Ɲɔɔnkpadhebhaˈ 29–-Gbeecʋ- 4
PSAUME 69
ˈDhʋ aˈ 13 nʋn -e bhaeɛ- -e | -Deeghwlu- (Min. 1)
1. Ka Psaume 69 nʋan dhɩ -nʋʋan ˈdhe Zezi ɔˈ ˈkmʋn ˈdhi ɲan -zaa sʋn ɛn
(Min. 10)
Ɲʋn ˈɲɛn Zezi ˈmʋn ˈmɛn ˈˈjhai. (Ps 69:4; Jean 15:24, 25; w11-F 15/8 11 § 17)
Zezi ɔ ˈghwlʋɛˈ nɛnˈ in -dhe ˈˈɲɩnsʋn ˈjɛʋn anˈ dɩ. (Ps 69:9; Jean 2:13-17; w10-F 15/12 8 § 7-8)
Ɲʋn nʋɛn Zezi ˈˈdrʋʋn ˈˈdhrui ˈˈdhe ɲʋn ˈˈɲɩɔnˈˈ nmɔn ʋʋ poa ˈˈkae dhɛ bho. (Ps 69:20, 21; Mt 27:34; Lc 22:44; Jean 19:34; g95-F 22/10 31 § 4; it-2-F 600 § 1)
TƆKPEINAANDƖ-: Dhɛɛdɩ- Zoova po ɲanzaadɩ- -ɩan- ˈtmʋan Ɲʋnpʋʋi ɔˈ dɩ ˈdhe Biiblʋ aˈ ˈfɔ nɩan ˈe Ebleghwlu ˈdhi -ɛ?
2. -A -za ˈsrɩn ˈdhe Ɲɔnsoa aˈ Ghwlu ˈdhi
(Min. 10)
-
Ps 69:30, 31: -Kawɛ Biiblʋ aˈ ˈˈjhri -ˈnɩn ˈbhɛɛ ɩn ˈye -aʋ sʋn bho po -a ˈye -aaˈ bhaeghwlu ˈkpa po -ɛ? (w99-F 15/1 18 § 11)
-
Biiblʋ aˈ ˈˈjhri aʋ zroa ˈdhii ˈnɔn ˈdhɔɔ nɔn ˈdhi ɛ, ˈsrɩn -wɛ aʋ ˈjhe -ɩanˈ dɩ aʋa ˈbɔn aʋ ˈye ˈtmʋn -ɛn?
3. Dhɛdhiizroɛ-
4. -ˈMain: -Ka Zezi nʋan
(Min. 7) Aʋ ˈtmʋn ɛnˈ dɩ. Po ˈo VIDEO. -ˈMɛn aʋ ˈtmʋn lmd ˈcɩaandhɛ- 8 ˈˈdhru ˈˈzaan- 1-2 ɔnˈ dɩ.
5. -ˈMain: -Sraan Zezi
ˈDhʋ aˈ 134 -nʋn
6. Dhɩ kman ɲɔnsoagbu ˈˈbhli
(Min. 5)
7. ˈSrɩn ɲʋn ˈyea ˈˈjhriɛ ˈˈdu ˈdhe ˈˈgbuzɔncɛ ɛˈ Ɲɔnsoa ˈˈɲɩnzɔn ɔnˈ dɩ ˈdhi
(Min. 10) Aʋ ˈtmʋn ɛnˈ dɩ.
ˈDhe 2009 zʋn anˈ ˈˈcɛcʋ ˈdhi ɛ, -aaˈ ˈˈdhruigbooɛ taan -ɩanˈ ˈɲnɩn nɩan Étude de livre de la congrégation -e École du ministère théocratique -e Réunion de service ˈkpa ˈˈdhruigbooɛ- dhueˈ ɲʋn an ˈdhaa ˈˈDhruigbooɛ -ɛɛ nʋʋan ˈbho ˈdhɔɔ ɔˈ gwea. Ɛ nʋɛnˈ ˈˈgbuzɔncɛ ˈbhɛɛˈ ʋʋ ˈye dhɛ -ɛɛˈ dɩ kman ʋbʋ ˈˈbhli ˈcɩan ˈˈjiejhrʋbho ˈdhɔɔ ooˈˈ ˈdhɔɔ ˈbho ʋaˈ ˈˈgbuzɔncɛ ɛˈ Ɲɔnsoa ˈˈɲɩnzɔn ˈˈkpe. Ɲʋn anˈ -da -duuˈˈ ˈnaan dhɩ -ˈnɩn ɲʋn ziaanˈˈ nʋɛnˈ ʋʋ ye bha i ˈkpaa- ˈˈdhe ʋʋ ye Zoova i ˈkpaa- -ke.—Dt 6:6, 7.
ˈSrɩn -wɛ ˈbhɛɛˈ -ɩn ˈye ˈgbuzɔncɛ ɛˈ ˈˈdhrujheʋn sʋn bho po -wɛeˈ ʋaˈ ˈˈgbuzɔncɛ ɛˈ Ɲɔnsoa ˈˈɲɩnzɔn ˈye ˈo dhɛ po -ɛ?
