Zivʋɔcʋ- 26–Touocʋ- 3
PSAUMES 11-15
ˈDhʋ aˈ 139 nʋn -e bhaeɛ- -e | -Deeghwlu- (Min. 1)
1. -ˈJhe -manˈ ˈˈjɛ ˈdhe Ɲɔnsoa aˈ kupeɛˈ i -de kmʋn ˈdhi
(Min. 10)
ˈTee aˈ ŋwɔn -bhlaa nʋɛnˈ ˈdhiŋwɔnɲniɛn ˈˈjhi ˈnɔn ˈkmʋn ˈmɛn. (Ps 11:2, 3; w06-F 15/5 18 § 3)
-A deɛ -gwlɩˈˈ -ka nɔnˈˈ dhɛ ˈˈzaan sia ˈo -wɛeˈ Zoova ˈyea ˈdhiŋwɔnɲniɛn i -za a. (Ps 11:5; wp16.4-F 11)
Ghwlu Zoova cɩan -ʋn nɩan ɔɔ muɛn -aʋ ˈpʋʋ ɛ, ʋanˈ tɔˈ ˈˈkpei -naan nʋɛnˈ -aa yea -aaˈ zeie- nɔnˈˈ -fuo- ˈdhe i ˈmaan- ˈmʋn. (Ps 13:5, 6; w17.08-F 6 § 15)
ˈDƖN -Ɛ NƐN: Zro Ézéchiel 34:25 ˈdhii, -ˈmɛn ˈkmʋn -dhee -ʋanˈ dɩ ˈtmʋan ˈdhe ɛ ˈdhi ɛ, ˈˈdhuo- nɔnˈˈ ˈmʋn -ˈye -manˈ ˈˈjɛ ˈjhe -ka -manˈ nɩan ˈdhe ʋn ˈdhi ɛ.—kr-F 236 § 16.
2. -A -za ˈsrɩn ˈdhe Ɲɔnsoa aˈ Ghwlu ˈdhi
(Min. 10)
-
Ps 14:1: Dhɛ -ɛ ˈtmʋan ˈdhe Biiblʋ aˈ ˈˈjhriɛ- nɛn ˈdhi ɛ -kawɛ ɛ ˈbhɛɛ ɛ ˈye kletiɛn i -jhii -ke -ɛ? (w13-F 15/9 19 § 12)
-
Biiblʋ aˈ ˈˈjhri aʋ zroa ˈdhii ˈnɔn ˈdhɔɔ nɔn ˈdhi ɛ, ˈsrɩn -wɛ aʋ ˈjhe -ɩanˈ dɩ aʋa ˈbɔn aʋ ˈye ˈtmʋn -ɛn?
3. Dhɛdhiizroɛ-
4. ˈDhe ɲʋn bho -ghwluaˈ -deeɛ-
(Min. 2) -BOBHLAA- -DA OOˈˈ -DA. -ˈDha ɲɔn -man ghwlua ˈe bho ɔ ˈye ˈdhe Zezi ɔˈ ˈmɛan anˈ -ˈgwlɩinaazɔn ˈmʋn ˈjhi. (lmd ˈcɩaandhɛ- 5 ˈˈdhru ˈˈzaan- 3)
5. ˈDhe ɲʋn bho -ghwluaˈ -deeɛ-
(Min. 1) -BOBHLAA- ŊMƐINˈˈ ˈDHII. -ˈDha ɲɔn -man ghwlua ˈe bho ɔ ˈye Zezi ɔˈ ˈmɛan anˈ -ˈgwlɩinaazɔn ˈmʋn ˈjhi. (lmd ˈcɩaandhɛ- 3 ˈˈdhru ˈˈzaan- 4)
6. ˈDhe ɲʋn bho -ghwluaˈ -deeɛ-
(Min. 3) -BOBHLAA- ŊMƐINˈˈ ˈDHII. Ɲɔn ˈŋwɔɔn- Zezi ɔˈ ˈmɛan anˈ -ˈgwlɩinaanzɔn ɔnˈ ɲʋndhasɛɛ-. (lmd ˈcɩaandhɛ- 7 ˈˈdhru ˈˈzaan- 4)
7. Dhɛcɩaʋn -nʋɛn-
(Min. 5) lff ˈcɩaandhɛ- 13 Dhɛwɛ- ˈcɩan-?, dhɛwɛ- -ˈŋwɔn in -ɛn?, -e dhɛ -ˈbhɛɛa -ˈyea nʋn ɛn. Mun ˈe ˈsɛɛ ɛˈ ˈfɔ ɲɔn ɔn ˈdhaa “ˈBɔn dhɩ -ˈnɩɩn anˈ i ˈŋwɔan in” ˈdhi -ˈye ˈe ˈcɩaandhɛ ɛˈ kpɔ dhueˈ -za -wɛeˈ -ˈye -manˈ dhɛcɩain sʋn bho po ˈˈdhe -ka Ɲɔnsoa a nʋan pliegbi- -saɩn ˈjhe sʋn ɛn, ɔ ˈyeɛ i ˈŋwɔn. (th ˈcɩaandhɛ- 12)
ˈDhʋ aˈ 8 -nʋn
8. “Tɔˈdhinɩɛn ˈˈpaa aˈ ɛ ye tʋvɔɔndhɩ- -zii”
(Min. 10) Aʋ ˈtmʋn ɛnˈ dɩ.
