KLETIƐN ƐNˈ ˈKMƲN

Aʋ po ɲʋn -ʋaˈ dɩ sea ɲɔnsoadhɛ ɛˈ dɩˈ -nɩn sʋn bho ʋʋ ˈye ʋaˈ Nʋin jhibho-

BHLƐ

-Manˈ bhla bo ˈdhe ɲʋn -ʋaˈ dɩ sea ɲɔnsoadhɛ ɛˈ dɩˈ -nɩn bho -zɔn -ˈnɔɔn dhɛbhleɛ ˈbhoo- -gwlɩˈˈ ʋʋ ˈse ʋn -dheinˈˈ bho -po i? -Bho ɛ -nɩɛn mɛn ɛnˈ, -ˈman ˈˈmaeˈ -dhe -ka ɲʋn -anˈ dɩ sea Ɲɔnsoa aˈ dɩˈ -nɩn -e ɲʋn -ˈnaan Ɲɔnsoa sea i -nɩn ɛnˈ, ʋaˈ -da -duuˈˈ ˈkpa Zoova aˈ -Bobhlaʋn. -Zɔn -ˈnɔɔn ɔn, ɲʋn ˈyʋbʋ sʋn bho po -wɛeˈ ʋʋ ˈye dhɩ -a toɛ -ka Ɲɔnsoa nɩan in ˈcɩan.—Rm 1:20; 10:14.

-ˈJHE VIDEO NƆN IN -MANˈ ˈˈMAE -DHE: ƝƲN SEA DHƐGWLƖDEƐ ˈBHLE Ɛ, ƲƲ ˈBHƐƐ ƲƲ ˈYE DHƐGWLƖDEƲN- ˈKPA!, ƝƲN ANˈ DƖ SEA ƝƆNSOA Aˈ DƖ -NƖN, -ˈMƐN -ZA ˈE IDEEDƖ- NƖAN DA ˈZƆN DA:

-Kawɛ Tomaso ɔˈ bo ɔ nʋn ʋn sʋn bho -po sʋn ˈˈdhe -man ˈjhe -bobhlaaˈ ˈdhe ɲʋn -anˈ dɩ sea ɲɔnsoadhɛ ɛˈ dɩ -nɩn bho ˈˈjhriɛ- ˈjɛɛn ˈmʋn -ɛn?

-Za ˈe ideedɩ- -ˈnɩn da

-Ka -ˈyea ɛɛˈ -nʋn sʋn nʋn ɛn

-Bho ɲɔn ˈnaan ɔ seɛ -gwlɩˈˈ de -ka Ɲɔnsoa nɩan in ɛnˈ, -ˈbhleɔ -dhɛdhɛ-, -manˈ kpaan ghwluˈˈ -dhe ˈdhe ɔ bho, dhɩ nɩan ˈbho ɔ -gwlɩˈˈ -e dɩ aʋa ˈtmʋan -ka ɔɔ nʋan ɩanˈ ˈjhe sʋn ɛn ˈbɔn ɩanˈ i ˈŋwɔan in. (2Tm 2:24) Dɩ ˈbhɛɛa -ɩn -ˈyea ɔɔˈ -pɛɛ i ˈtʋn ɛn, ɔ -nɩn ˈtmʋn ɩanˈ dɩ. Dhɩ -ɩan- ˈˈtuanˈˈ ɲʋn anˈ -da -duuˈˈ -wɛeˈ ʋʋ deɛ -gwlɩˈˈ -ka dhɩ nɩan ˈkmʋn ˈbhlea nʋin ɛn, ɔɔ ˈŋwɔɔn ˈbho ˈmɛn ɔ -nɩn ɲʋn an yea ɩanˈ dɩ ˈtmʋn? -Bho ɛ nɩɛn mɛn ɛnˈ, -ˈmɛn ˈsɛɛɩ -e videe ɲʋn poa kpɔˈˈ ɛɛˈ dɩ ɛ, -ˈbhɛɛˈ -ˈyɩ dhbho -nʋʋn. Ɲʋn poɛ ˈmʋnfeesɛɩ- La vie a-t’elle été créée? -e Cinq questions à se poser sur l’origine de la vie ˈdhe -aaˈ ɲʋndhɛtɔɔnsɛɩ- ˈˈklun -wɛeˈ ɩanˈ ˈjheaˈ ˈse ˈˈɩkman- in.

ˈBho -deenanˈ an, ˈdhe ɲʋn sea Ɲɔnsoa -gwlɩˈˈ de bho -ghwluɛ ˈbhɛɛˈ ɛ ˈye -manˈ -faʋn ˈbhle. -Bobhlai- nmanˈˈ ˈdhe -bobhladhbho ˈdhi ɛ, ˈbhɛɛˈ ˈyeɔ i ˈkpaa- ɔ ˈye ʋn sʋn bho po. -Manˈ ˈmae -dhe -ke -ka Zoova ˈbhɛɛa ɔ ˈyea -aʋ sʋn bho po -wɛeˈ ɲʋn -anˈ -pɛɛ nmɔan ˈˈjhrii ɛ, -a ˈyʋbʋ aˈ -pɛɛ i ˈtʋn anˈ ˈbhɛɛ-, -bho ʋʋ seɛ -gwlɩˈˈ de -mɔnˈ -dhe -ka ɔ nɩan ɩn ɛn.—Ac 13:48.

KLETIƐN ƐNˈ ˈKMƲN -E ƆƆˈ -BOBHLADHBHO