ˈBho -aaˈ ɛntɛɛnɛtɩ ɛˈ -dein- ɛnˈ ˈfɔ kɔan ɲan ˈˈkpe ɛ, ˈcɩaandhɩ -e videe -nɩn ˈo -ɩn -pooɛ kpɔˈˈ -wɛeˈ -ɩn ˈye ɲʋn ˈdhɔɛeˈ aˈ -pɛɛ i ˈtʋn. (Ac 13:48) Dɩ nɩan ˈe -manɩan ˈdhi -aeˈˈ dɩ nɩan ɲʋn anˈ klɛɛ ˈŋwɔin ɛn, ɩmɩn- anˈ dɩ ɛɛ ˈtmʋn.

-Kawɛ ˈbhɛɛ -ˈye dhɩ nɩan ˈo jw.org ɛˈ ˈfɔ kʋan ɲan ˈˈkpe dhbho -nʋʋn ˈdhe -bobhlaaˈ -a?

• Mun ˈo -aaˈ ɛntɛɛnɛtɩ ɛˈ -dein ˈˈkpe jheejhee. Dhɩ nɩan ˈo ɛɛˈ ˈfɔ kɔan ɲan ˈˈkpe ɛ, ˈcrɩ -da ˈˈzaan -wɛeˈ -ka ˈbhɛɛa -ˈyɩ dhbho -nʋʋn ˈˈdhe -ˈyea ɲɔn -ɔn ˈbɔan -ɔ ˈyea dhɩ -duuˈˈ i ˈŋwɔn sʋn bho po ɛ -ˈyeɛ i ˈbɔn. (-Bho -ˈye dhɩ -dhee ɲʋn poa ˈo -aaˈ ɛntɛɛnɛtɩ ɛˈ -dein ˈˈkpe jhibho- ɛˈ, ˈɲɛn ˈo “Voir plus.” ˈˈkpe i.) -Bho -man sa ˈbho -aaˈ ɛntɛɛnɛtɩ ɛˈ -dein- ˈˈkpe mun jheejhee ɛˈ, ɛɛ muɛn ʋn dɩ -ˈyea ˈtmʋn ˈdhe -bobhlaaˈ aˈ tɔˈ -gwlɩˈˈ -po.

• ˈCɩaandhɩ -e videe ɲʋn an poa ˈbho -aaˈ ɛntɛɛnɛtɩ ɛˈ -dein ɛnˈ ˈfɔ kɔan ɲan ˈˈkpe ɛ, -jhii dhi -ˈye -bo -bhlaaˈ -dee. Dhɩ nɩan ˈo ɛɛˈ ˈfɔ -ˈnɔn ˈˈkpe ɛ, ɩn ˈbhɛɛˈ ɩn ˈyeɛ nʋn dhɩ ɲʋn nɩan ˈe -bobhlaaˈ ˈbhɛɛa ʋʋ ˈyea tɔˈ i -naan an, -a ˈyɩ jhibho-.

• -To -aaˈ ɛntɛɛnɛtɩ ɛˈ -dein ɛnˈ ˈfɔ kɔan ɲan ˈdhe ɲʋn bho. Dhɩ -ɩanˈ dɩ ˈtmʋan ˈbhomɔn, dɩ -jiɛ ˈˈkpe -ˈmɛn -tɔɔn ɔn -ka ɔ ˈyea dhɩ i ˈbɔn sʋn nʋn ˈbho -aaˈ ɛntɛɛnɛtɩ ɛˈ -dein ˈˈkpe.

• Kpʋbʋ -aaˈ ɛntɛɛnɛtɩ ɛˈ -dein ɛnˈ ˈɲnɩn. Ɲʋn -ˈnʋʋn ˈse ˈbɔn ʋʋ -nɩn -a ˈye -ghwlu, ˈklaa ʋa ˈŋwɔɔn ˈbho ˈmɛn ʋa yea ˈbho -aaˈ ɛntɛɛnɛtɩ ɛˈ -dein ˈˈkpe mun. -ˈMɛn -bho -man sa ˈbɔn -ˈyʋbʋ dhɛ -ɛ ˈyʋbʋ ˈbho -aaˈ ɛntɛɛnɛtɩ ɛˈ -dein ɛnˈ ˈfɔ kɔan ɲan, ˈbho ˈcɩaandhɛ- -aeˈˈ ˈbho video dhueˈ bho kpa aˈ, -manˈ -pɛɛ ɛˈ zee i -dhe.