ˈDhiŋwɔnɲniɛn ɛn ˈkpa ˈˈkpe da ˈbhlʋa aˈ klɛɛ ˈˈkpe. ˈDhiŋwɔnɲnindhɩ- -ɩan- nʋʋan -e -aa cɛɛan ˈdhe ˈdhi ɛ, Zoova jhibhiˈ -ka ɩn ˈbhɛɛa ɩn ˈyea -aʋ ˈˈzruu- ɛ. -Ka -aa ˈbɔan ɲɔn ˈyea -aʋ ˈdhei -fuo- ɛ, Zoova a ˈŋwɔn ɛɛˈ dɩ i ˈmɛn -ke. Dhɛ ɛˈ kpɔ dhueˈ ɔɔ jhiia i -wɛeˈ ɔɔ fua -aʋ ˈdhei ɛ, ɛmɛn- -nɩn ɔɔˈ Ghwlu nɩan Biiblʋ ɛ.—Ps 12:5-7.
Tɔˈdhinɩɛn- nɩan ˈe Biiblʋ ˈdhi “ˈˈpaa aˈ ɛ ye tʋvɔɔndhɩ -zii.” (Ec 9:18) Biiblʋ aˈ ˈsrɩn nɩan da ˈzɔn da, -ka ɩanˈ ˈˈjhriɛ ˈˈduɛ- ˈbhɛɛa ɛ ˈyea -aʋ sʋn bho po ˈˈdhe ɲʋn ˈsea -aʋ dhɛsaʋn ˈˈdhrui -nʋn in ɛn, ɛmɛn- -aa mun ˈjhe-.
-
Ec 4:9, 10: -Da ɲnian ˈˈjhrii ɲɔn sea -nɩn ɛn, -manˈ nɩn -e dhueˈ ˈbhɔmɔn -dhe.
-
Pr 22:3: -Bho -nɩn ˈe ˈkpaeˈˈ ɛˈ, dhɩ -ɩan- nʋan ʋn ˈdhebhoi ɛ, -naan ɩn ˈˈjhriɛ bho.
-
Pr 26:17: Dɩ sea -manˈ dɩ -nɩn ɛn, -manˈ pɩ -e ŋwɔn ˈdhi -dhe.
-
Pr 17:14: -Da nɩan -bho ˈcɛn ˈˈmlan -nɩɛn ɛn sa dee ˈˈkpɩ ˈsʋ, -ˈghwlʋ ˈo. ˈˈDhe -tɛɛn ɲʋn anˈ bhɔˈ -ʋa- ˈkpa ˈcɛn -ʋa- poa dhɩ ˈˈjhai bho.
-
Lc 12:15: -Manˈ ˈˈdu -e ˈghwlii aˈ dɩ -dhe ˈsʋ -manˈ po -manˈ ˈˈjɛ ˈdhe ˈmɛan ˈŋwɔn -dhe.
Po ˈo VIDEO -Sraan dhɛgwlɩdeʋn-, ɛɛˈ -nɩn -e ɲʋn sea dhɛgwlɩdeɛ- ˈbhle -dhe: Enɔkɩ, ɛɛˈ -nɩn -e Lamɛkɩ -dhe. -ˈMɛn po ˈe ideedɩ- nɩn:
Gɔˈ Enɔkɩ toa, -kawɛ ɔ nʋn ˈdhoudhi dhueˈ -ɔɔ ˈbɔan -ɔ ˈyea ɔɔˈ -ˈˈgbuzɔncɛ ˈdhei fuo sʋn bho -po sʋn ˈdhe dhɩ ɔɔ za ˈo ɔɔ nʋan ˈdhi -ɛ?—Hé 11:5
ˈDhe dɩ -ˈnɩɩn ˈdhi ɛ, kletiɛn ˈbhɛɛˈ ɔ ˈye ɔɔˈ ˈˈjɛ -e dhɩ ɔ ˈbhlea ˈdhei -fuo-. -Bho ɛ -nɩn -kaˈ -mɔnˈ -dhe ɛˈ, dhɛ ooˈˈ dhɛ ɔ ˈbhɛɛa ɔ ˈyea nʋn -wɛeˈ ɔ ˈsea ɲɔn dhbhaˈ i -aeˈˈ ɲɔn ɔnˈ ɲmɔn sea ˈbho ɔ ˈˈdhru -nɩn in ɛn, ɔ ˈbhɛɛˈ ɔ ˈyeɛ nʋn.—Ps 51:14; -ŋmʋn ˈe “Questions des lecteurs” nɩan ˈe La Tour de Garde ˈˈsiaˈˈ zɔnˈ ˈdhe 2017 Ɲɔɔnkpadhebhaˈ ˈdhi.
9. Zezi ɔˈ ˈmɛan anˈ -ˈgwlɩinaanzɔn ɔnˈ ɲʋndhasɛɩ aˈ -gbleaˈ dee samedi, Touocʋ 2 ˈˈkpe
(Min. 5.) Ɲankɔin- -ˈye -bo nɔn bhla. Dhɩ -poa- kpɔˈˈ ˈdhe aʋaˈ kpɔ ˈdhi ˈdhe ɲʋndhasɛɩ- aˈ gbleaˈ -e -bo ˈyea -bhlaa -e Zezi ɔˈ ˈmɛan ˈan -ˈghwlɩinaanzɔn ɔnˈ dɩ ˈdhi ɛ, ˈtmʋn ɩanˈ dɩ. ˈTmʋʋn- ˈdhoudhi -ˈˈwe -ka ʋʋ ˈbhɛɛa ʋʋ ˈyea -jiezaʋn- -an nʋan lɛɛ ɛˈ ˈˈjhri aˈ 15 ˈdhe touocʋ -e -jilecʋ- ˈdhi ˈkpa a.
10. Ɲɔnsoagbu aˈ Biiblʋ ˈcɩan-
(Min. 30) bt-F cdh. 6 § 9-17
