Ɲʋn anˈ -da -duuˈˈ se ɲʋnbhleʋn -gwlɩˈˈ de. Dhɛ nɩan ˈo -wɛeˈ ʋa nʋan kaˈ a, -a ˈbhɛɛˈ -a ˈyeɛ i ˈŋwɔn. Ɲʋnbhleʋn -duuˈˈ -zii ʋaˈ ɲʋnbhleɛ- -jieˈˈ ˈsʋʋ -ʋʋ nʋn ɲʋn -ˈnʋʋn dhɛsaʋn- ˈˈdhrui. (Mi 7:3) Dhɛ ɲʋn -tɔɔan ɲankɔʋn nɩan ɲɔnsoagbi ˈdhii dhbho -wɛeˈ ʋʋ ˈyea ʋaˈ ɲʋnbhleɛ- dhbho -nʋʋn Zoova aˈ ˈcɛ ɛˈ dhɛjɛɛn ɛnˈ dɩ ɛ, ɛ ˈbhleɛ -aaˈ ˈmʋnan-.—Est 10:3; Mt 20:​25, 26.

-Ka ˈkmʋn nʋn anˈ ɲʋnbhleʋn nɩan, ɲankɔʋn- seanˈ -nɩn dhebhleɛ, ɲankɔʋn an ˈbɔn ɲʋn jie bho poaˈ i dhɛ ʋʋ kman Zoova -e ɔɔˈ ˈcɛ ɛˈ dɩ. (Jean 21:16; 1P 5:​1-3) ˈBho Zezi ɔˈ ɲʋnbhleɛ- ˈzɔn ɔn, ɲankɔʋn an poɛ -bobhlaʋn sʋn bho dhueˈ dhueˈ ʋa yea mʋnain nɩn ˈdhe Zoova aˈ ˈcɛ ˈˈklun ˈˈdhe ʋa yea ˈbho Ɔ ˈˈbun in kpʋn. Ʋa ˈˈdooˈ ʋa yea Zoova aˈ ˈbhlaeˈ ˈkpɩ po ˈˈdhe ʋa yʋbʋ sʋn bho po -bho ʋʋ se ku- ˈzɔin -flɔn -aeˈˈ ˈkledɩ- klaeˈˈ ˈkpa -da ʋʋ nɩan anˈ. -Bho -man sa sʋnbhopoɛ i ˈbɔn ɔnˈ, ˈbhɛɛˈ -ˈye ɲankɔin dhueˈ i ˈkpaa- ˈdhe -manˈ ɲɔnsoagbu ˈdhi.—Jc 5:13.

-ˈJHE VIDEO NƆN IN ˈBHLAEDHEIDEƲN- -ƲA- ˈˈDUA ƝƆNSOA Aˈ ˈBHLAEˈ Aˈ DƖ, -ˈMƐN -ZA ˈE IDEEDƖ- NƖN:

• -Kawɛ Maliana nʋn ɲankɔʋn anˈ ɲʋnsʋnbhopoɛ- ˈjɛɛn ˈdhi ˈjhee- sʋn -ɛn?

  -Za ˈe ideedɩ- -ˈnɩn da

• -Kawɛ Eliasɩ nʋn ɲankɔʋn anˈ ɲʋnsʋnbhopoɛ- ˈjɛɛn ˈdhi ˈjhee- sʋn -ɛn?

  -Za ˈe ideedɩ- -ˈnɩn da

• Gwɛa video nɔn in ˈjhea a, -kawɛ -man ˈjhe dhbho ɲankɔʋn an nʋan -an?

  -Za ˈe ideedɩ- -ˈnɩn da