-Ka -a dea dhueˈ dhueˈ ɛ, -aa ˈˈzruuˈ -zɔn -ˈnɔɔn. -Bho ɲɔn ɔn sa ˈˈzru ɛˈ, ɛ se -ˈmɛn ɔ se Zoova -gwlɩˈˈ de -nɩn. -Ka ɛ ˈjhe ɛ -nɩn ɛnˈ, Zoova aˈ ˈˈjɛ ˈnaan ɔɔ ˈˈzruuˈ -zɔn -ˈnɔɔn. (Gn 6:​5, 6) ˈˈDhe -bho ɲɔn ɔn sa ˈˈzru ˈsʋ ɛ sa -jieˈˈ zi -aeˈˈ ɔɔ sa ˈˈzru nɔnˈˈ ooˈˈ nɔnˈˈ ˈdhe?

ˈˈBhile- ˈdhe Zoova bho ɔ ˈye ʋn sʋn bho po. Dɩ nɩan ˈbho -a -gwlɩˈˈ ɛ, ɩanˈ dɩ -kman Zoova ˈˈbhli ˈjɛɛn-. -Bho -a -nɩn ˈmʋnan in -aeˈˈ -a ˈˈzru ɛˈ, ɔ jhibhiˈ. Dɩ -aa naan tɔˈ i -e dhɛɛdhɩ- -aa naan ɩn tɔˈ i ɛ, ɔ jhibhiˈ. (Ps 7:9b) -Jɛn kɔandɩ -ˈnɛn ɛn, Zoova a ˈˈduɛˈˈ -aaˈ dɩ ˈˈdhe ɔ ˈbhɛɛˈ ɔ ˈye -aʋ sʋn bho po -bho -a ˈˈzru -aeˈˈ -bho ˈˈzrughwɛ ɛɛ sa -aʋ nʋn -mɔnˈ -dhe ɛˈ.—Ps 34:18.

ˈˈDu -manˈ tɔˈinaansʋn anˈ dɩ. -Bho -a ˈmɛn ˈkpɩi ɛˈ, ɛɛ nʋɛnˈ -a se ˈmʋnan in -nɩn ˈˈdhe ɛ ˈbhɛɛˈ ɛ ˈyeɛ nʋn -ke -jhbhɛɛ nɩan ˈbho -abʋ -e Zoova ˈɲnɩn ˈye ˈkɔ. Ɛɛˈ dɩ -a ˈye -aaˈ -pɛɛ ɛˈ dɩ ˈˈdu.—Pr 4:23.

-ˈJHE VIDEO NƆN IN -KA -AAˈ ˈDHOUDHI -ˈˈWE A NƲAN -WƐEˈ ƲƲ DEA ˈFLƐ ˈMƲN IN -BHO ˈˈZRUGHWƐ ƐƐ SƲBƲ NƲN -MƆNˈ -DHE Ɛˈ, -ˈMƐN -ZA ˈE IDEEDƖ- NƖAN DA ˈZƆN DA:

• Dhɛwɛ- Niki nʋn -ɛ pʋ sʋn bho ˈdhe ʋanˈ ˈˈzrughwɛ- ˈdhi -ɛ?

  -Za ˈe ideedɩ- -ˈnɩn da

• Dhɛɛdɩ- Niki ˈnaan ɛ -kɔndɩ ʋn ˈye ˈe dɔsrɔi bho mun -ɛn?—Mt 9:12

  -Za ˈe ideedɩ- -ˈnɩn da

• -Kawɛ Niki nʋn Zoova -gwlɩˈˈ -de sʋn -wɛeˈ Ɔ ˈyʋ sʋn bho po -ɛ?

  -Za ˈe ideedɩ- -ˈnɩn da