25:1-12

-Bho seɲmaujhibho- -ɲnʋnkpaeˈ nɩan bue aˈ -bo Zezi bhla a sa ˈe ɲʋn -zuu ˈcra i ˈbho ˈdha mɔn -dhe ɛ, kletiɛn -ˈˈwe aˈ klɛɛ ˈbhɛɛˈ ʋʋ ˈyeɔ ˈsrɩn ˈdhi -za. (w15-F 15/3 12-16) ‘Aʋ -de ˈˈjhriɛ ˈˈɩ, dhɛbhleɛ, aʋ se ˈghwɩ -e nɔnˈˈ -glɔɲiɔn ɔnˈ ˈˈjhu ˈyea -jha jhibho-.’ (Mt 25:13) -ˈBhɛɛˈ -ˈye Zezi ɔˈ ˈˈɩpoodɩ- -ˈnɩn ˈˈkpe izela-?

• ˈƝnɔnjhei- (ˈˈJhri -mɩɩnˈˈ 1): Zezi

• -Tɔˈdhinɩɛn- poɛ seɲmaujhibho- -ɲnʋnkpaeˈ sʋn bho (ˈˈjhri -mɩɩnˈˈ 2): Kletiɛn -zuu ˈcrai -ʋa- ˈˈdua ʋaˈ dhbho ˈˈjhri ɛ, ʋaˈ nɛn ɛn muɛn -ghwan ˈsʋ -dhebhɔɔ- ghwɩ ˈye ɲnin. (Fil 2:15)

• Ghweeghlu-: ‘ˈƝnɔnjhei- ɔ jhiˈ!’ (ˈˈjhri -mɩɩnˈˈ 6): Zezi ɔˈ jhiaˈ -nɩɛn- ˈˈjha.

• Seɲmaujhibho- -ɲnʋnkpaeˈ sea -tɔˈ ˈdhi -nɩn ɛn (ˈˈjhri -mɩɩnˈˈ 8): Ɛ Kletiɛn -zuu ˈcrai -ʋa- muan ˈɲnɔnjhei- ˈˈɩjhaananˈ -wɛeˈ -ʋʋ ˈsea ˈˈjhriɛ ˈˈɩ de ˈˈdhe ʋʋ ˈsea ʋaˈ ˈˈɩˈsreɛ ikpʋn ɛn.

• Seɲmaujhibho- -ɲnʋnkpaeˈ nɩan -tɔˈ ˈdhi ɛ, ʋʋ ˈse ʋaˈ ˈcran ɲɔn ˈˈɲɩn (ˈˈjhri -mɩɩnˈˈ 9): -Bho ɲʋn -zuu ˈcrai ʋaˈ jhibhonanˈ ˈˈduɛ- -gwɛ ˈe ɛˈ, kletiɛn -zuu ˈcrai ˈˈdhe -ʋʋ ˈsrɛɩ se ˈbhɛɛ- ʋʋ ˈye ɲʋn ˈghlʋa ˈo Ɲɔnsoa ˈˈbun sʋn bho po -dheeka.

• ‘ˈƝnɔnjhei- jhiˈ’ (ˈˈjhri -mɩɩnˈˈ 10): Zezi ɔ muɛn -jhi -wɛeˈ -bho ˈklejheɛ- -klaaˈˈ -gwɛ ˈe ˈsʋ ɔ ˈye ɲʋn anˈ ˈpee ˈjhe.

• Seɲmaujhibho- -ɲnʋnkpaeˈ nɩan -tɔˈ ˈdhi -nɩn ˈɲnɔnjhei- pa ˈe ˈˈbhlitii- gbu ˈdhi -wɛeˈ ɲʋn kan ˈo (ˈˈjhri -mɩɩnˈˈ 10): Zezi ˈgbooɛ- ɲʋn -zuu ˈcrai ˈˈdhe -ʋʋ kpʋan ˈbho ɔ ˈˈbun ˈˈdhrui ʋʋ -nɩn ɔ ˈye ˈe jhaʋn ˈdhi mun, ˈklaa ɲʋn sea ˈˈɩˈsrɛ ɛ, ʋʋ ˈse ʋaˈ geiˈˈ ˈjhe.