18 -ke.)