KLETIƐN ƐNˈ ˈKMƲN
-A ˈˈnman ˈdhe -bobhla- aˈ: -A po dhɛcɩain sʋn bho ɔ ˈye ɔɔˈ ˈsɛɛ ˈcɩan
DHƐƐDƖ- ƐƐˈ DƖ KMAN: -Bho ɲʋn -aa tɔɔan dhɛ ˈcɩan ʋaˈ ˈsɛɛ ˈdhii -kajɔɔnka aˈ, ʋa muɛn dhɛiŋwɔn- -wɛeˈ ʋʋ ˈseɛ bho ˈˈmae- dhi. -Bho ʋa sa dhɛiŋwɔnˈ ˈˈdhe ʋa sɛ -glʋˈˈ bho po ɛˈ, ɛɛ muɛn -nʋn ʋʋ ˈye ˈbhoa ˈˈdoo- ˈdhe ɲɔnsoadhɛ ˈdhi. -Bho ʋʋ -jhii ˈˈnin ˈzɔn mɔn -dhe ɛˈ, ʋʋ ˈye ˈˈdhruigbooɛ -e -bobhla- aˈ dhɩ ˈcɩan -wɛeˈ ʋʋ ˈye ‘ˈˈjhriɛ ˈˈɩ -de’ jheejhee. (Mt 25:13) -Bho ʋʋ jhibho- dhɛcɩan- ˈˈdhe ʋa sɛ ˈˈjhriɛ ˈˈdu ɛˈ, ɛɛ mun ʋbʋ sʋn bho -po ˈdhe ʋaˈ ˈkmʋn anˈ klɛɛ ˈdhi. -Bho -a -nɩn ɲɔn ɔn sa Biiblʋ ˈcɩaan dee ɛˈ, -a -tɔɔn ɔn -ka ɲɔn ɔn nʋan dhɩ ˈcɩan sʋn -wɛeˈ -bho ɛɛ sa ˈo ˈbhɔɔ ɛˈ, ɔ ˈyeɛ ˈˈjhriɛ ˈˈdu ˈdhe ɔɔˈ ˈkmʋn anˈ klɛɛ ˈdhi.
KA ƝƆN ƆN NƲAN ƐƐˈ NUN SƲN ƐN:
-
-A -to ˈo ˈgɔ ˈjɔɔn. (Wl 2:21) -Bho -man sa dhɛcɩan an, -naan ɲɔn -man tɔɔan dhɛ ɛˈ dɩ -tɔˈ i. (km-F 15/11 3) -Manˈ ˈsɛɛ- -ˈcɩan toɛ ɔ ˈyeɛ ˈjhe -wɛeˈ -ka nʋɛn dhɩ ˈzɔn -tri sʋn ɛn, ɔ ˈyeɛ ˈjhe.
-
Poɔ ˈkpɩ ɔ ˈye ɔɔˈ ˈsɛɛ ˈdhii ˈcɩan. -Bho aʋ -dee dhɩ ˈcɩaan anˈ, ˈtmʋɔn -ka ɔɔˈ ˈˈjɛ ɛˈ dhɩ ˈcɩan -mɛn ˈyeɛ nʋn -wɛeˈ ɔ ˈye dhɩ dhɔɛeˈ ˈjhe ˈbho Biiblʋ ˈcɩaan. -Ka ɔ ˈyea nʋn ˈjɛɛn -wɛeˈ ɔɔˈ ˈˈjɛ ˈyea ɔɔˈ ˈsɛɛ ɛˈ ˈdhii ˈcɩan- anˈ nɔnˈˈ ˈjhe ɛ, ɛmɛn- -ˈyeɔ -tɔɔn -ke. Ɲʋn -dhee -ˈnʋʋn ɛn, -bho ʋʋ -nɩn ɲɔn ɔn sa dhɛcɩan anˈ, ʋa ˈˈɲɩɔn ʋaˈ ˈˈjɛ ɛˈ ˈsɛɛ- ʋʋ ˈcɩan ˈdhii see -wɛeˈ -ka -manˈ ˈˈjɛ kpɔ ˈˈɔ -poɛ ˈdhadhɛ ɛ, dhɛcɩain ˈyɩ jhibho-. -Bho ɔ ˈcɩan ɔɔˈ ˈsɛɛ ˈdhii -wɛeˈ -ˈyeɔ -jhɛɛ ɛˈ, poɔ dɩ bho.
-
-Bho ɲʋn -ˈnʋʋn -nɩn ɲɔn ˈye dhɛcɩan- -dee ɛˈ, ʋʋ -nɩn ɲɔn ʋa tɔɔn dhɛ ɛ ˈcɩan ˈcɩaandhɛ- dhueˈ ˈdhii -wɛeˈ ʋa tɔɔn -ka ɲʋn an nʋan dhɛcɩanˈ sʋn.