1. Sɛɛ dhue nɩn nɔn kmʋn bho ɲɔɔn sa dhii zro ɛ,

Ɛɛ ɲɩn ɲʋn flɛ e pɛɛɩtbhadhɛ jɛɛn.

Ɛɛ poɛ ɲʋn ʋa jha ʋa jɛ jha tɔ jɔɔn gwlɩ.

Dɩ ɛɛ tmʋan bhleɛ ɩ kman dhe ɩan nʋɛn dhbho.

Sɛɛ nɛn dha dhɛ, ɛ nɩn Ɲɔnsoaˈa Ghwlu Biiblʋ.

Ɲʋn crʋ ɛ nɩn Ɲɔnsoa pʋbʋ tɔ gwlɩ.

Ʋʋ kman ɔɔ dɩ dhe ʋʋ kman tɔdɩ a dɩ,

Ɲɔnsoaˈa zuu nʋɛn dhe ʋbʋ cre ɔɔ Ghwlu.

2. Ka Ɲɔnsoa nʋan dhɩ a klɛɛ nɩan kmʋn nʋn sʋn,

Ʋʋ zelɛ kpei dhe sɛɛ ʋbʋ crea dhi.

Ka bho deenan glɔɲiɔn ku nɩan pepe ɛ,

Ʋbʋ tmʋɛn ka bɔya deɩn nʋan kɔ sʋn.

Ʋʋ tmʋɛn ke ka dhbhozuu dhue sea dhɛ ŋwɔn jhe

Dhe ʋn tbha Ɲɔnsoaˈa ɲʋnbhleɛ dɩ bun.

Ɛɛ dhɛ tu nʋɛn dhɛsaʋn ye nɔn kmʋn kpa,

Klaa Ɲɔnsoaˈa zibho kpa nɔn se bho tɛɛn.

 3. Nɔn a nɩan nɔn dhi ɛ nɩn mʋnan nʋn nɔn:

Ɲɔnsoa Zoovaˈa jɛɛ Jhu Zezi kpa Bheɔ.

Ɛɛ dɩ a ye Bheɔglɔˈɔ bɔya bo nɔn bhla

Dhe ɲʋn an klɛɛ ye mʋnandɩ nɩn ŋwɔn.

Dɩ nɩn an klɛɛ mɩn nɩn e Ɲɔnsoaˈa Ghwlu dhi.

Ɛ nɩn ghwliɛ ghwlʋ dhe aa Ɲɔnsoa bho.

Bho zɔn oo zɔn ʋn nɩn aa mʋnandɩ ɛ,

Ɛɛ muɛn nʋn a ye flɛ e tɔdɩ jhe.