-
Ɛ ˈye -nʋʋɛn- ˈdhɔɔ ooˈˈ ˈdhɔɔ. -Bho ɛ ˈbhɛɛ maʋn ɛnˈ, aʋ -za ˈo -zɔn dhueˈ ˈdhe ˈdhɔɔ ˈdhi ɔ ˈye aʋaˈ ˈˈgbuzɔncɛ ɛˈ Ɲɔnsoa ˈˈɲɩnzɔn -nɩn. Ɲɔn se bho jhibho- dhɛ aʋ sea -gwlɩˈˈ de ˈbhɛɛˈ ɛ ˈye -nʋʋɛn-. -ˈMɛn aʋ -za ˈo -zɔn -dhee -ˈnɔɔn -ɔ ˈbho ˈˈkpe aʋ ˈbhɛɛa aʋ ˈyeɔ -nʋʋn ɛn.
-
ˈˈJɛ kpɔˈˈ -pooɛ-. Dee- -manˈ ˈɲnɔn in ˈˈdhe dee- -manˈ ˈˈɲnun in -zɔn -ˈnɔɔn -ke ʋʋ ˈye ʋn tɔˈ -gwlɩˈˈ po. ˈˈJɛ kpɔˈˈ -pooɛ ˈse nɔnˈˈ -duuˈˈ ˈmʋn ˈˈdhuo- i -bho ˈˈgbuzɔncɛ ɛ sa dhɩ nɩan dhueˈ ʋa nʋan ˈmʋnan ˈdhɩ ˈjhee ˈdhɔɔ ooˈˈ ˈdhɔɔ ɔˈ.
-
-Za ˈo dhɩ kman -manˈ ˈˈgbuzɔncɛ ˈˈbhli. -Ka ˈˈɲnumɩɩnˈˈ an ˈbhʋa, ˈkamɔn- dhɩ kman ʋbʋ ˈˈbhli -e dhɩ ʋʋ ˈbhɛɛa nʋʋanˈ an, ɩan zianˈˈ. Dhɩ aʋ ˈyea ˈcɩan ˈye ˈˈgbuzɔncɛ sʋn bho po dhueˈ dhueˈ ʋaˈ ɲɔnsoadhɛ ˈye i ku.
-
Nʋɛn ɛ ˈye ɲʋn ˈmʋnan in po. -Zɔn -ˈnɔɔn ɔn, -bho nɔnˈˈ -nmɔn ˈˈjhrii ɛˈ, aʋ ˈbhɛɛˈ aʋ ˈye dhɩ ˈcɩan ˈbho kpaeˈˈ. -Bho ɛ -nmɔn ˈo dhi ɛˈ, aʋ ˈbhɛɛˈ aʋ ˈye do dhɛ ˈˈzaan an. -Bho ɛ -nmɔn ˈo i ɲʋn ˈye ˈkledɩ ˈˈgbuzɔncɛ ɛ ˈjheea aˈ dɩ ˈtmʋn -mɔnˈ -dhe ɛˈ, -ˈman -jhii ˈˈgbuzɔncɛ ɛˈ Ɲɔnsoa ˈˈɲɩnzɔn in -dhe -wɛeˈ -ˈye ɲɔn dɩ ˈˈbhli kpa -aeˈˈ -ˈye ɲɔn kplɩn kwai -za.
-
Aʋ nʋn dhɩ aˈ kpɛ -duuˈˈ. Ɛ ˈbhɛɛˈ ɛ ˈye ˈˈdhruigbooɛ- -ɛɛ jhia aˈ kpɔˈˈ -pooɛ -nɩn, ɛ ˈbhɛɛˈ -ke ɛ ˈye videe nɩan ˈbho jw.org ˈˈkpe ɩanˈ dhueˈ i ˈjheeɛ -e ɩanˈ dɩ ˈtmʋɛn -nɩn -aeˈˈ aʋ ˈbhɛɛˈ -ke -ka ɲʋn an nʋan -bobhlasʋn ɛn, aʋ ˈyeɛ ˈcɩan . -Bho ˈˈgbuzɔncɛ ɛˈ ˈˈɲɩnzɔn tbha ˈo poeˈ -zaeˈ ˈˈkpei -mɔnˈ -dhe ɛˈ, ʋʋ ˈbhɛɛˈ ʋʋ ˈye ˈo nɔnˈˈ -za -wɛeˈ -ˈnɔɔn ˈye ɔɔˈ -nɩn dhueˈ ˈcɩan Biiblʋ nʋn.
Aʋ ˈtmʋn ideedɩ- nɩn anˈ dɩ:
-
-Kawɛ aʋ nʋn ˈsrɩn -ˈnɩn anˈ ˈˈjhriɛ ˈˈdu sʋn ˈbho aʋaˈ ˈˈgbuzɔncɛ ɛˈ Ɲɔnsoa ˈˈɲɩnzɔn ɔnˈ nɔnˈˈ -ɔn?
8. Ɲɔnsoagbu aˈ Biiblʋ ˈcɩan-
(Min. 30) bt cdh 13 § 8-16, ˈˈtɛʋn- ŋwʋn anˈ 105
